Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଗୋଟିଏ ପରିବାରର ୪ଜଣଙ୍କ ଆତ୍ମହତ୍ୟା: ବାପା-ମା ସମେତ ପୁଅ-ଝିଅ ମୃତ, ସୁଇସାଇଡ୍ ନୋଟରେ ଲେଖିଛନ୍ତି…

7/06/2021 at 10:05 PM

ସାହାଜାହାନପୁର, ୦୭/୦୬ : ଉତ୍ତର ପ୍ରଦେଶ ସାହାଜାହାନପୁର ଜିଲ୍ଲାରେ ଜଣେ ଔଷଧ ବ୍ୟବସାୟୀ ପତ୍ନୀ ଓ ଦୁଇ ଶିଶୁଙ୍କ ସହ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ଗୋଟିଏ ପରିବାରର ୪ ଜଣ ଆତ୍ମହତ୍ୟା କରିଥିବା ଖବର ମିଳିବା ପରେ ଗ୍ରାମରେ ହଇଚଇ ସୃଷ୍ଟି ହୋଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଫରେନସିକ୍ ଯାଞ୍ଚ ଆରମ୍ଭ କରିଛି । ସମସ୍ତ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଯାଇଛି । ଘଟଣାସ୍ଥଳରୁ ପୋଲିସ ଏକ ସୁଇସାଇଡ୍ ନୋଟ୍ ଜବତ କରିଛି । ବ୍ୟବସାୟୀ ଜଣକ ଆର୍ଥିକ ସମସ୍ୟା ଯୋଗୁଁ ଆତ୍ମହତ୍ୟା କରିଥିବା ଏଥିରେ ଲେଖିଛନ୍ତି ।

ଘଟଣା ସାହାଜାହାନପୁର କଚ୍ଚା କଟରା ଥାନା ଅଞ୍ଚଳର । ଔଷଧ ବ୍ୟବସାୟୀ ଅଖିଲେଶ ଗୁପ୍ତା (୪୨), ତାଙ୍କ ପତ୍ନୀ ରିଶୁ ଗୁପ୍ତା (୩୯), ପୁଅ ଶିବାଙ୍ଗ (୧୨) ଓ ଝିଅ ହର୍ଷିତା (୧୦)ଙ୍କ ମୃତଦେହ ଘରେ ରାଶିରେ ଝୁଲୁଥିଲା । ସମସ୍ତଙ୍କ ଆତ୍ମହତ୍ୟାରେ ଗୋଟିଏ ପ୍ରକାର ରାଶି ବ୍ୟବହାର ହୋଇଛି । ଫଳରେ ଆତ୍ମହତ୍ୟା ପାଇଁ ପୂର୍ବରୁ ଯୋଜନା କରାଯାଇଥିବା ଆଶଙ୍କା କରାଯାଉଛି । ମୃତଦେହ ପାଖରୁ ସୁଇସାଇଡ ନୋଟ ଜବତ ହୋଇଛି । ପୋଲିସ ଫରେନସିକ ଟିମ ସହ ଘଟଣାର ଯାଞ୍ଚ କରୁଛି ।

ପୋଲିସ ଅଧିକ୍ଷକ ଏସ ଆନନ୍ଦ କହିଛନ୍ତି ଯେ, ଅଖିଲେଶ ଔଷଧ ସମ୍ବନ୍ଧୀୟ ବ୍ୟବସାୟ କରୁଥିଲେ । ସୋମବାର ଦିନ ତାଙ୍କର ଜଣେ ସମ୍ପର୍କୀୟ ତାଙ୍କୁ ଫୋନ କରିଥିଲେ । କେହି ଫୋନ ରିସିଭ କରିନଥିବାରୁ ସେ ଅଖିଲେଶଙ୍କ ଘରକୁ ତାଙ୍କୁ ସାକ୍ଷାତ କରିବାକୁ ଆସିଥିଲେ । ସେଠାରେ ସେ ଯାହା ଦେଖିଲେ ଚକିତ ହୋଇଗଲେ । ସେ ତୁରନ୍ତ ପୋଲିସକୁ ସୂଚନା ଦେଇଥିଲେ । ଏସ୍ପି କହିଛନ୍ତି, ଅଖିଲେଶ ଓ ରିଶୁଙ୍କ ଶବ ଗୋଟିଏ ରୁମରେ ପୁଅ-ଝିଅଙ୍କ ଶବ ଆଉ ଏକ ରୁମରେ ଝୁଲୁଥିଲା । ଦମ୍ପତି ପ୍ରଥମେ ନିଜ ପୁଅ-ଝିଅଙ୍କୁ ଫାଶୀରେ ଝୁଲାଇ ଦେଇ ପରେ ନିଜେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ସୁଇସାଇଡ୍ ଆଧାରରେ ମାମଲାର ଯାଞ୍ଚ କରୁଛି ପୋଲିସ ।

   Related Posts