Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

୨୪ଘଣ୍ଟାରେ ୩ଭଉଣୀଙ୍କ ମୃତ୍ୟୁ : ଚାଉଳ ବସ୍ତାରେ ଲାଗିଥିଲା କୀଟନାଶକ ,ଅଣନିଃଶ୍ବାସୀ ହୋଇଗଲେ ଅଜା,ଆଈ ଓ ୩ନାତୁଣୀ

28/12/2019 at 2:23 PM

ବ୍ରହ୍ମପୁର ୨୮/୧୨: ୩ଭଉଣୀ ଆଗପଛ ହୋଇ ଚାଲିଗଲେ । ମାତ୍ର ୨୪ଘଣ୍ଟା ଭିତରେ ଗୋଟିଏ ପରିବାରର ୩ନାବାଳିକାଙ୍କ ମୃତ୍ୟୁ କେବଳ ବେଦନାଦାୟକ ନୁହେଁ ବରଂ ମର୍ମାନ୍ତକ ହୋଇଛି। ଗଞାମ ଜିଲ୍ଲା ବି. ତୁରୁବୁଡି ଗାଆଁରେ ଘଟିଛି ଏହି ଅଭାବନୀୟ ଘଟଣା ।ଚାଉଳ ଭିତରେ ରଖାଯାଇଥିବା କୀଟନାଶକରୁ ନିର୍ଗତ ବିଷାକ୍ତ ଗ୍ୟାସରେ ଶ୍ବାସରୁଦ୍ଧ ହୋଇ ପ୍ରାଣ ହରାଇଛନ୍ତି ୩ ନାବାଳିକା। କିଛି ଘଣ୍ଟା ବ୍ୟବଧାନରେ ଘରେ ଓ ଡାକ୍ତରଖାନାରେ ସେମାନଙ୍କର ମୃତ୍ୟୁ ହୋଇଛି।

ଗଞ୍ଜାମ ତୁରୁବୁରେଇ ଗାଁର ଏଲ. ପବିତ୍ର ରେଡ୍ଡିଙ୍କ ଝିଅ ବର୍ଷା ଓ ସୋନା ଏବଂ ସେମାନଙ୍କ ଦାଦା ଝିଅ ଭଉଣୀ ଟିକିନା ବି.ତୁରୁବୁଡ଼ି ଗ୍ରାମର ମୋହନ ରେଡ୍ଡିଙ୍କ ଘରେ ରହି ପାଠ ପଢ଼ୁଥିଲେ। ମୋହନ ସେମାନଙ୍କ ମାମୁଁ ଅଜା।ବର୍ଷାଙ୍କ ବୟସ ୧୦ବର୍ଷ ହୋଇଥିବାବେଳେ ସୋନା ଓ ଟିକିନାଙ୍କ ବୟସ ୭ବର୍ଷ ଓ ୬ବର୍ଷ।  ଗୁରୁବାର ରାତିରେ ଅଜାଆଈଙ୍କ ସହ ୩ନାବାଳିକା  କୀଟନାଶକ ଯୁକ୍ତ ଚାଉଳସଂସ୍ପର୍ଶରେ ଆସିଥିଲେ।

ଏହା ପରେ ସେମାନେ ବାନ୍ତି କରି ଅସୁସ୍ଥ ହୋଇପଡ଼ିଥିଲେ। ଶୁକ୍ରବାର ସକାଳେ ଜଣେ ନାବାଳିକା ଡାକ୍ତରଖାନା ଯିବା ବାଟରେ ଗାଁରେ  ପ୍ରାଣ ହରାଇଥିଲେ। ଅନ୍ୟ ଜଣେ ଦିଗପହଣ୍ଡି ସ୍ବାସ୍ଥ୍ୟ କେନ୍ଦ୍ରରେ ଓ ଅନ୍ୟ ଜଣେ ବ୍ରହ୍ମପୁର ବଡ ମେଡିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଛନ୍ତି। ୩ନାବାଳିକାଙ୍କ ଅଜା ମୋହନ ରେଡ୍ଡି ଓ ଆଈ କସ୍ତୁରୀ ରେଡ୍ଡି ମଧ୍ୟ କୀଟନାଶକଯୁକ୍ତ ଚାଉଳ ସଂସ୍ପର୍ଶରେ ଆସି ଅସୁସ୍ଥ ହୋଇଛନ୍ତି। ଏବେ ସେମାନେ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି। ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି।

   Related Posts