Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||
  • ଭୁବନେଶ୍ବର : ପ୍ରଭୁ ଶ୍ରୀଲିଙ୍ଗରାଜ ପୀଠରେ ରାତି ୧୦ଟାରେ ଉଠିବ ମହାଦୀପ, ମନ୍ଦିର ପରିସରରେ ପାଳନ ହେବ କୋଭିଡ୍ କଟକଣା
  • ||

ଫେସବୁକ ଓ ଜିଓ ମଧ୍ୟରେ ୪୩ ହଜାର କୋଟିର କାରବାର, ଚିନ୍ତାରେ ଆମାଜନ୍ ଓ ଫ୍ଲିପକାର୍ଟ୍

24/04/2020 at 5:37 PM

ନୂଆଦିଲ୍ଲୀ, ୨୪|୦୪:    ଦୁନିଆର ସବୁଠୁ ବଡ ସାମାଜିକ ଗଣମାଧ୍ୟମ କମ୍ପାନୀ ଫେସ୍‌ବୁକ୍ ଭାରତର ସବୁଠୁ ବଡ ବିତଶାଳୀ ରିଲାନ୍ସ ଇଣ୍ଟ୍ରଷ୍ଟିଜ୍‌ର ମାଲିକ ମୁକେଶ ଅମ୍ବାନୀଙ୍କ ଜିଓ ପ୍ଲାଟଫର୍ମରେ ୪୩ ହଜାର ୫୭୪ କୋଟି ଟଙ୍କାର ନିବେଶ କରିବାକୁ ଘୋଷଣା କରିଛି । ରିଲାନ୍ସ ଜିଓ ପକ୍ଷରୁ ବୁଧବାର ଜାରି ପ୍ରେସ୍‌ବିଜ୍ଞପ୍ତିରେ ଏହାର ଘୋଷଣା କରାଯାଇଛି । ବିଜ୍ଞପ୍ତିରେ କୁହାଯାଇଛି ଯେ, ଜିଓ ପ୍ଲାଟଫର୍ମରେ ପେସ୍‌ବୁକ୍‌ ୪୩ ହଜାର ୫୭୪ କୋଟି ଟଙ୍କା ନିବେଶ କରି ୯.୯୯ ପ୍ରତିଶତ ଅଂଶଧନ କିଣିଛି ।

ଏହି ନିବେଶ ନେଇ ଜିଓ କହିଛି ଯେ, ଫେସ୍‌ବୁକ୍ ଓ ଜିଓ ମଧ୍ୟରେ ହୋଇଥିବା ଏହି ଚୁକ୍ତିନାମ ଅନେକ ଦୃଷ୍ଟିରୁ ମହତ୍ୱପୂର୍ଣ୍ଣ । ପ୍ରଦ୍ୟୋଗୀକଂପାନୀରେ ଏତେ କମ୍‌ ଅଂଶଧନ କିଣିବା ପାଇଁ ଏହା ସବୁଠାରୁ ବଡ ନିବେଶ ହୋଇଛି । ଭାରତରେ କୌଣସି ପ୍ରଦ୍ୟୋଗୀ କଂପାନୀରେ ପୂର୍ବରୁ ଏହିପରି ବଡ ଧରଣର ନିବେଶ ହୋଇନଥିଲା । ଜିଓ ଓ ଫେସ୍‌ବୁକ ମଧ୍ୟମରେ ହୋଇଥିବା ଚୁକ୍ତି ପରେ ଜିଓ ପ୍ଲାଟଫର୍ମରେ ଛୋଟ ଛୋଟ ଅଂଶଧନ ଶ୍ରେଣୀରେ ଫେସ୍‌ବୁକ୍‌ର ଭାଗୀଦାରୀ ଅଧିକ ରହିବ ।

ବିଶେଷଜ୍ଞଙ୍କ କହିବାନୁସାରେ, ଏହା ଭାଗିଦାରୀ ଆମାଜାନ, ଫ୍ଲିପକାର୍ଟ ଓ ଗୁଗୁଲ ପାଇଁ ବିପଦ ସୃଷ୍ଟି କରିବ । ଫେସବୁକ ସାହାଯ୍ୟରେ ମୁକେଶ ଅମ୍ବାନୀଙ୍କ ଜିଓ ମାର୍ଟ ଫ୍ଲିପକାର୍ଟ ଓ ଆମାଜାନ ଉପରେ ପ୍ରଭାବ ବିସ୍ତାର କରିବ । ଭାରତରେ ଇ-କମର୍ସ କମ୍ପାନୀର ଭବିଷ୍ୟତ ଭଲ ରହିଛି । ୨୦୧୮ରେ ଏହାର କାରବାର ୩୦ ବିଲିୟନ ଡଲାର ଥିବା ବେଳେ ୨୦୨୮ରେ ଏହା ୨୦୦ ବିଲିୟନ ଡଲାରରେ ପହଁଚିବ ।

ଜିଓ ମାର୍ଟ ପ୍ରଥମେ ଗ୍ରୋସରୀ ସାମଗ୍ରୀରେ ନିଜର ଦବଦବା ଜାହିର କରିବ । ଗ୍ରାହକମାନେ ମୋବାଇଲ କନେକ୍ସନ, ଟେଲିଭିଜନ, ମ୍ୟୁଜିକ ଭଳି ସେବା ରିଲିଆନ୍ସରୁ କ୍ରୟ କରିପାରିବେ ।ଏହାକୁ ନେଇ ଫ୍ଲିପକାର୍ଟ ଓ ଆମାଜାନର ଚିନ୍ତା ବୃଦ୍ଧି ପାଇଛି । କାରଣ ଜିଓ ମାର୍ଟ ଗ୍ରାହକଙ୍କ ଚାହିଦା ପୂରଣ କରିପାରିବ ।

ବିଶେଷଜ୍ଞ ସଲମାନ ବାରିସଙ୍କ କହିବାନୁସାରେ, ଫେସବୁକ ଓ ଜିଓର ଏହି ଭାଗିଦାରୀରେ ରିଲିଆନ୍ସ ଓ ଫେସବୁକ ଭାରତୀୟ ଡିଜିଟାଲ ପେମେଣ୍ଟରେ ମଧ୍ୟ ଉପସ୍ଥିତି ଜାହିର କରିବ । ଫୋନ-ପେ, ପେଟିଏମ, ଗୁଗୁଲ ପେ, ଆମାଜନ ପେ ଭଳି କମ୍ପାନୀ ଲାଭରେ ରହିବେ । ୨୦୨୩ ସୁଦ୍ଧା ଡିଜିଟାଲ ପେମେଣ୍ଟରେ ୫ ଗୁଣା କାରବାର ବୃଦ୍ଧି ପାଇବା ସହ ୧ ଲକ୍ଷ ଡଲାରରେ ପହଁଚିଯିବ । ଭାରତରେ ଫେସବୁକର ୩୨.୮ କୋଟି ୟୁଜର ରହିଛନ୍ତି । ଏହାସହ ମେସେଜିଂ ଆପ୍ ହ୍ଲାଟସଆପରେ ୪୦ କୋଟି ୟୁଜର ରହିଛନ୍ତି । ଏହି ଭାଗିଦାରୀ ବିଶ୍ୱ ତଥା ଭାରତର ସବୁଠାରୁ ବଡ ପ୍ଲାଟଫର୍ମ ହେବ ।

   Related Posts