Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପ ଷ୍ଟେଟ୍ ବ୍ୟାଙ୍କ ସିଲ୍ : ମ୍ୟାନେଜର କରୋନା ସଂକ୍ରମିତ, ଗ୍ରାହକଙ୍କ ଉପରେ ନଜର
  • ||
  • ଭୁବନେଶ୍ୱର : ରମ୍‌ଜାନ୍ ଓ ପଣା ସଂକ୍ରାନ୍ତି ଉପରେ କଟକଣା ଲଗାଇଲା ବିଏମ୍‌ସି
  • ||
  • ବ୍ରହ୍ମପୁର : ଗଞ୍ଜାମର ସବୁ ଧର୍ମାନୁଷ୍ଠାନ ୭ଦିନ ବନ୍ଦ, ସର୍ବସାଧାରଣରେ ମେରୁ ଯାତ୍ରା ଓ ପଣା ସଂକ୍ରାନ୍ତି ପାଳନ ବାରଣ
  • ||
  • ନୟାଗଡ : ପ୍ରେମରେ ପ୍ରତାରଣା, ପ୍ରେମିକ ଦୁଆରେ ପ୍ରେମିକା, ନ୍ୟାୟ ପାଇଁ ଦେଇଛି ଧାରଣା
  • ||
  • କଟକ : ଗିରଫ ହେଲା ହାଇଦରର ସହଯୋଗୀ ୟାକୁବ୍, ସୋମବାର ଚାଉଳିଆଗଞ୍ଜ ଥାନାରେ କରିଥିଲା ଆତ୍ମସମର୍ପଣ
  • ||
  • ସୋର : ଘରେ କେହି ନଥିବା ବେଳେ ଭାଙ୍ଗିଲେ ତାଲା, ଲୁଟିନେଲେ ଲକ୍ଷାଧିକ ଟଙ୍କାର ସୁନା-ରୂପା ଅଳଙ୍କାର ସହ ଲକ୍ଷାଧିକ ଟଙ୍କା
  • ||
  • କଳାହାଣ୍ଡି : ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଚାନ୍ଦବାଲି : ଭଡା ଘରୁ ମିଳିଲା ପ୍ରବାସୀ ଶ୍ରମିକଙ୍କ ମୃତଦେହ, ମୃତ୍ୟୁ ପାଇଁ କମ୍ପାନୀ କର୍ତ୍ତୃପକ୍ଷ ଦାୟୀ ଅଭିଯୋଗ
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୩୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ମହାକାଳପଡା : ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଅଗ୍ନିକାଣ୍ଡ, କର୍ମଚାରୀଙ୍କ ଉପସ୍ଥିତ ବୁଦ୍ଧି ପାଇଁ ଟଳିଗଲା ବଡ ବିପଦ
  • ||

ଯଶୋଦା ଆକ୍ରମଣରେ ମୃତ ସୁଦର୍ଶନଙ୍କ ପରିବାରକୁ ଦିଆଯିବ ୪ଲକ୍ଷ ଟଙ୍କାର ଅନୁକମ୍ପା ରାଶି

8/11/2018 at 7:44 PM

ଅନୁଗୋଳ ୮|୧୧:  ଅନୁଗୋଳ ପୁରୁଣାକୋଟ ରେଞ୍ଜ୍ ରେ କୁଂକୀ ହାତୀ ଯଶୋଦାର ଆକ୍ରମଣରେ ମୃତ୍ୟୁବରଣ କରିଥିବା ୪୯ବର୍ଷ ବୟସ୍କ ସୁଦର୍ଶନ ପ୍ରଧାନ ଓରଫ ସୁଦୁରୁଙ୍କ ପରିବାରକୁ ୪ଲକ୍ଷ ଟଙ୍କାର ଅନୁକମ୍ପା ରାଶି ପ୍ରଦାନ କରାଯିବ। ଅନୁଗୋଳ ଡିଏଫଓ ଏହି ଘୋଷଣା କରିବା ସହ ମୃତକଙ୍କ ପରିବାରକୁ ତୁରନ୍ତ ୪୦ହଜାର ଟଙ୍କା ପ୍ରଦାନ କରିଛନ୍ତି । ଅନୁଗୋଳ ଡିଏଫଓଙ୍କ ସୂତ୍ରରୁ ଜଣାପଡିଛି ଯେ ଆଜି ଦିନ ୧୧ଟା ୪୫ବେଳକୁ କୁଂକୀ ହାତୀ ଯଶୋଦାକୁ ପୁରୁଣାକୋଟର ନନ୍ଦିନୀ ନାଳ ପାଖରେ ଖାଇବାକୁ ଦେବା ଲାଗି ବନ୍ଧା ଯାଇଥିଲା । ମାହୁନ୍ତ ମଧ୍ୟ ସେଠାରେ ଉପସ୍ଥିତ ଥିଲେ । ସେହି ରାସ୍ତା ଦେଇ ଫେରୁଥିବା ସୁଦୁରୁ ହାତୀକୁ ଦେଖି ଉତ୍ସାହିତ ହୋଇ ତାକୁ କଦଳୀ ଗଛ ଆଣି ଖାଇବାକୁ ଦେଉଥିଲେ । ସେଠାରେ ଉପସ୍ଥିତ ଥିବା ମାହୁନ୍ତଙ୍କ ବାରଣକୁ ମଧ୍ୟ ସେ ଶୁଣିନଥିଲେ । ସୁଦୁରୁଙ୍କଠାରୁ କଦଳୀ ଗଛ ଟାଣି ନେବାବେଳେ ନିଜେ ସୁଦୁରୁ ଟାଣି ହୋଇ ହାତୀ ପାଖକୁ ଚାଲିଯାଇଥିଲେ । ଆଉ ହାତୀ ତାଙ୍କୁ ଦଳି ଦେଇଥିଲା । ସୁଦୁରଙ୍କ ମୃତ ଶରୀରକୁ ବ୍ୟବଚ୍ଛେଦ ପାଇଁ ଅନୁଗୋଳ ଅଣାଯାଇଛି । ସୁଦୁରୁଙ୍କର ଗୋଟିଏ ପୁଅ ଏବଂ ଗୋଟିଏ ଝିଅ ଅଛନ୍ତି ।

ବାଘୁଣୀ ସୁନ୍ଦରୀ ଧରିବା ଅପରେସନ ପାଇଁ ଚନ୍ଦକାରୁ ଯଶୋଦାକୁ ସାତକୋଶିଆ ନିଆଯାଇଥିଲା । ଯଶୋଦା ପିଠିରେ ବସି ହିଁ ବିଶେଷଜ୍ଞ ଦଳ ସୁନ୍ଦରୀ ବାଘୁଣୀକୁ ଟ୍ରାଙ୍କୁଲାଇଜ୍ କରିଥିଲେ । ସୁନ୍ଦରୀକୁ ଧରିବା ଅପରେସନ ସରିବା ପରେ ଦିନେ ଦୁଇ ଦିନ ଭିତରେ ଯଶୋଦାକୁ ଚନ୍ଦକା ଅଣାଯାଇଥାନ୍ତା । କିନ୍ତୁ ଆଜି ଅନୁଗୋଳ ପୁରୁଣାକୋଟ ରେଞ୍ଜ୍ ରେ ଏହି ଅଘଟଣ ଘଟିଛି । ସୂଚନାଯୋଗ୍ୟ ଯେ, ଚନ୍ଦକାର କୁଂକୀ ହାତୀ ଯଶୋଦା ଓ ତାର ପୁଅ ନନ୍ଦ ଉଭୟ ସାତକୋଶିଆ ଯିବାର ଥିଲା । କିନ୍ତୁ ନନ୍ଦ ଟ୍ରକରେ ଚଢିନଥିଲା ଓ ଅମାନିଆ ହୋଇଥିଲା । ଫଳରେ କେବଳ ଯଶୋଦାକୁ ସାତକୋଶିଆ ନିଆଯାଇଥିଲା । ପୂର୍ବରୁ ମଧ୍ୟ ୨ଜଣ ମାହୁନ୍ତଙ୍କୁ ଯଶୋଦା ଚନ୍ଦକାରେ ଦଳି ମାରିଥିବା ବଦନାମ ତା ନାଁରେ ରହିଛି । ଯଶୋଦାର ବୟସ ପାଖାପାଖି ୩୦ବର୍ଷ ।

   Related Posts