Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ଆୟୁର୍ବେଦର ୪ଟି ଔଷଧ କରୋନା ଚିକିତ୍ସାରେ ଫଳପ୍ରଦ: ଅଖିଳ ଭାରତୀୟ ଆୟୁର୍ବେଦ ସଂସ୍ଥାର ଦାବି

2/11/2020 at 12:03 PM

ନୂଆଦିଲ୍ଲୀ ୦୨/୧୧ : ଆୟୁର୍ବେଦର ୪ଟି ଔଷଧ ବ୍ୟବହାର ଦ୍ୱାରା ସାମାନ୍ୟ ଲକ୍ଷଣ ଥିବା କରୋନା ରୋଗୀଙ୍କ ଉପଚାର ସମ୍ଭବ। ଆୟୁଷ ମନ୍ତ୍ରାଳୟର ଦିଲ୍ଲୀ ସ୍ଥିତ ହସ୍ପିଟାଲ ଅଖିଳ ଭାରତୀୟ ଆୟୁର୍ବେଦ ସଂସ୍ଥା (ଏଆଇଆଇଏ)ର ଜର୍ନାଲ ଆୟୁ କେୟାରରେ ପ୍ରକାଶିତ ଏକ କେସ୍ ଷ୍ଟଡିରେ ଏହା ଦାବି କରାଯାଇଛି ଯେ ଏହି ୪ଟି ଔଷଧ ହେଲା ଆୟୁଷ କ୍ୱାଥ୍, ସଂଶମନୀ ବଟି, ଫିଫ୍ରାଟ୍ରୋଲ୍ ଏବଂ ଲକ୍ଷ୍ମୀବିଳାସ ରସ।

ଆୟୁ କେୟାର ଜର୍ନାଲର ପ୍ରକାଶ ପାଇଥିବା ରିପୋର୍ଟ ଅନୁସାରେ ଏହି କେସ ଷ୍ଟଡି ବା ଅଧ୍ୟୟନ ୩୦ ବର୍ଷୀୟ ସ୍ୱାସ୍ଥ୍ୟକର୍ମୀଙ୍କର ଯିଏ କରୋନାରେ ସଂକ୍ରମିତ ଥିଲେ ଏବଂ ତାଙ୍କର ସାମାନ୍ୟ ଲକ୍ଷଣ ଥିଲା। ଦୁଇ ଦିନ ସଂକ୍ରମଣ ପରେ ତାଙ୍କୁ ଭାରତୀୟ ଆୟୁର୍ବେଦ ସଂସ୍ଥାରେ ଭର୍ତ୍ତି କରାଯାଇଥିଲା। 

ଏଆଇଆଇଏର ରୋଗ ନିଦାନ ଏବଂ ବିକୃତ ବିଜ୍ଞାନ ବିଭାଗ ଡାକ୍ତର ଶିଶିର କୁମାର ମଣ୍ଡଳଙ୍କ ନେତୃତ୍ୱରେ ଡାକ୍ତରଙ୍କ ଏକ ଟିମ ତୃତୀୟ ଦିନରୁ କରୋନା ସଂକ୍ରମିତଙ୍କ ଉପଚାର ଆରମ୍ଭ କରିଥିଲେ। ତାଙ୍କୁ ଦିନକୁ ୩ଥର ୧୦ ମିଳି ଲିଟର ଆୟୁଷ କ୍ୱାଥ, ୨ଥର ୨୫୦ ମିଲିଗ୍ରାମ ସଂଶମନୀ ବଟି ଓ ଲକ୍ଷ୍ମୀବିଳାସ ରସ ଦିଆଯାଉଥିଲା। ଫିଫ୍ରାଟ୍ରୋଲର ୫୦୦ ମିଲିଗ୍ରାମ ଟାବଲେଟ୍ ଦିନକୁ ୨ଥର ଦିଆଯାଉଥିଲା। ଚତୁର୍ଥ ଦିନରୁ ସଂକ୍ରମିତଙ୍କ ସ୍ୱାସ୍ଥ୍ୟରେ ସୁଧାର ଆସିଥିଲା। ଜ୍ୱର, ନିଶ୍ୱାସ ନେବାରେ ସମସ୍ୟା, ଗଳାରେ ଯନ୍ତ୍ରଣା ଏବଂ କାଶ ଆଦି କମିଯାଇଥିଲା। ସେହିଭଳି ମୁଣ୍ଡବିନ୍ଧା, ଗୋଡହାତ ବିନ୍ଧା ଆଦି ମଧ୍ୟ କମିଯାଇଥିଲା। ଏହାସହ କରୋନା ସଂକ୍ରମିତ ହେବାପରେ ତାଙ୍କର ସ୍ୱାଦ ମଧ୍ୟ ଚାଲିଯାଇଥିଲା। ଆୟୁର୍ବେଦ ଔଷଧ ସେବନ ପରେ ସ୍ୱାଦ ସ୍ଥିତିରେ ମଧ୍ୟ ସୁଧାର ଆସିଥିଲା। ଏହି ଉପଚାର ଷଷ୍ଠ ଦିନ ଜାରି ରହିଲା। ଷଷ୍ଠ ଦିନ ତାଙ୍କର କରୋନା ରିପୋର୍ଟ ନେଗେଟିଭ ଆସିଥିଲା।

ଫିଫ୍ରାଟ୍ରୋଲ ୫ଟି ପ୍ରମୁଖ ଜଡିବୁଟି ଯଥା ସୁଦର୍ଶନ ଘଟ ବଟି, ସଂଜୀବନୀ ବଟି, ଗୋଦାନ୍ତି ଭସ୍ମ, ତ୍ରିଭୁବନ କୀର୍ତ୍ତି ରସ ଓ ମୃତ୍ୟୁଞ୍ଜୟ ରସରୁ ତିଆରି।  ଅନ୍ୟ ୮ଟି ଜଡିବୁଟି ତୁଳସୀ, କୁଟକି, ଚିରାୟତା, ଗୁଡ଼ୁଚି, ଦାରୁହରିଦ୍ରା, ଅପାମାର୍ଗ, କରଞ୍ଜ ତଥା ମୋଥାର କିଛି ଅଂଶ ମଧ୍ୟ ଏଥିରେ ସାମିଲ। ଏମିଲ ଫାର୍ମାସ୍ୟୁଟିକାଲ ଅନେକ ଦିନ ଗବେଷଣା ପରେ ଏହି ଫର୍ମୁଲା ପ୍ରସ୍ତୁତ କରିଛି। ଆୟୁଷ କ୍ୱାଥ ଡାଲଚିନି, ତୁଳସୀ, ଗୋଲମରିଚ ତଥା ସୁଣ୍ଠିର ମିଶ୍ରଣ। ସଂଶମନୀ ବଟି ଗିଲୋୟ ଛାଲରୁ ପ୍ରସ୍ତୁତ କରାଯାଇଛି। ଲକ୍ଷ୍ମୀବିଳାସ ରସ ଅଭ୍ରକ ଭସ୍ମରୁ ୧୩ ତତ୍ତ୍ୱ ମିଶ୍ରଣ କରାଯାଇଛି। ଏହି ଅଧ୍ୟୟନରୁ ସ୍ପଷ୍ଟ ହୋଇଛି ଯେ ଯଦି ଆୟୁର୍ବେଦ ଔଷଧ ଉପରେ ଆହୁରି ଅଧ୍ୟୟନ କରାଯାଏ ତାହେଲେ ଏହାର ସଫଳ ଫଳାଫଳ ମିଳିପାରେ।

   Related Posts