ବିଶାଖାପାଟନମ୍ ୧୩।୬: ଦେଶରେ ଦିନକୁ ବଢି ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ଯେଉଁଭଳି ଆକ୍ରାନ୍ତଙ୍କ ସଂଖ୍ୟା ବଢୁଛି ସେହିଭଳି କରୋନା କବଳରୁ ସୁସ୍ଥ ହୋଇ ଘରକୁ ଫେରୁଛନ୍ତି । ସେହିଭଳି ୪ ମାସର ଶିଶୁ ମଧ୍ୟ କରୋନା ଯୁଦ୍ଧରେ ବିଜୟୀ ହୋଇଛି । ଶିଶୁଟିକୁ କୋଭିଡ୍-୧୯ ସଂକ୍ରମିତ ହେବା ପରେ ଭେଣ୍ଟିଲେଟରରେ ରଖାଯାଇଥିଲା । ୧୮ ଦିନ ଭେଣ୍ଟିଲେଟରରେ ରହିବା ପରେ ଶୁକ୍ରବାର ଦିନ ଶିଶୁର କରୋନା ଟେଷ୍ଟ ରିପୋର୍ଟ ନେଗେଟିଭ୍ ଆସିଥିଲା । ଏହାପରେ ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା। ଏଭଳି ଘଟଣା ଆନ୍ଧ୍ରପ୍ରଦେଶର ।
{"id":285447,"sizeSlug":"large"}ଜିଲ୍ଲା କଲେକ୍ଟର ବିନୟ ଚାନ୍ଦ କହିଛନ୍ତି, ପୂର୍ବ ଗୋଦାବରୀର ଜଣେ ଆଦିବାସୀ ମହିଳା ମେ’ ମାସରେ କୋଭିଡ୍-୧୯ ସଂକ୍ରମିତ ହୋଇଥିଲେ । ଏହାପରେ ଡାକ୍ତରମାନେ ନିଶ୍ଚିତ କରିଥିଲେ ଯେ ତାଙ୍କର ୪ ମାସର ଶିଶୁ ମଧ୍ୟ ସଂକ୍ରମିତ ହୋଇଛି। ଶିଶୁଟିକୁ ମେ’ ୨୫ ତାରିଖରେ ବିଶାଖାପାଟନମ୍ ଭିଆଇଏମ୍ଏସ୍ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ତାଙ୍କୁ ୧୮ ଦିନ ଭେଣ୍ଟିଲେଟରରେ ଚିକିତ୍ସା କରାଯାଇଥିଲା। ନିକଟରେ ଡାକ୍ତରମାନେ ଶିଶୁ କୋଭିଡ୍-୧୯ ପରୀକ୍ଷା କରିଥିଲେ । ଏହାର ରିପୋର୍ଟ ନେଗେଟିଭ୍ ଆସିଥିଲା। ସ୍ବାସ୍ଥ୍ୟ ପରୀକ୍ଷା ପରେ ଭିଆଇଏମ୍ଏସ୍ ର ଡାକ୍ତରମାନେ ଶୁକ୍ରବାର ସନ୍ଧ୍ୟାରେ ଶିଶୁଟିକୁ ଡିସଚାର୍ଜ କରିଥିଲେ।
{"id":285448,"sizeSlug":"large"}ଏହି ସମୟରେ ଶୁକ୍ରବାର ଦିନ ବିଶାଖାପାଟନମ୍ ଜିଲ୍ଲାରେ ୧୪ ଜଣ କରୋନା ଭାଇରସ୍ ଦ୍ବାରା ସଂକ୍ରମଣ ହୋଇଥିବା ସୂଚନା ମିଳିଥିଲା । ରାଜ୍ୟରେ ସଂକ୍ରମିତ ରୋଗୀଙ୍କ ସଂଖ୍ୟା ୫୪୨୯ ରହିଛି। ବର୍ତ୍ତମାନ ପର୍ଯ୍ୟନ୍ତ ଏହି ମାରାତ୍ମକ ଭାଇରସ୍ ଯୋଗୁଁ ରାଜ୍ୟରେ ମୋଟ୍ ୮୦ ଜଣ ପ୍ରାଣ ହରାଇଛନ୍ତି।
{"id":285449,"sizeSlug":"large"}ସୂଚନାଯୋଗ୍ୟ ଯେ, ଦେଶରେ କରୋନା ଭାଇରସ୍ ସଂକ୍ରମଣର ମୋଟ୍ ମାମଲା ପ୍ରାୟ ୩ ଲକ୍ଷ (୨୯୭୫୩୫) ରେ ପହଞ୍ଚିଛି। ସଂକ୍ରମିତ ସଂଖ୍ୟାର ଅର୍ଦ୍ଧେକ ଅର୍ଥାତ୍ ୧୪୭୧୯୫ ଜଣ ଏପର୍ଯ୍ୟନ୍ତ ଏହି ମାରାତ୍ମକ ଭାଇରସ୍ କବଳରୁ ସମ୍ପୂର୍ଣ୍ଣ ଆରୋଗ୍ୟ ହୋଇସାରିଛନ୍ତି। ସେହିପରି ଦେଶରେ ମୃତ୍ୟୁ ସଂଖ୍ୟା ୮୪୯୮ରେ ପହଞ୍ଚିଛି।