ଆଠଗଡ଼ ୦୨।୦୭: ରାଜ୍ୟରେ ଦିନକୁ ଦିନ ବଢିଚାଲିଛି କରୋନା ସଂକ୍ରମଣ । ଯାହାକୁ ନେଇ ରାଜ୍ୟ ସରକାର ଓ ବିଭିନ୍ନ ଜିଲ୍ଲା ପ୍ରଶାସନ ପକ୍ଷରୁ କଡା ପଦକ୍ଷେପ ନିଆଯାଉଛି । ଆଠଗଡ ବଡମ୍ବା ଗ୍ରାମ ପଞ୍ଚାୟତରେ କରୋନା ପଜିଟିଭ୍ ବାହାରିବା ପରେ ପଦକ୍ଷେପ ନେଇଛନ୍ତି ସରପଞ୍ଚ । ଜିଲ୍ଲାପାଳଙ୍କ କ୍ଷମତା ପ୍ରୟୋଗ କରି ବଡମ୍ବା ଗ୍ରାମ ପଞ୍ଚାୟତକୁ ୩୬ ଘଣ୍ଟା ପାଇଁ ସଟ୍ଡାଉନ୍ ଘୋଷଣା କରିଛନ୍ତି ।
{"id":294671,"sizeSlug":"large"}ସୂଚନାଯୋଗ୍ୟ ଯେ, ବଡ଼ମ୍ବା ଗ୍ରାମ ପଞ୍ଚାୟତରେ ଥାନା ଅଧିକାରୀଙ୍କ କିଛି ଦିନ ତଳେ କରୋନା ସଂକ୍ରମିତ ଚିହ୍ନଟ ହୋଇଥିଲା । ଯାହାଫଳରେ କିଛି ଅଞ୍ଚଳକୁ କଣ୍ଟେମେଣ୍ଟ ଜୋନ୍ ଓ ସଟ୍ଡାଉନ୍ ଘୋଷଣ କରାଯାଇଥିଲା । ଅଞ୍ଚଳରେ ମୋଟ ୧୪ ଜଣଙ୍କର ପଜିଟିଭ ବାହାରିବା ପରେ ଗୋଷ୍ଠୀ ସଂକ୍ରମଣର ଆଶଙ୍କା ରହିଥିବା କାରଣରୁ ବଡ଼ମ୍ବା ଗ୍ରାମ ପଞ୍ଚାୟତକୁ ସଟ୍ଡାଉନ୍ ଘୋଷଣା କରାଯାଇଛି । ବଡ଼ମ୍ବା ଗ୍ରାମ ପଞ୍ଚାୟତକୁ ୦୨ ତାରିଖ ଦିନ ୧୦ ଟାରୁ ଆସନ୍ତା ୦୩ ତାରିଖ ରାତ୍ର ୧୦ ପଯ୍ୟନ୍ତ ସଟ୍ଡାଉନ ଘୋଣଷା କରାଯାଇଛି । ମୋଟ ୩୬ ଘଣ୍ଟା ପାଇଁ ସଟ୍ଡାଉନ୍ ଘୋଷଣା କରିଛନ୍ତି ସରପଞ୍ଚ ।