Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

କାଳ ସାଜିଲା ହୋଲି ଖେଳ, ପୋଖରୀରେ ବୁଡି ୪ ମୃତ

10/03/2020 at 5:05 PM

କୋଲକାତା ୧୦।୦୩ ୩ : ସମଗ୍ର ଭାରତରେ ଆଜି ଧୂମଧାମ ସହକାରେ ହୋଲି ପର୍ବ ପାଳନ କରାଯାଇଛି। ମାତ୍ର ପଶ୍ଚିମବଙ୍ଗର ନଦିଆ ଜିଲ୍ଲାରେ ବଡ ଅଘଟଣ ଘଟିଛି। ହୋଲି ଖେଳ କାଳ ସାଜିଛି। ଦୋଳ ଯାତ୍ରାରେ ହୋଲି ଖେଳି ସାରିବା ପରେ ପୋଖରୀକୁ ଗାଧୋଇବାକୁ ୪ ନାବାଳକ ବୁଡି ପ୍ରାଣ ହରାଇଛନ୍ତି। ଏନେଇ ପୋଲିସ ମଙ୍ଗଳବାର ସୂଚନା ଦେଇଛି।

ମୃତକ  ନାବାଳକଙ୍କ ମଧ୍ୟରେ ୯ ଓ ୧୩ ବର୍ଷ ବୟସର ଭାଇ-ଭଉଣୀ ସାମିଲ। ଏହି ଘଟଣା ନଦିଆ ଜିଲ୍ଲାର ତାହେରପୁର ଥାନା ଅନ୍ତର୍ଗତ ଦଙ୍ଗା ଗାଁରେ ଘଟିଛି। ସୋମବାର ଦୋଳ ଯାତ୍ରା ଖେଳି ସାରିବା ପରେ ଚାରି ଜଣ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ। ଗାଧୋଇବା ବେଳେ ଭାରସ୍ୟାମ ହରାଇ ସମସ୍ତେ ପାଣିରେ ବୁଡି ପ୍ରାଣ  ହରାଇଥିବା ପୋଲିସ୍ କହିଛି।

ପୋଲିସ୍ କହିଛି ଯେ, ଚାରି ଜଣଙ୍କ ସହିତ ଅନ୍ୟ ଦୁଇ ଜଣ ପିଲା ମଧ୍ୟ ପୋଖରୀକୁ ଯାଇଥିଲେ। ମାତ୍ର ସେମାନେ ପାଣିକୁ ଓହ୍ଲାଇନଥିଲେ। ସ୍ଥାନୀୟ ଲୋକେ ଏହି ଘଟଣା ବିଷୟରେ ଥାନାରେ ସୂଚନା ଦେଇଥିଲେ। ଗାଁ ଲୋକେ ଚାରି ଜଣଙ୍କୁ ପୋଖରୀରୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ, ମାତ୍ର ଡାକ୍ତର ସମସ୍ତଙ୍କୁ ମୃତ ଘୋଷଣା କରିଥିଲେ। ମୃତକ ଚାରି ଜଣଙ୍କ ନାମ ସନି ପ୍ରାମନିକ, ତାଙ୍କ ଭଉଣୀ ସ୍ନେହା ପ୍ରାମନିକ, ସଭାଜିତ ହଲଦର ଓ ରାକ୍ଷୀ ହଲଦର।

   Related Posts