Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||
  • ଆଜିଠୁ ଶ୍ରୀମନ୍ଦିରରେ ନୂଆ SOP ଲାଗୁ, ରାଜ୍ୟ ବାହାରର ଦର୍ଶନାର୍ଥୀଙ୍କ ପାଇଁ କୋଭିଡ୍ ନେଗେଟିଭ ରିପୋର୍ଟ ବାଧ୍ୟତାମୂଳକ
  • ||
  • ଚଣ୍ଡିଖୋଲ : ଟ୍ରେନ୍ ଲାଇନ୍‌ରୁ ମିଳିଲା ମୃତଦେହ, ନିକଟରେ ପଡିଛି ଏକ ସାଇକେଲ
  • ||
  • ଭୁବନେଶ୍ୱର : ୫ ସହରରେ ପାରଦ ୪୦ ଡିଗ୍ରୀ ଟପିଲା, ଆଗକୁ ଆହୁରି ବଢିବ ତାତି
  • ||

କୁଜଙ୍ଗରେ ଜଳିଗଲେ ଗୋଟିଏ ପରିବାର ୪ ଜଣ ; ଘରେ ଶୋଇଥିବା ବେଳେ ନିଆଁ ଲଗାଇ ଦେଲା ଜ୍ବାଇଁ

22/10/2018 at 9:20 AM

ଜଗତସିଂହପୁର ୨୨|୧୦: ଜୀବନ୍ତ ଜଳିଗଲେ ଗୋଟିଏ ପରିବାରର ୪ ଜଣ । ପାରାଦୀପ କୁଜଙ୍ଗ ଥାନା ବନାପାଟ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ତେବେ ଗାଁର ନବଘନ ସାହୁ, ତାଙ୍କ ସ୍ତ୍ରୀ କମଳା ସାହୁ ଓ ଜ୍ବାଇଁ ହରେକୃଷ୍ଣ ମଲିକ ଜୀବନ୍ତ ଜଳିଯାଇଛନ୍ତି । ନବଘନଙ୍କ ଝିଅ ଗୁରୁତର ଥିବାରୁ ତାଙ୍କୁ ପ୍ରଥମେ କୁଜଙ୍ଗ ମେଡିକାଲ ଏବଂ ପରେ କଟକ ବଡ ମେଡିକାଲ ସ୍ଥାନାନ୍ତର କରାଯାଇଥିଲା । ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମଧ୍ୟ ମୃତ୍ୟୁ ହୋଇଛି । ଏନେଇ ସ୍ଥାନୀୟ ଅଞ୍ଚଳରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି ।

ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଶୋଇଥିବା ସମୟରେ ନବଘନଙ୍କ ଝିଅ ବଡ ପାଟିରେ ମତେ ବଞ୍ଚାଅ ବୋଲି ଚିତ୍କାର କରିଥିଲେ । ଚିତ୍କାର ଶୁଣି ପଡିଶା ଲୋକେ ପହଞ୍ଚିଲା ବେଳକୁ ପରିବାରର ସମସ୍ତଙ୍କ ଦେହରେ ନିଆଁ ଲାଗିଯାଇଥିଲା । ଆଉ ନିଆଁର ମାତ୍ରା ଏତେ ଭୟଙ୍କର ଥିଲା ଯେ ଘର ଭିତରେ ପଶି କାହାକୁ ବଞ୍ଚାଇବା କଷ୍ଟକର ହୋଇ ପଡିଥିଲା । ତେବେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବାପରେ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା। ତେବେ ଏତେ ବଡ ଘଟଣା ତାଙ୍କ ସ୍ବାମୀ ହରେକୃଷ୍ଣ ମଲିକ ଘଟାଇଥିବା ରୁବିନା ଆଖି ବୁଜିବା ଆଗରୁ ମୃତ୍ୟୁକାଳୀନ ଜମାନବନ୍ଦୀ ଦେଇଛନ୍ତି । ନବଘନଙ୍କ ଝିଅ କିଛି ମାସ ତଳେ ଭଦ୍ରକ ଅଞ୍ଚଳର ହରେକୃଷ୍ଣ ମଲିକଙ୍କୁ ବିବାହ କରିଥିଲେ । ଗତକାଲି ଶ୍ବଶୁର ଘରକୁ  ହରେକୃଷ୍ଣ ଆସି ସ୍ତ୍ରୀ ରୁବିନାଙ୍କ ସହ ପାଟିତୁଣ୍ଡ କରିବା ସହ ତାଙ୍କୁ ମାରି ଦେବାକୁ ମଧ୍ୟ ଧମକ ଦେଇଥିଲେ । ରାତିରେ ଶୋଇଥିବା ବେଳେ ହରେକୃଷ୍ଣ ରୁବିନାଙ୍କୁ ପେଟ୍ରୋଲ ପକାଇ ନିଆଁ ଲଗାଇ ଦେଇଥିଲେ । ହେଲେ ନିଆଁ ଲଗାଇଲା ପରେ ସେ ମଧ୍ୟ ଘରୁ ବାହାରି ପାରିନଥିଲେ । ଶେଷରେ ସେ ମଧ୍ୟ ନିଆଁରେ ଜଳି ଯାଇଛନ୍ତି ।

   Related Posts