ଜଲ୍ଗାଁଓ, ୨୧/୦୯: ଦେଶରେ ବିଭିନ୍ନ ସ୍ଥାନରୁ ବର୍ଷା କାରଣରୁ କୋଠା ଭୁଶୁଡ଼ି ଯାଉଥିବା ଦେଖିବାକୁ ମିଳିଛି । ପୂରୁଣା କୋଠାଗୁଡ଼ିକ ଚିହ୍ନଟ କରି ସ୍ଥାନୀୟ ପ୍ରଶାସନ ଏହାକୁ ଯଥା ସମ୍ଭବ ଖାଲି କରିବାକୁ ଚେଷ୍ଟା କରୁଛନ୍ତି । ଯାହଫଳରେ ଜନଜୀବନ ରକ୍ଷା ପାଇଯାଉଛନ୍ତି ।
ସେହିପରି ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଭିଡ଼ିଓଟିରେ ଜଲ୍ଗାଁଓ ଜିଲ୍ଲାର ପଚୋରା ଟାଉନ୍ ସ୍ଥିତ ଏକ ତିନି ମହଲା କୋଠା ଭୁଶୁଡ଼ି ପଡ଼ୁଥିବା ଦେଖିବାକୁ ମିଳୁଛି । ଏହି ଘଟଣା ସୋମବାର ପାଖାପାଖି ରାତି ୧୦ଟାରେ ଘଟିଛି । କୋଠାଟି ଭୁଶୁଡ଼ିବା ସମୟରେ କିଛି ଦୂରରେ ସ୍ଥାନୀୟ ଲୋକ ରୁଣ୍ଡ ହୋଇଥିବା ଦେଖିବାକୁ ମିଳିଥିବା ବେଳେ ଏହାକୁ ଜଣେ ବ୍ୟକ୍ତି ନିଜ ମୋବାଇଲ୍ କ୍ୟାମେରାରେ କଏଦ୍ କରିଥିଲେ ।
wp:html/wp:htmlजळगावात पत्त्याच्या बंगल्याप्रमाणे कोसळली इमारत, व्हिडिओ व्हायरल https://t.co/mD82AatBXl pic.twitter.com/CP7PU72VBN
— Lokmat (@MiLOKMAT) September 21, 2021
ଏଥିରେ କାହାର କିଛି କ୍ଷତି ହୋଇନଥିବା ଜଣାପଡ଼ିଛି । ପୂର୍ବରୁ ସ୍ଥାନୀୟ ପ୍ରଶାସନ ଏହି କୋଠାରେ ବାସ କରୁଥିବା ପରିବାରଙ୍କୁ ଖାଲି କରିଦେଇଥିଲା ଏବଂ କିଛି ଦୁର୍ଘଟଣା ଘଟିବା ଆଶଙ୍କା କରି ପାଖ ରାସ୍ତାକୁ ସିଲ୍ କରିଦେଇଥିଲା । ଯାହାଫଳରେ ଦୁର୍ଘଟଣାରୁ ଲୋକେ ବର୍ତ୍ତିଯାଇଛନ୍ତି । ତେବେ ଏହି ଭିଡିଓଟିରେ ମାତ୍ର ୧୮ ସେକେଣ୍ଡ୍ ମଧ୍ୟରେ କୋଠାଟି ଭୁଶୁଡ଼ି ପଡ଼ୁଥିବା ଦେଖିବାକୁ ମିଳିଛି । ଖବର ପାଇ ସ୍ଥାନୀୟ ଲୋକ ସେଠାରେ ରୁଣ୍ଡ ହୋଇଯାଇଥିଲେ ।