Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ଅଂଳେଇ ମନ୍ଦିରରୁ ଦାନବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • କୋରାପୁଟ : କୋରାପୁଟ ଜିଲ୍ଲା ସୁନାବେଡ଼ା ଟିଟିଏସରେ ଛାତ୍ର ଅଶାନ୍ତି, ଷ୍ଟାଇପେଣ୍ଡ ଟଙ୍କା ନମିଳିବାରୁ ବିକ୍ଷୋଭ
  • ||
  • ଜଳେଶ୍ବର : ଅବକାରୀ ବିଭାଗ ଦ୍ଵାରା ୪ ଚୋରା ଦେଶୀ ମଦ ବେପାରୀ ଗିରଫ, ୨ଶହ ଲିଟରରୁ ଅଧିକ ଦେଶୀ ମଦ ଜବତ
  • ||
  • ଆନନ୍ଦପୁର : କେନ୍ଦୁଝର ଜିଲ୍ଲା ଘଷିପୁରା ଥାନା ଦୀପପାଳ ଗାଁରେ ଅଭାବନୀୟ ଘଟଣା, ଘର ଭିତରୁ ମିଳିଲା ନବ ବିବାହିତାଙ୍କ ମୃତଦେହ, ବାପଘର ପକ୍ଷରୁ ହତ୍ୟା ଅଭିଯୋଗ
  • ||
  • ସାନଖେମୁଣ୍ଡି : ଗଞ୍ଜାମ ଜିଲ୍ଲା ଧରାକୋଟ ଥାନା ସୁଂଦୁରିଆପଲି ଗାଁ ନିକଟ ଋଷିକୁଲ୍ୟା ନଦୀରେ ବୁଡି ବୃଦ୍ଧା ମୃତ, ଶୌଚ ହେବାକୁ ଯାଇଥିବା ବେଳେ ବୁଡିଗଲେ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୫ କୋଭିଡ୍ ପଜିଟିଭ୍
  • ||
  • ରାଜ୍ୟରେ ଏବେ କମିବନି ବର୍ଷା, ଆସୁଛି ଆଉ ଏକ ଲଘୁଚାପ
  • ||
  • ବଳଙ୍ଗା ଥାନାରେ ବିସ୍ଫୋରଣ : ଫାଟିଗଲା କାନ୍ଥ, ଆସବାବପତ୍ର ନଷ୍ଟ
  • ||

ଦେଶରେ ପ୍ରତି ମିନିଟରେ ସାମ୍ନାକୁ ଆସୁଛି ୪୫ ପଜିଟିଭ ମାମଲା, ପ୍ରତି ଘଣ୍ଟାରେ ୪୬ ଜଣଙ୍କ ମୃତ୍ୟୁ

19/08/2020 at 8:24 PM

ନୂଆଦିଲ୍ଲୀ ୧୯/୦୮ : କରୋନା ସାରା ଦୁନିଆକୁ କବଳିତ କରିଛି | ଭାରତରେ ମଧ୍ୟ ସଂକ୍ରମଣ ମାମଲା ବଢ଼ିବାରେ ଲାଗିଛି | କେନ୍ଦ୍ରୀୟ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରାଳୟ ଦ୍ୱାରା ଜାରି କରାଯାଇଥିବା ସୂଚନା ଅନୁଯାୟୀ ଦେଶରେ ଗୋଟିଏ ଦିନରେ ୬୪ ହଜାର ୫୩୧ ନୂଆ ମାମଲା ସାମ୍ନାକୁ ଆସିଛି | ଏହାସହ ୧୦୯୨ ରୋଗୀଙ୍କ ମୃତ୍ୟୁ ହୋଇଛି | ମନ୍ତ୍ରାଳୟ ଜାରି କରିଥିବା ତାଲିକା ଅନୁଯାୟୀ, ଭାରତରେ ସଂକ୍ରମିତଙ୍କ ସଂଖ୍ୟା ୨୭ ଲକ୍ଷ ୬୭ ହଜାର ୨୭୪ ରେ ପହଞ୍ଚିଛି | ସେଥିରୁ ୬ ଲକ୍ଷ ୭୬ ହଜାର ୫୧୪ ଆକ୍ଟିଭ ମାମଲା ରହିଛି | ଏବେ ସୁଦ୍ଧା ୨୦ ଲକ୍ଷ ୩୭ ହଜାର ୮୭୧ ରୋଗୀ ସୁସ୍ଥ ହୋଇଛନ୍ତି | ଦେଶରେ ୫୨ ହଜାର ୮୮୯ ଜଣ ମହାମାରୀ ଯୋଗୁଁ ପ୍ରାଣ ହରାଇଛନ୍ତି |

ଭାରତ ସରକାରଙ୍କ ଦ୍ୱାରା ଜାରି କରାଯାଇଥିବା ତାଲିକା ଉପରେ ଯଦି ଦୃଷ୍ଟି ଦିଆଯାଏ ତାହେଲେ ଦେଶରେ ପ୍ରତି ମିନିଟରେ ୪୫ ଜଣ କରୋନା ପଜିଟିଭ ଚିହ୍ନଟ ହେଉଛନ୍ତି | ଏହାସହ ପ୍ରତି ଘଣ୍ଟାରେ ପାଖାପାଖି ୪୬ ଜଣଙ୍କ ମୃତ୍ୟୁ ହୋଇଛି |

କରୋନା ମହାମାରୀ ଭ୍ୟାକସିନ ପାଇଁ ସାରା ଦୁନିଆ ଚେଷ୍ଟା କରୁଛି | ଦେଶରେ ୩ଟି ଭ୍ୟାକସିନ ଉପରେ କାମ ଚାଲିଛି | ସେଥିରୁ ଗୋଟିଏ ଭ୍ୟାକସିନର ତୃତୀୟ ପର୍ଯ୍ୟାୟ ପରୀକ୍ଷଣ ଶୀଘ୍ର ଆରମ୍ଭ ହେବ | ନୀତି ଆୟୋଗ ସଦସ୍ୟ ଡ.ବି.କେ.ପାଲ ମଙ୍ଗଳବାର ଦିନ ଏ ସମ୍ପର୍କରେ ସୂଚନା ଦେଇଛନ୍ତି | ଡ.ପାଲ କହିଛନ୍ତି ଯେ ଦେଶରେ ୩ଟି କରୋନା ଭ୍ୟାକସିନ ଉପରେ କାମ ଚାଲିଛି | ବୁଧବାର ଦିନ ଗୋଟିଏ ଭ୍ୟାକସିନର ତୃତୀୟ ପର୍ଯ୍ୟାୟ ପରୀକ୍ଷଣ ଆରମ୍ଭ ହେବ | ସେ ଏହାର ନାଁ ଉଜାଗର କରିନାହାନ୍ତି | ଭ୍ୟାକସିନର ସପ୍ଲାଏ ଚେନ ମଧ୍ୟ ଆରମ୍ଭ ହେବ ବୋଲି ସେ କହିଛନ୍ତି | ତେବେ ଭ୍ୟାକସିନ କେବେ ସୁଦ୍ଧା ପ୍ରସ୍ତୁତ ହେବ ତାହା ସେ କହିନାହାନ୍ତି | ଭ୍ୟାକସିନର ସଫଳତାକୁ ନେଇ କୌଣସି ନିଶ୍ଚିତ ଦାବି ମଧ୍ୟ କରାଯାଇନାହିଁ | ସରକାର ଲଗାତାର ଭ୍ୟାକସିନ ନିର୍ମାତା କମ୍ପାନୀଗୁଡିକ ସହ ସମ୍ପର୍କ କରୁଛନ୍ତି ଏବଂ ସବୁ ପ୍ରକାର ସମ୍ଭାବ୍ୟ ସାହାଯ୍ୟ ଯୋଗାଉଛନ୍ତି |

   Related Posts