Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଗୋଟିଏ ପରିବାରର ୪ଜଣ ସଦସ୍ୟଙ୍କ ନିଆଁରେ ପୋଡ଼ି ଆତ୍ମହତ୍ୟା : ଲକଡାଉନ୍ ଯୋଗୁଁ ଭୋଗୁଥିଲେ ଆର୍ଥିକ ସମସ୍ୟା

17/10/2020 at 11:57 AM

ଫରିଦକୋଟ ୧୭/୧୦: ପଞ୍ଜାବର ଫରିଦକୋଟ ଜିଲ୍ଲାର କଲେର ଗାଁରେ ଜଣେ ବ୍ୟକ୍ତି ତାଙ୍କ ପତ୍ନୀ ଏବଂ ୨ପିଲାଙ୍କ ସହ ନିଆଁ ଲଗାଇ ଆତ୍ମହତ୍ୟା କରି ଦେଇଛନ୍ତି। ମୃତକ ହେଲେ ରାଜସ୍ଥାନର ସିକର ଜିଲ୍ଲାର ୪୦ବର୍ଷ ବୟସ୍କ ଧର୍ମପାଳ ଯିଏ ଗତ ୧୦ବର୍ଷରୁ କଲେରରେ ନିଜ ପତ୍ନୀ ସୀମା(୩୬),ଝିଅ ମୋନିକା(୧୫) ଏବଂ ପୁଅ ହତିଷ(୧୦)ଙ୍କ ସହ ରହୁଥିଲେ। ଧର୍ମପାଳ ଏଠାକାର ଟୁଡି ରୋଡରେ ଏକ ଇଟାଭାଟିରେ ମୁନସି କାମ କରୁଥିଲେ।

ପୋଲିସ୍ ପ୍ରାଥମିକ ତଦନ୍ତରେ ଏକ ସୁଇସାଇଡ ନୋଟ୍ ଜବତ କରିଛି। ଏହି ନୋଟରେ ସେ ଲକଡାଉନ ସହ ଇଟାଭାଟିରେ କାମ କରୁଥିବା ଶଣ୍ଟି ନାମକ ବ୍ୟକ୍ତିଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ପୋଲିସ୍ ଏବେ ଏହି ଆଧାରରେ ମାମଲାର ତଦନ୍ତ କରୁଛି। କଲେର ଗାଁର ଲୋକେ କହିଛନ୍ତି ଯେ ଗତ କିଛି ବର୍ଷରୁ ସେ ଏଠାରେ ରହୁଥିଲେ ଏବଂ ଳକଡାଉନ୍ କାରଣରୁ କାମ ପ୍ରଭାବିତ ହୋଇଥିବାରୁ ସେ ମାନସିକ ଚିନ୍ତାରେ ରହୁଥିଲେ।

ଆଜି ସକାଳେ ପଡ଼ୋଶୀ ଦେଖିଥିଲେ ଯେ ତାଙ୍କ ଘରୁ ଧୂଆଁ ବାହାରୁଥିଲା ଏବଂ ଘରୁ କୌଣସି ଧରଣର ଶବ୍ଦ ଶୁଭୁନଥିଲା। ଗାଁଲୋକେ ତୁରନ୍ତ ଏକଜୁଟ ହୋଇ କବାଟ ଭାଙ୍ଗିଥିଲେ। ଘର ଭିତରେ ପରିବାରର ସମସ୍ତ ସଦସ୍ୟ ପୂରାପୂରି ନିଆଁରେ ଦଗ୍ଧ ହୋଇଯାଇଥିଲେ। ଘଟଣାର ସୂଚନା ମିଳିବା ମାତ୍ରେ ଜିଲ୍ଲା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରି ଦେଇଥିଲେ।

   Related Posts