Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ଖୁସି ଖବର : କରୋନା ଭାକସିନ୍‌ର ୪ କୋଟି ଡୋଜ୍ ପ୍ରସ୍ତୁତ, ଜାନୁଆରୀ ସୁଦ୍ଧା ୩୦ କୋଟିର ଟାର୍ଗେଟ୍

13/11/2020 at 11:26 AM

ନୂଆଦିଲ୍ଲୀ, ୧୩|୧୧:  କରୋନା ଭାଇରସ ଭାକସିନର ଉପଲବ୍ଧତାକୁ ସୁନିଶ୍ଚିତ କରିବା ପାଇଁ ସିରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ୪ କୋଟି ଡୋଜ୍ ପ୍ରସ୍ତୁତ କରିସାରିଛି । କମ୍ପାନୀ ଅକ୍ସଫୋର୍ଡ-ଆଷ୍ଟ୍ରାଜେନକାର ଭାକସିନ୍ କୋଭିସିଲ୍ଡର ଉତ୍ପାଦନ କରୁଛି । ସିରମ୍ ଇନଷ୍ଟିଚ୍ୟୁଟ୍ ୨୦୨୧ ସୁଦ୍ଧା ୨୦ରୁ ୩୦ କୋଟି ଡୋଜର ଷ୍ଟକ୍ ପ୍ରସ୍ତୁତ କରିପାରିବ ବୋଲି ସୂଚନା ମିଳିଛି । ଏହାର ଅଧା ଡୋଜ୍ ସ୍ଥାନୀୟ ଲୋକଙ୍କୁ ପ୍ରଦାନ କରାଯିବ । ୟୁକେରେ ବିକଶିତ ହୋଇଥିବା ଏହି ଭାକସିନକୁ ଲଣ୍ଡନ ବ୍ୟତୀତ ଭାରତ, ବ୍ରାଜିଲ, ଦକ୍ଷିଣ ଆଫ୍ରିକା ଓ ଆମେରିକାରେ ଟ୍ରାଏଲ କରାଯାଉଛି ।

ଏସଆଇଆଇ ଓ ଇଣ୍ଡିଆନ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ଗୁରୁବାର କହିଛନ୍ତି ଯେ, କୋଭିସିଲ୍ଡର ଫେଜ୍ ୩ ଟ୍ରାଏଲ ପାଇଁ ଦେଶରେ ୧୬୦୦ଜଣ ପଞ୍ଜିକରଣ କରିଛନ୍ତି । ଦ୍ୱିତୀୟ ଓ ତୃତୀୟ ପର୍ଯ୍ୟାୟ ଟ୍ରାଏଲର ଫଳାଫଳକୁ ନେଇ ଭାକସିନ୍ ଅତିଶୀଘ୍ର ଆସିବ ବୋଲି ଆଶା କରାଯାଉଛି । ଏହା ଭାରତରେ ଟେଷ୍ଟ୍ ହେଉଥିବା ସବୁଠାରୁ ବିକଶିତ ଭାକସିନ୍ ଅଟେ ।

ଭାରତରେ ହେଉଥିବା ଭାକସିନର ଟ୍ରାଏଲ ମୁଖ୍ୟତଃ ଭାକସିନ କେତେ ପରିମାଣରେ ପ୍ରଭାବି ଓ ସୁରକ୍ଷିତ ତା ଉପରେ ଗୁରୁତ୍ୱ ଦିଆଯାଉଛି । ତେବେ ଭାକସିନ କେତେ ଦିନ ଯାଏଁ ପ୍ରଭାବୀ ରହିବ ତାହା ଜାଣିବା ପାଇଁ ଅଧିକ ସମୟ ଆବଶ୍ୟକ । ଲଣ୍ଡନରେ ହେଉଥିବା ଭାକସିନ ଟ୍ରାଏଲର ଡାଟା ମଧ୍ୟ ଭାରତୀୟ ଅଧିକାରୀଙ୍କୁ ପ୍ରଦାନ କରାଯିବ । କାରଣ ଭାକସିନର ରୋଲିଂ ରିଭ୍ୟୁ ଉପରେ ବିଚାର କରାଯାଇ ଫାଷ୍ଟ୍ ଟ୍ରାକ୍ ଆପ୍ରୁଭାଲ୍ ମିଳିପାରିବ ।

ସୂଚନାଯୋଗ୍ୟ, ସିରମ୍ ଇନଷ୍ଟିଚ୍ୟୁଟ୍ ଆମେରିକୀୟ କମ୍ପାନୀ ନୋଭାଭାକ୍ସ ସହ ମଧ୍ୟ କୋଭୋଭାକ୍ସ ଭାକସିନ୍ ପାଇଁ ଚୁକ୍ତି କରିଛି । ସିରମ ଇନଷ୍ଟିଚ୍ୟଟ୍ ଅଫ୍ ଇଣ୍ଡିଆର ସିଇଓ ଅଦାର ପୁନାଓ୍ୱାଲା ଗତ ସପ୍ତାହରେ କହିଥିଲେ ଯେ, ଆସନ୍ତା ବର୍ଷର ଆରମ୍ଭରେ ପ୍ରଭାବୀ ଓ ସୁରକ୍ଷିତ ଭାକସିନ୍ ଉପଲବ୍ଧ ହେବ । ଟ୍ରାଏଲ୍ ସଫଳ ହେବା ପରେ ବିଭିନ୍ନ ସଂସ୍ଥାର ଅନୁମତି ମିଳିଗଲେ ଜାନୁଆରୀ ୨୦୨୧ରେ ଭାକସିନ୍ ଆସିପାରେ । ଭାରତରେ କୋଭିସିଲ୍ଡ ଟ୍ରାଏଲରେ ସୁରକ୍ଷା ସମ୍ବନ୍ଧିତ କୈଣସି ଅସୁବିଧା ହୋଇନଥିବା ସେ କହିଥିଲେ ।

   Related Posts