Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୂକମ୍ପରେ ଥରିଲା ଋଷ୍ ଏବଂ ଆର୍ଜେଣ୍ଟିନାରେ, ରିକ୍ଟର ସ୍କେଲରେ ୬.୪ ଓ ୬.୩ ତୀବ୍ରତା
  • ||
  • କରୋନା କବଳରୁ ବର୍ତ୍ତିବା ପାଇଁ ଶ୍ରୀଲଙ୍କା ଜେଲ୍‌ରେ କଏଦୀଙ୍କ ଭୟଙ୍କର ଦଙ୍ଗା : ୮ମୃତ
  • ||
  • ନୂଆଦିଲ୍ଲୀ : ସନ୍ଦୀପ କଟାରିଆ ହେଲେ ବାଟା ଗ୍ଲୋବାଲର ସିଇଓ, ପ୍ରଥମ ଭାରତୀୟ ଭାବେ ମିଳିଲା ଦାୟିତ୍ୱ
  • ||
  • ଲ୍ୟାଣ୍ଡମାଇନ୍ ବିସ୍ଫୋରଣରେ ଉଡିଲା ଟାଟା ସୁମୋ, ୨ ଗୁରୁତର
  • ||

କାଉଡିଆଙ୍କ ଉପରେ ମାଡିଗଲା ଟ୍ରେନ ; ୪ ମୃତ

13/08/2018 at 5:12 AM

ରାଉରକେଲା ୧୩/୮ : କାଉଡିଆଙ୍କ ଉପରେ ମାଡିଗଲା ଟ୍ରେନ । ରାଉରକେଲା ପାନପୋଷ ଷ୍ଟେସନ ନିକଟ ଟ୍ରାକରେ ଏଭଳି ଅଭାବନୀୟ ଘଟଣା ଘଟିଛି । ବ୍ରାହ୍ମଣୀ ରେଲୱେ ବ୍ରିଜରେ ଯିବା ବେଳେ ଟ୍ରେନ ଧକ୍କା ଦେବାରୁ ଗୋଟିଏ ପରିବାରର ୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ୩ ଜଣଙ୍କର ମୃତଦେହ ଉଦ୍ଧାର ହୋଇଥିବା ବେଳେ ଆଉ ଜଣଙ୍କ ପତ୍ତା ମିଳିନି । ଅଗ୍ନିଶମ ବିଭାଗ ଓ ଓଡ୍ରାଫ ଟିମ ଉଦ୍ଧାର କାର୍ଯ୍ୟରେ ଲାଗିଛନ୍ତି । ମୃତକ ସମସ୍ତେ ଛତିଶଗଡ଼ ଭିଲାଇ ଅଞ୍ଚଳର ବୋଲି ଜଣାପଡିଛି । ଟ୍ରେନ ଧକ୍କାରେ ନିଲେସ ଦାସ ଏବଂ ତାଙ୍କ ୧୫ ବର୍ଷର ପୁଅ ଲକି ଟ୍ରେନରେ କଟି ମୃତ୍ୟୁ ହୋଇଛି । ନିଲେସ ଦାସଙ୍କ ପତ୍ନୀ ଯମୁନା ଦାସ ଓ ନିଲେସ ଦାସଙ୍କ ଶଶୁର ରାମ ଭରୋସେ ଟ୍ରେନ ଧକାରେ ନଦୀରେ ପଡି ନିଖୋଜ ହୋଇଯାଇଥିଲେ । ଆଜି ସକାଳୁ ଶଶୁର ରାମ ଭରୋଷେଙ୍କ ମୃତଦେହ ଉଦ୍ଧାର କରାଯାଇଛି । ଭିଲାଇରୁ ଗୋଟିଏ ପରିବାରର ୭ ଜଣ ଜଳଲାଗି କରିବାକୁ ଆସିଥିଲେ । ସେମାନଙ୍କ ମଧରୁ ୩ ଜଣ ଅଳ୍ପକେ ବର୍ତ୍ତି ଯାଇଛନ୍ତି। ପ୍ରଥମେ ଭିଲାଇରୁ ଟାଟା ପାସେଞ୍ଜର ଯୋଗେ ଝାରସୁଗୁଡାରେ ଓହ୍ଲାଇ ସେଠାରୁ ଭୁବନେଶ୍ୱର ରାଉରକେଲା ଇଣ୍ଟରସିଟିରେ ରାଉରକେଲା ଆସିଥିଲେ । ପାନପୋଷ ଷ୍ଟେସନରେ ଓହ୍ଲାଇ ବେଦବ୍ୟାସ ବ୍ରାହ୍ମଣୀ ଘାଟରୁ ପାଣି ଉଠାଇ ଥିଲେ । ରାଜଗାଙ୍ଗପୁର ଘୋଗର ଶୈବପୀଠରେ ଜଳାଭିଷେକ କରିବା ପାଇଁ ବ୍ରାହ୍ମଣୀ ଉପରେ ଯାଇଥିବା ରେଲୱେ ବ୍ରିଜ ଉପରେ ଚାଲି ଚାଲି ଯାଉଥିଲେ । ଏହି ସମୟରେ ରାତି ୧୧ଟାରେ ସାମ୍ନାପଟୁ ଆସୁଥିବା ଏକ ଏକ୍ସପ୍ରେସ ଟ୍ରେନ ସେମାନଙ୍କୁ ଧକ୍କା ଦେଇଥିଲା ।

   Related Posts