ଭୁବନେଶ୍ଵର ୦୯।୦୯: ରାଜ୍ୟରେ କରୋନା ସଂକ୍ରମଣ ଅହେତୁକ ଭାବେ ବଢିବାରେ ଲାଗିଛି। ଦୈନିକ ୩ ହଜାରରୁ ଉର୍ଦ୍ଧ୍ଵ ଆକ୍ରାନ୍ତ ଚିହ୍ନଟ ହେଉଛନ୍ତି। ସର୍ବାଧିକ କରୋନା ପ୍ରଭାବିତ ଜିଲ୍ଲାରେ ଏବେ ଶୀର୍ଷରେ ରହିଛି ଖୋର୍ଦ୍ଧା। ବିଶେଷ କରି ରାଜଧାନୀ ଭୁବନେଶ୍ଵରରେ ପ୍ରତିଦିନ ଶହ ଶହ ସଂଖ୍ୟାରେ କୋଭିଡ୍-୧୯ ପଜିଟିଭ୍ ଚିହ୍ନଟ ହେଉଛନ୍ତି। ଚିନ୍ତାର ବିଷୟ ଦିନକୁ ଦିନ ସ୍ଥାନୀୟ ସଂକ୍ରମଣ କେସ୍ ବଢିବାରେ ଲାଗିଛି। ଏହି କ୍ରମରେ ଗତ ୨୪ ଘଣ୍ଟାରେ ରାଜଧାନୀରେ ୪୨୭ ନୂତନ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜଧାନୀରେ କରୋନା କେସ୍‌ ୧୪୪୯୨ରେ ପହଞ୍ଚିଛି। ଭୁବନେଶ୍ଵର ମହାନଗର ନିଗଗ(ବିଏମସି) ତରଫରୁ ଟ୍ଵିଟ୍ ଯୋଗେ ଏହାର ସୂଚନା ଦିଆଯାଇଛି।

wp:html

Update on newly detected & cured #COVID19 cases in the last 24 hrs under the BMC area on 9th Sep 2020(till 9am).

Further contact tracing is still continuing.
Primary contacts & nearby houses are being quarantined, sanitized & will be under active surveillance. pic.twitter.com/rmHWTnwFUf

— BMC (@bmcbbsr) September 9, 2020

/wp:html

ବିଏମସି ଅନୁଯାୟୀ ୪୨୭ ଆକ୍ରାନ୍ତଙ୍କ ମଧ୍ୟରୁ ସଙ୍ଗରୋଧରୁ ୧୯୧ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ମାମଲା ୨୩୬ ରହିଛି। ସଙ୍ଗରୋଧ କେସ୍‌କୁ ପାର କରିଛି ସ୍ଥାନୀୟ ସଂକ୍ରମଣ। ଏହି ପରି ରାଜଧାନୀରେ ଦିନକୁ ଦିନ ସ୍ଥାନୀୟ ସଂକ୍ରମଣ ମାମଲା ବଢିବାରେ ଲାଗିଛି, ଯାହା ବିଏମସି ଓ ରାଜ୍ୟ ସରକାରଙ୍କ ପାଇଁ ଚିନ୍ତାର କାରଣ ବିଷୟ ପାଲଟିଛି।

ଅନ୍ୟପଟେ ଆଶ୍ଵସ୍ତିକର ଖବର ଗତ ୨୪ ଘଣ୍ଟାରେ ୪୨୭ ସୁସ୍ଥ ହୋଇ ଘରକୁ ଫେରିଛନ୍ତି। ଏହାକୁ ମିଶାଇ ରାଜଧାନୀରେ ଆରୋଗ୍ୟଙ୍କ ସଂଖ୍ୟା ୯୩୫୦କୁ ବୃଦ୍ଧି ଘଟିଛି। କରୋନା ଜନିତ ମୃତ୍ୟୁ ସଂଖ୍ୟା ୫୨ ରହିଛି। ବିଭିନ୍ନ କୋଭିଡ୍  ହସ୍ପିଟାଲରେ ୫୦୭୭ ସକ୍ରିୟ ଆକ୍ରାନ୍ତଙ୍କ ଚିକିତ୍ସା  ଜାରି ରହିଛି।