ରାତିରେ ରାସ୍ତା ପାର ହେଉଥିଲେ ଛେଳିଗୋଠ, ମାଡ଼ିଗଲା ହାଇୱା, ୩୫ରୁ ଉର୍ଦ୍ଧ୍ୱ ଛେଳି ମୃତ

Published By : Prameya-News7 Bureau | September 23, 2021 IST

ଓଡ଼ଗାଁ, ୨୩/୦୯: ହାଇୱା ଧକ୍କାରେ ପ୍ରାୟ ୩୫ରୁ ଉର୍ଦ୍ଧ୍ବ ଛେଳିଙ୍କ ମୃତ୍ୟୁ ଘଟିଥିବାବେଳେ ୧୫ ଛେଳି ଆହତ ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା ଓଡ଼ଗାଁ- ବାହାଡାଝୋଲା ରାସ୍ତାରେ ଘଟିଥିବା ଜଣାପଡ଼ିଛି । ବିଳମ୍ୱିତ ରାତିରେ ଗୌଡ଼ପୁଟ ଗୋଲାସାହିର ସୁବାସ ପାତ୍ର ପ୍ରାୟ ୧୦୦ରୁ ଉର୍ଦ୍ଧ୍ବ ଛେଳି ଗୋଠ ଧରି ରାସ୍ତା ପାର ହେଉଥିବା ସମୟରେ ଦ୍ରୁତ ଗତିରେ ଆସୁଥିବା ଓଡ଼ି ୨୫ ଜି ୭୨୯୨ ନମ୍ୱର ବିଶିଷ୍ଟ ଏକ ହାଇୱା ଗାଡି ଛେଳି ଗୋଠ ଉପରେ ଚଢ଼ି ଯାଇଥିଲା ।ଯାହା ଫଳରେ ଘଟଣାସ୍ଥଳରେ ୩୫ରୁ ଉର୍ଦ୍ଧ୍ବ ଛେଳିଙ୍କ ମୃତ୍ୟୁ ଘଟିଥିବାବେଳେ ୧୫ ଛେଳି ଗୁରୁତର ଭାବେ ଆହତ ମଧ୍ୟ ହେଇଛନ୍ତି ।

ସ୍ଥାନୀୟ ଲୋକେ ଦୁର୍ଘଟଣା ଘଟାଇଥିବା ହାଇୱାକୁ ଅଟକ ରଖିଥିବା ବେଳେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିଲା। ଘଟଣାସ୍ଥଳରେ ଓଡ଼ଗାଁ ଆଦର୍ଶ ଥାନା ପୋଲିସ ପହଞ୍ଚି ହାଇୱାକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି । ଛେଳି ପାଳିଥିବା ଲୋକ ଗରିବ ଶ୍ରେଣୀର ହୋଇଥିବାରୁ କ୍ଷତିପୂରଣ ସେମାନେ ଦାବି କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.