Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

କେରଳରେ ବନ୍ଧା ପଡିଛନ୍ତି ୩୪ ଓଡିଆ ଦାଦନ; ଉଦ୍ଧାର କରିବାକୁ ଭରସା ଦେଲେ ଶ୍ରମମନ୍ତ୍ରୀ

10/11/2018 at 5:31 PM

ଭୁବନେଶ୍ବର ୧୦|୧୧:  କେରଳରେ ବନ୍ଧା ପଡିଛନ୍ତି ୩୪ଜଣ ଦାଦନ । ରାୟଗଡା, କଳାହାଣ୍ଡି ଓ ନୂଆପଡ଼ା ଜିଲ୍ଲାରୁ ଯାଇଥିବା ଏହି ଶ୍ରମିକମାନେ କେରଳର ଆଲାପୁଝା ନିକଟ ଆରୁର୍‌ ସହରରେ ଥିବା ଏକ ଫୁଡ୍‌ ପ୍ରୋସେସିଂ କାରଖାନାରେ କାମ କରିବାକୁ ଯାଇଥିଲେ । ଏବେ ସେମାନେ ଘରକୁ ଫେରିବାକୁ ଚାହୁଁଥିଲେ ମଧ୍ୟ କମ୍ପାନୀର ଗୁଣ୍ଡାମାନେ ସେମାନଙ୍କୁ ବନ୍ଦୀକରି ରଖିଥିବା ଅଭିଯୋଗ କରିଛନ୍ତି ଏହି ଶ୍ରମିକଙ୍କ ପରିବାର । ସେମାନଙ୍କୁ ସେଠାରୁ କେମିତି ଉଦ୍ଧାର କରାଯାଇପାରିବ ସେ ନେଇ ରାଜ୍ୟ ଶ୍ରମ ବିଭାଗ ସହ ନ୍ୟୁଜ୍‌ ସେଭେନ୍‌ ଯୋଗାଯୋଗ କରିବା ପରେ ଘଟଣାର ତଦନ୍ତ ହେବ ବୋଲି କହିଛନ୍ତି ଶ୍ରମମନ୍ତ୍ରୀ ।

ସରୁନି ଦାଦନ ଦୁଃଖ । କେରଳରେ ବନ୍ଧା ପଡ଼ିଛି ୩୪ ଜୀବନ । ଓଡ଼ିଶାର ରାୟଗଡ଼ା, କଳାହାଣ୍ଡି ଓ ନୂଆପଡ଼ା ଜିଲ୍ଲାରୁ ଯାଇଥିବା ଏହି ଶ୍ରମିକମାନେ କେରଳର ଆରୁର୍‌ ସହରରେ ଥିବା ଏକ ଫୁଡ୍‌ ପ୍ରୋସେସିଂ ଫ୍ୟାକ୍ଟ୍ରିରେ କାମ କରୁଥିଲେ । ସେଠାରେ ଶ୍ରମିକଙ୍କ ମଜୁରୀକୁ ନେଇ ଗଣ୍ଡଗୋଳିଆ ପରିସ୍ଥିତି ସୃଷ୍ଟି ହୋଇଥିଲା । ଏଭଳି ମାହୋଲରେ ଓଡ଼ିଶାର ଶ୍ରମିକମାନେ ଘରକୁ ଫେରିବାକୁ ବାହାରିଥିଲେ । ହେଲେ ଗତ ଗୁରୁବାର ରାତିରେ କାରଖାନା କର୍ତ୍ତୃପକ୍ଷଙ୍କ ଭଡ଼ାଟିଆ ଗୁଣ୍ଡା ଏହି ଶ୍ରମିକମାନଙ୍କୁ ମାଡ଼ ମାରିବା ସହ ବନ୍ଦୀ କରି ରଖିଥିବା ଅଭିଯୋଗ ହୋଇଛି । ଏମିତିକି ସେମାନଙ୍କ ପାଖରୁ ମୋବାଇଲ ଓ ଅନ୍ୟାନ୍ୟ ସାମଗ୍ରୀ ଛଡ଼ାଇନେଇଛନ୍ତି ସେମାନେ ।

ରାୟଗଡ଼ା ଜିଲ୍ଲା ମୁନିଗୁଡ଼ା ଅମ୍ବାଦଳା ଅଂଚଳରୁ ଯାଇଥିବା କିଛି ଶ୍ରମିକଙ୍କ ଭିତରୁ ଜଣକ ପାଖରେ ଫୋନ୍‌ ଥିବାରୁ ସେ କୌଣସି ମତେ ସେଠାରୁ ନିଜ ପରିବାରକୁ ଜଣାଇଥିଲେ । ତା’ ପରେ ଯାଇ ପୂରା ଘଟଣା ପଦାକୁ ଆସିଥିଲା । ଏବେ ରାୟଗଡ଼ା ଜିଲ୍ଲାରୁ ଯାଇଥିବା ୧୬ଜଣ ଶ୍ରମିକଙ୍କ ପରିବାର ଚିନ୍ତାରେ ଅଛନ୍ତି ।

ପୂରା ଘଟଣା ନ୍ୟୁଜ୍‌ ସେଭେନ୍‌ ନଜରକୁ ଆସିବା ପରେ ରାଜ୍ୟ ଶ୍ରମମନ୍ତ୍ରୀଙ୍କ ସହ ଯୋଗଯୋଗ କରାଯାଇଥିଲା । ତେବେ ସେ ପୂରା ଘଟଣା ଶୁଣିବା ପରେ ତଦନ୍ତ  ନିର୍ଦ୍ଦେଶ ଦେବା ସହ ଶ୍ରମିକମାନଙ୍କୁ ତୁରନ୍ତ ଉଦ୍ଧାର କରିବାକୁ ଭରସା ଦେଇଛନ୍ତି । କେରଳକୁ ଏକ ଟିମ୍  ଯାଇ ସେଠାରେ ଥିବା ଓଡ଼ିଆ ଶ୍ରମିକମାନଙ୍କୁ ଉଦ୍ଧାର କରିବା ନିର୍ଦ୍ଦେଶ ଦେଇଛନ୍ତି ।

   Related Posts