Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ପ୍ରଥମେ ପୁଲୱାମା ଏବେ ଅନନ୍ତନାଗ, ୧୧ ମାସ ଭିତରେ କାଶ୍ମୀରରେ ୪ଟି ବଡ ହମଲା, ୧୯୮ ଯବାନ ସହିଦ

13/06/2019 at 12:12 PM

ନୂଆଦିଲ୍ଲୀ ୧୩/୬ : ଜାମ୍ମୁ କାଶ୍ମୀରରେ ୨୦୧୪ ଡିସେମ୍ବର ମାସରୁ ୨୦୧୮ ପର୍ଯ୍ୟନ୍ତ ୧୨୧୩ ଆତଙ୍କୀ ହମଲା ହୋଇଛି । ଆତଙ୍କୀ ହମଲାରେ ୧୮୩ ଜଣ ନାଗରିକ ପ୍ରାଣ ହରାଇଥିବାବେଳେ ୮୩୮ ଆତଙ୍କବାଦୀ ନିହତ ହୋଇଛନ୍ତି । ଏହି ସମୟ ଭିତରେ ଦେଶର ଅନ୍ୟ ସ୍ଥାନମାନଙ୍କରେ ୬ଟି ଆତଙ୍କବାଦୀ ହମଲା ହୋଇଛି । ଏହିସବୁ ହମଲାରେ ୧୧ ଜଣ ନାଗରିକ ପ୍ରାଣ ହରାଇଥିବାବେଳେ ୭ ଆତଙ୍କବାଦୀ ନିହତ ହୋଇଛନ୍ତି । ଏଥିରେ ଭାରତୀୟ ସୈନ୍ୟବଳର ୧୯୮ ଯବାନ ସହିଦ ହୋଇଛନ୍ତି ।

ପାକିସ୍ତାନରେ ଗତବର୍ଷ ନିର୍ବାଚନ ହୋଇଥିଲା । ୨୦୧୮ ଅଗଷ୍ଟ ମାସରେ ଇମ୍ରାନ ଖାନ ପାକିସ୍ତାନର ପ୍ରଧାନମନ୍ତ୍ରୀ ହେଲେ । ସୀମାରେ ହେଉଥିବା ଆତଙ୍କବାଦୀ ଗତିବିଧିକୁ ରୋକିବା ପାଇଁ ସେ ବଡ ବଡ ପ୍ରତିଶୃତି ଦେଇଥିଲେ । ନରେନ୍ଦ୍ର ମୋଦିଙ୍କ ଦ୍ୱିତୀୟ ପର୍ଯ୍ୟାୟ କାର୍ଯ୍ୟକାଳ ଆରମ୍ଭ ପରେ ଇମ୍ରାନ ପ୍ରଧାନମନ୍ତ୍ରୀ ମୋଦିଙ୍କୁ ଅଭିନନ୍ଦନ ଜଣାଇଥିଲେ । ଇମ୍ରାନ ଖାନ ପ୍ରଥମଥର ପାଇଁ  ପ୍ରଧାନମନ୍ତ୍ରୀ ହେବା ଏବଂ ମୋଦିଙ୍କ ଦ୍ୱିତୀୟଥର ପ୍ରଧାନମନ୍ତ୍ରୀ ହେବା ଭିତରେ ୧୧ ମାସରେ କେବଳ ଜାମ୍ମୁ କାଶ୍ମୀରରେ ୪ଟି ବଡ ବଡ ଆତଙ୍କୀ ହମଲା ହୋଇଛି ।

୨୦୧୯ ଫେବୃଆରୀ ୧୪ ତାରିଖରେ ଜାମ୍ମୁ କାଶ୍ମୀର ପୁଲୱାମାରେ ସିଆରପିଏଫ ଯବାନଙ୍କ ଉପରକୁ ଆତ୍ମଘାତୀ ହମଲା କରିଥିଲା ଜୈସ-ଏ-ମହମ୍ମଦ ଆତଙ୍କବାଦୀ ସଂଗଠନ । ଏହି ହମଲାରେ ୪୬ ଯବାନ ସହିଦ ହୋଇଥିବାବେଳେ ଅନେକ ଆହତ ହୋଇଥିଲେ । ଏହାପରେ ଭାରତୀୟ ବାୟୁସେନା ଵାଲାକୋଟରେ ଏୟାର ଷ୍ଟ୍ରାଇକ କରି ଜୈସ ଆତଙ୍କୀ ସଂଗଠନର ଶିବିର ଧ୍ବଂସ କରିଦେଇଥିଲେ । ପୁଣି ମାର୍ଚ୍ଚ ୭ ତାରିଖରେ ଜାମ୍ମୁ ବସ ଷ୍ଟାଣ୍ଡରେ ଗ୍ରେନେଡ୍ ହମଲା ହୋଇଥିଲା ଯେଉଁଥିରେ ୩ଜଣ ପ୍ରାଣ ହରାଇଥିଲେ । 

ଏପ୍ରିଲ ୯ ତାରିଖରେ କିସ୍ତୱାଡ଼ା ରାଷ୍ଟ୍ରୀୟ ସ୍ୱୟଂସେବକ ସଂଘର ୨ଜଣ କାର୍ଯ୍ୟକର୍ତ୍ତାଙ୍କୁ ଆତଙ୍କବାଦୀମାନେ ହତ୍ୟା କରିଥିଲେ । ଜୁନ ୧୨ ତାରିଖରେ ଅନନ୍ତନାଗ ବସ ଷ୍ଟାଣ୍ଡ ନିକଟରେ ଏକ ଆତଙ୍କୀ ହମଲା ହୋଇଥିଲା । ଏହି ହମଲାରେ ୫ଜଣ ଯବାନ ସହିଦ ହୋଇଥିବାବେଳେ ୩ ଯବାନ ଆହତ ହୋଇଛନ୍ତି ।

   Related Posts