Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଟିଟିଲାଗଡରୁ ଖସିଗଲା ବହୁ ଅପରାଧ ସହ ଜଡିତ କୋଟିପତି ଡକାୟତ ; ହେଲେ ଘରୁ ମିଳିଲା ନଗଦ ୩୮ଲକ୍ଷ ଟଙ୍କା

25/10/2018 at 6:30 PM

ଟିଟିଲାଗଡ ୨୫|୧୦ : କୋଟିପତି ଡକାୟତ । ଡକାୟତି କରି ଲକ୍ଷ ଲକ୍ଷ ଟଙ୍କା ଠୁଳ କରିଥିବା ଅର୍ଥକୁ ଜବତ କରିଛି ପୋଲିସ । କିଛି ଦିନ ହେଲା ଫେରାର ଥିବା ଏହି ଡକାୟତକୁ ଧରିବା ପାଇଁ  ତା ଘରେ ପୋଲିସ ଚଢାଉ ବେଳେ ଆଳୁ ଖୋଳୁ ଖୋଳୁ ମହାଦେବ ବାହାରିଲା ଭଳି ମିଳିଛି ୩୭ ଲକ୍ଷରୁ ଅଧିକ ନଗଦ ଟଙ୍କା । ଘଟଣା ବଲାଙ୍ଗିର ଟିଟିଲାଗଡର ।

ନାଁ ଲୋକନାଥ କୁମ୍ଭାର ଓରଫ  ଉଟି । ଘର ଟିଟିଲାଗଡ ହାଇସ୍କୁଲପଡା । ପିତାର ନାଁ ନାସା କୁମ୍ଭାର । ପେସା-ଡକାୟତି, ରାହାଜାନୀ, ଗଞେଇ ବେପାର, ନକଲି ନୋଟ୍‌ କାରବାର । ଟିଟିଲାଗଡ ପୋଲିସ ପାଇଁ ମୋଷ୍ଟ ୱାଣ୍ଟେଡ୍‌ । ରାଜ୍ୟର ବିଭିନ୍ନ ସ୍ଥାନରେ ଲୋକନାଥ ନାଁରେ ରାଜ୍ୟ ଓ ରାଜ୍ୟ ବାହାରେ ରହିଛି ଅନେକ ଡକାୟତି ଓ ଅପରାଧିକ ମାମଲା । ଲୋକନାଥକୁ ଧରିବାକୁ ଜାରି ହୋଇଥିଲା ୱାରେଣ୍ଟ । ଲୋକନାଥ ଘରକୁ ଆସିଥିବା ନେଇ ପୋଲିସ ଖବର ପାଇବା ପରେ ବଲାଙ୍ଗିର ଏସ୍‌ପିଙ୍କ ନେତୃତ୍ବରେ ଏକ ଟିମ୍‌ ଅଚାନକ ଚଢାଉ କରିଥିଲା । ହେଲେ ତା ପୂର୍ବରୁ ସୁରାକ୍‌ ପାଇ ଫେରାର ହୋଇଯାଇଥିଲା ଲୋକନାଥ । ତେବେ ଘର ଖାନତଲାସ ବେଳେ ଖଟତଳୁ ମିଳିଥିବା ନଗଦ ଟଙ୍କା ଦେଖି ପୋଲିସ ତାଜୁବ୍‌ । ଘରୁ ନଗଦ ୩୭ ଲକ୍ଷ ୩୨ ହଜାର ୧୭୦ ଟଙ୍କା ମିଳିଛି । ଏହାସହ ପୋଲିସ ପାଇଛି ବିପୁଳ ପରିମାମର ସୁନା ଗହଣା , ମାରଣାସ୍ତ୍ର, ଏଟିଏମ୍‌ କାର୍ଡ, ୪ ଟି ପାସବୁକ୍‌ ।

ପୋଲିସ ଏହି ଘଟଣାରେ ଲୋକନାଥର ବାପା ନାସା କୁମ୍ଭାର ସହ ୪ ଜଣଙ୍କୁ ଅଟକ ରଖି ପଚରା ଉଚରା କରୁଛି । ନାସା କୁମ୍ଭାର ନାଁରେ ବି ଚୋରା ଗଞ୍ଜେଇ ବେପାର ଓ ବିଭିନ୍ନ ଅପରାଧିକ କାର୍ଯ୍ୟକଳାପ ନେଇ ଅଭିଯୋଗ ରହିଛି । ପୂର୍ବରୁ ସେ ଜେଲ୍‌ ବି ଯାଇ ସାରିଛି । ନାସା କୁମ୍ଭାର ପରିବାର ଆନ୍ଧ୍ରପ୍ରଦେଶରୁ ୨୫ ବର୍ଷ ହେବ ଟିଟିଲାଗଡ ଆସିଥିଲେ । ଏମାନଙ୍କ ନେଟୱର୍କ ମାଲକାନଗିରି ଟିଟିଲାଗଡ ଦେଇ ଭୁବନେଶ୍ବର ପର୍ଯ୍ୟନ୍ତ ଲମ୍ବିଛି । ଲୋକନାଥକୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ।

   Related Posts