Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

କାଶ୍ମୀର: କୁଲଗାମରେ ସୁରକ୍ଷାବଳ ଗୁଳିରେ ଟଳିଲେ ୪ ହିଜିବୁଲ ମୁଜାହିଦ୍ଦିନ ଆତଙ୍କବାଦୀ

4/04/2020 at 8:50 PM

କୁଲଗାମ, ୦୪।୦୪: କୁଲଗାମ ଜିଲ୍ଲାର ମଗାନ କ୍ଷେତ୍ର ଅନ୍ତର୍ଗତ ଖୁର ବଟପୋରା ନିକଟରେ ସୁରକ୍ଷାବଳ ସହ  ଗୁଳି ବିନିମୟରେ ହିଜିବୁଲ ମୁଜାହିଦ୍ଦିନର ଚାରି ଆତଙ୍କବାଦୀ ନିହତ ହୋଇଛନ୍ତି। ଏହି ସମୟରେ ସେନାର ଦୁଇ ଯବାନ ମଧ୍ୟ ଆହତ ହୋଇଛନ୍ତି । ଆହତ ଯବାନଙ୍କୁ ତୁରନ୍ତ ସୈନିକ ହସ୍ପିଟାଲରେ ଭର୍ତି କରାଯାଇଛି । ନିହତ ହୋଇଥିବା ଚାରି ଆତଙ୍କୀ ସ୍ଥାନୀୟ ଅଞ୍ଚଳର ହୋଇଥିବା କୁହାଯାଉଛି ।

ଆତଙ୍କବାଦୀଙ୍କ ଶବ ସହିତ ଗୋଳା-ବାରୁଦ ମଧ୍ୟ ଜବତ କରାଯାଇଛି । ପ୍ରାଣ  ହରାଇଥିବା ଆତଙ୍କବାଦୀଙ୍କ ମଧ୍ୟରୁ ତିନି ଜଣଙ୍କ ପରିଚୟ ମିଳିଛି । ସେମାନେ ହେଲେ ପାମ୍ବାଇର ଶାହିଦ ଅହମ୍ମଦ, ଖୁଲର ନିବାସୀ ଆଦିଲ ଠୋକର ଓ ଚିମର ନିବାସୀ ଏଜାଜ ନାୟକୁ । ବାକି ଅନ୍ୟ ଜଣଙ୍କ ପରିଚୟ ମିଳି ନାହିଁ ।

ସୂଚନା ଅନୁସାରେ କୁଲଗାମ ଜିଲ୍ଲାର ମଙ୍ଗାମ ଇଲାକାରେ ସୁରକ୍ଷାବଳଙ୍କୁ ଆତଙ୍କବାଦୀ ଛପି ରହିଥିବା ସୂଚନା ମିଳିଥିଲା । ସୂଚନା ମିଳିବା ମାତ୍ରେ ସେନା, ଏସଓଜି ଓ ସିଆରପିଏଫର ମିଳିତ ଟିମ୍ ପୂରା ଇଲାକାକୁ ଘେରି ଯାଇ ତଲାସି ଅଭିଯାନ ଆରମ୍ଭ କରିଥିଲେ । ଏହି ସମୟରେ ଆତଙ୍କବାଦୀ ସୁରକ୍ଷାବଳ ପାଖକୁ ଆସୁଥିବା ଦେଖି ଗୁଳିମାଡ ଆରମ୍ଭ କରି ଦେଇଥିଲେ । ଏହା ପରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇ ଯାଇଥିଲା ।

ଏହି ଗୁଳି ବିନିମୟରେ ସୁରକ୍ଷାବଳ ଛପି ରହିଥିବା ଚାରି ଆତଙ୍କବାଦୀକୁ ନିହତ କରିଛନ୍ତି । ଏହି ସମୟରେ ସେନାର ଦୁଇ ଯବାନ ଆହତ ହୋଇଛନ୍ତି । ଆହତ ଯବାନଙ୍କୁ ତୁରନ୍ତ ସେନା ହସ୍ପିଟାଲରେ ଭର୍ତି  କରାଯାଇଛି । ଚାରି ଆତଙ୍କବାଦୀ ମଧ୍ୟରୁ  ତିନି ଜଣ କୁଲଗାମର ନିବାସୀ ହୋଇଥିବା ବେଳେ ଅନ୍ୟ ଆତଙ୍କବାଦୀର ପରିଚୟ ମିଳି ପାରି ନାହିଁ । ମରିଥିବା ଚାରି ଆତଙ୍କବାଦୀ ଗତ ସପ୍ତାହରେ କୁଲଗାମରେ ଜଣେ ନାଗରିକଙ୍କ ହତ୍ୟା ଘଟଣାରେ ସାମିଲ ଥିବା କୁହାଯାଉଛି ।

ଉଲ୍ଲେଖନୀୟ ଗତ ଶୁକ୍ରବାର ସୁରକ୍ଷାବଳ ଆତଙ୍କରୋଧୀ ଅଭିଯାନ ଆଧାରରେ ଚଢାଉ କରି ଲସ୍କର ଏ ତୋଇବାର ଚାରି ଆତଙ୍କବାଦୀକୁ ଗିରଫ କରିଥିଲା । ସେମାନଙ୍କଠୁ ବିପୁଳ ପରିମାଣରେ ଗୋଳା ବାରୁଦ ମଧ୍ୟ ଜବତ କରାଯାଇଥିଲା ।

   Related Posts