Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବାହାଘର ସାରି ଫେରୁଥିବା ଭ୍ୟାନ୍ ସହ ଟ୍ରେଲରର ମୁହାଁମୁହିଁ ଧକ୍କା : ୪ମୃତ ଏବଂ ୧୧ଆହତ

7/12/2020 at 3:54 PM

ଭିଲଓ୍ବାଡ଼ା ୭/୧୨: ଗୋଟିଏ ସପ୍ତାହ ମଧ୍ୟରେ ରାଜସ୍ଥାନରେ ଦ୍ବିତୀୟ ବଡ଼ ସଡ଼କ ଦୁର୍ଘଟଣା ଘଟିଛି। ଭିଲଓ୍ବାଡ଼ା ଜିଲ୍ଲାର ଜହାଜପୁର ଅଞ୍ଚଳରେ ରବିବାର ବିଳମ୍ବିତ ରାତିରେ ହୋଇଥିବା ମର୍ମନ୍ତୁଦ ଦୁର୍ଘଟଣାରେ ୪ଜଣଙ୍କ ମୃତ୍ୟୁ ହୋଇ ଯାଇଛି ଏବଂ ୧୧ଜଣ ଆହତ ହୋଇଛନ୍ତି। ଦୁର୍ଘଟଣାର ଶିକାର ହୋଇଥିବା ଲୋକେ ବିବାହରେ ସାମିଲ ହୋଇ ନିଜ ଘରକୁ ଫେରୁଥିଲେ। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଥିଲା। ଗୁରୁତରଙ୍କୁ ଚିକିତ୍ସା ପାଇଁ ଜହାଜପୁରରୁ ଭିଲଓ୍ବାଡ଼ା ରେଫର କରାଯାଇଛି। ଦୁର୍ଘଟଣା କାରଣରୁ ଘଣ୍ଟାଏ ଯାଏଁ ଭିଲଓ୍ବାଡ଼ା ଦେବଲି ହାଇଓ୍ବେ ଜାମ୍ ରହିଥିଲା।

ପୋଲିସର କହିବା ଅନୁସାରେ,ଦୁର୍ଘଟଣା ଜହାଜପୁର-ଶାହପୁରା ରାସ୍ତାରେ ହୋଇଛି। ଏମାନେ ଆଜମେର ଜିଲ୍ଲାର ସାଓ୍ବରରେ ଆୟୋଜିତ ବିବାହରେ ସାମିଲ ହୋଇ ଭ୍ୟାନରୁ ନିଜ ଘରକୁ ଫେରୁଥିଲେ। ଏହି ସମୟରେ ବନାସ ଛକ ପାଖରେ ତାଙ୍କ ଭ୍ୟାନ୍ ସାମନାରୁ ଆସୁଥିବା ଟ୍ରେଲର ସହ ଜୋରଦାର ଧକ୍କା ହୋଇଥିଲା। ଦୁର୍ଘଟଣାରେ ୪ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇ ଯାଇଥିଲା ଏବଂ ୧୧ଜଣ ଗୁରୁତର ଆହତ ହୋଇଥିଲେ। ମୃତକଙ୍କ ନାଁ କମଳେଶ,ଅଙ୍କୁଶ,ରାମଲାଲ ଏବଂ ରାଜୁ ବୋଲି ଜଣା ପଡ଼ିଛି।

ଦୁର୍ଘଟଣା ଯୋଗୁଁ ଏହି ରାସ୍ତାରେ ପ୍ରବଳ ଭିଡ଼ ହୋଇଥିଲା। ସୂଚନା ପାଇ ପୋଲିସ୍ ଘଟଣାସ୍ଥଳରେ ପହଞ୍ଚିଥିଲା ଏବଂ ମୃତ ଏବଂ ଆହତଙ୍କୁ ସ୍ଥାନୀୟ ଜହାଜପୁର ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରୁ ଆହତଙ୍କୁ ପ୍ରାଥମିକ ଉପଚାର ପରେ ଭିଲଓ୍ବାଡ଼ା ରେଫର କରାଯାଇଥିଲା। ଦୁର୍ଘଟଣାର ସୂଚନା ମିଳିବା ମାତ୍ରେ ବିବାହ ଉତ୍ସବରେ ଖୁସି ବଦଳରେ ଶୋକର ଛାୟା ଖେଳି ଯାଇଥିଲା। ପୋଲିସ୍ ମୃତକଙ୍କ ଶବକୁ ଆଜି ପୋଷ୍ଟମର୍ଟମ କରାଇବ।

   Related Posts