Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ସଚିବ ସ୍ତରକୁ ଉନ୍ନିତ ହେଲେ ୩୪ IAS ଅଫିସର, ଗୁଜୁରାଟ କ୍ୟାଡରରୁ ୬, ଜଣେବି ନାହାନ୍ତି ଓଡିଶା କ୍ୟାଡର

13/04/2020 at 8:21 PM

ନୂଆଦିଲ୍ଲୀ ୧୩।୪:  ଭାରତ ସରକାରଙ୍କର କ୍ୟାବିନେଟ୍ ଆପଏଣ୍ଟମେଣ୍ଟ କମିଟି ସୋମବାର ୨୮ ଜଣ ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀଙ୍କୁ ସଚିବ ନିଯୁକ୍ତ କରିଛନ୍ତି। ଏହା ଛଡା ୬ ଜଣଙ୍କୁ ସଚିବଙ୍କ ସମକକ୍ଷ ଅଧିକାରୀ ପଦରେ ନିଯୁକ୍ତି ଦେଇଛନ୍ତି। ୧୯୮୭ ଓ  ୮୮ ବ୍ୟାଚ୍‌ର ଏହି ଆଇଏଏସ୍ ଅଫିସରଙ୍କ ମଧ୍ୟରେ ଗୁଜୁରାଟ କ୍ୟାଡରର ସର୍ବାଧିକ ୬ ଜଣ ଅଧିକାରୀ ଥିବା ବେଳେ ଓଡିଶାରୁ ଜଣେବି ଅଧିକାରୀଙ୍କୁ ଏଥିରେ ସ୍ଥାନ ମିଳିନଥିବା ଜଣାପଡିଛି।

ଏଥିରେ ପଶ୍ଚିମବଙ୍ଗ, ଝାରଖଣ୍ଡ, ପଞ୍ଜାବ, ଆନ୍ଧ୍ରପ୍ରଦେଶ, ହରିୟାଣା, କେରଳ, କର୍ଣ୍ଣାଟକ, ନାଗାଲ୍ୟାଣ୍ଡ, ଉତ୍ତରାଖଣ୍ଡ କ୍ୟାଡରର ଜଣେ ଲେଖାଏଁ ଆଇଏଏସ୍ ଅଫିସରଙ୍କୁ ସଚିବ ଓ ସମକକ୍ଷ ପଦରେ ନିଯୁକ୍ତ ହୋଇଛନ୍ତି। ସେହିପରି ତାମିଲନାଡୁ ଓ ଜମ୍ମୁ-କାଶ୍ମୀର କ୍ୟାଡରରୁ ୨ ଜଣ, ଉତ୍ତରପ୍ରଦେଶ, ମଧ୍ୟପ୍ରଦେଶ ଓ ମହାରାଷ୍ଟ୍ର କ୍ୟାଡରରୁ ୩ ଜଣ ଲେଖାଏଁ ଆଇଏଏସ୍ ଅଫିସର ସଚିବ ସ୍ତରରେ ନିଯୁକ୍ତ ହୋଇଥିବା ବେଳେ ଗୁଜରାଟ କ୍ୟାଡରରୁ ଏକକାଳୀନ ୬ ଜଣ ନିଯୁକ୍ତ ହୋଇଛନ୍ତି।

ସୋମବାର ସନ୍ଧ୍ୟାରେ କ୍ୟାବିନେଟ୍ ନିଯୁକ୍ତି କମିଟି ଏହି ନିଯୁକ୍ତି ନେଇ ବିଜ୍ଞପ୍ତି ଜାରି କରିଥିବା ବେଳେ ୧୯୮୭ ବ୍ୟାଚ୍‌ର ୬ ଜଣ ଆଇଏଏସ୍ ଅଫିସର ସଚିବ ସ୍ତରକୁ ଉନ୍ନିତ ହୋଇଛନ୍ତି। ବାକି ୨୮ ଜଣ ୧୯୮୮ ବ୍ୟାଚ୍‌ର ଆଇଏଏସ୍ ଅଫିସର ବୋଲି ଜଣାପଡିଛି। ତେବେ ଏଥିରେ ଜଣେ ବି ଓଡିଶା କ୍ୟାଡରର ନଥିବା ବେଳେ ତାମିଲନାଡୁ କ୍ୟାଡରର ଜଣେ ଓ ଗୁଜରାଟ କ୍ୟାଡରର ଜଣେ ଓଡିଆ ଅଫିସର ଥିବା ଜଣାପଡିଛି।

   Related Posts