Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||

ନବବଧୂ ଟିନୀ ମିସ୍ତ୍ରୀଙ୍କୁ ମାରିଦେଲେ –ପୁଲିସ ଅଭିଯୁକ୍ତଙ୍କୁ ଗିରଫ କରୁ ନ ଥିବାରୁ ତାତିଲେ ୩୨ଟି ଗାଁର ଲୋକ

17/10/2019 at 6:07 PM

ନବରଂଗପୁର ୧୭।୧୦ –  ନବରଂଗପୁର ରାଇଘର ଥାନା ପୋଲିସ ବିରୋଧରେ ଆନ୍ଦୋଳନକୁ ଓହ୍ଲାଇଛନ୍ତି ୩୨ଟି  ଗାଁର ଲୋକେ । ଯୌତୁକ ଲୋଭରେ ବଧୂ ହତ୍ୟା କରିଥିବା ଅଭିଯୁକ୍ତଙ୍କୁ ପୋଲିସ ଘଣ୍ଟ ଘୋଡ଼ାଉଥିବା ଅଭିଯୋଗ ହୋଇଛି । ଲୋକଙ୍କ ଆନ୍ଦୋଳନ ଯୋଗୁଁ ଦୋକାନ-ବଜାର ବନ୍ଦ ରହିଥିଲା । ଏପିରିକି ଉମରକୋଟ ଠାରୁ ରାୟପୁରକୁ ଗାଡି ଚଳାଚଳ ମଧ୍ୟ ବାଧାପ୍ରାପ୍ତ ହୋଇଛି ।

ପୋଲିସ ବିରୋଧରେ ଗର୍ଜିଛନ୍ତି ୩୨ଟି ଗାଁର ଲୋକେ । ପ୍ଲା କାର୍ଡ ଧରି ଧାରଣାରେ ବସିଛନ୍ତି ।  ଖାକି ବିରୋଧରେ ଲୋକଙ୍କ ରାଗ ପଞ୍ଚମରେ  । ଅଖ, ଚକ ବନ୍ଦ କରି ଦିଆଯାଇଛି । ଯୌତୁକ ଲୋଭରେ ବଧୁ ହତ୍ୟା କରିଥିବା ଅଭିଯୁକ୍ତଙ୍କୁ ରାଇଘର ଥାନା ପୋଲିସ ଘଣ୍ଟ ଘୋଡ଼ାଉଥିବା ଅଭିଯୋଗ ହୋଇଛି । ଘଟଣାଟି ହେଉଛି ନବରଙ୍ଗପୁର ଜିଲ୍ଲା ଅରଚିପରା ପଞ୍ଚାୟତ କିବେକଙ୍ଗା ଗାଁର । ଗତ ୨୨ ତାରିଖରେ ସୁମିତ ମିସ୍ତ୍ରୀଙ୍କ ପତ୍ନୀ ଟିନୀ ମିସ୍ତ୍ରୀ ନିଖୋଜ ଥିବା ନେଇ ଏତଲା ହୋଇଥିଲା । ଆଉ ଠିକ୍ ସେହିଦିନ ହିଁ ଗାଁର ପୋଖରୀରୁ ଟିନାଙ୍କ ମୃତ ଦେହ ଉଦ୍ଧାର ହୋଇଥିଲା । ଶାଶୁ ଘର ଲୋକେ ଏହାକୁ ଆତ୍ମହତ୍ୟାର ରୂପ ଦେଉଥିଲେ ବି ଟିନାଙ୍କ ବାପା ଏହା ଏକ ହତ୍ୟାକାଣ୍ଡ ବୋଲି ଅଭିଯୋଗ କରିଥିଲେ । ସ୍ବାମୀ, ଶାଶୁ, ଶ୍ବଶୁରଙ୍କ ସହ ୨ ସଂପର୍କୀୟଙ୍କ ସଂପୃକ୍ତିର ଅଭିଯୋଗ ଆସିଥିଲା । ହେଲେ ପୋଲିସ କେବଳ ସ୍ବାମୀ, ଶ୍ବଶୁରଙ୍କୁ ଗିରଫ୍ କରି ଚୁପ୍ ବସି ଯାଇଛି  ବୋଲି ଲୋକେ ଅଭିଯୋଗ କରିଛନ୍ତି ।

ହତ୍ୟାକାଣ୍ଡ ପଛରେ ଯୌତୁକ ଦାବି କାରଣ ବୋଲି ଟିନାଙ୍କ ବାପା କହିଆସୁଛନ୍ତି । ଦାବି ଅନୁସାରେ ଦେବା ପରେ ବି ବାରମ୍ବାର ଟଙ୍କା  ଦାବି କରୁଥିଲେ ଟିନାଙ୍କ ଶାଶୁ ଘର । ଆଉ ଶେଷରେ ସେମାନେ ଏଭଳି ହତ୍ୟାକାଣ୍ଡ ଭିଆଇଲେ ବୋଲି ସେ କହିଛନ୍ତି । ସେପଟେ ବାକି ୩ ଅଭିଯୁକ୍ତଙ୍କୁ ଗିରଫ ଦାବିରେ ଟିନାଙ୍କ ବାପାଙ୍କ ସମର୍ଥନରେ ତାତିଛନ୍ତି ୩୨ଟି ବଂଗୀୟ ଗାଁ । ଲୋକଙ୍କ ଆନ୍ଦୋଳନ ଯୋଗୁଁ ଦୋକାନ-ବଜାର ବନ୍ଦ ରହିଥିଲା । ଆନ୍ଦୋଳନକାରୀଙ୍କ ରାସ୍ତା ଅବରୋଧ ଯୋଗୁଁ ଉମରକୋଟ ଠାରୁ ରାୟପୁରକୁ ଗାଡି ଚଳାଚଳ ବାଧାପ୍ରାପ୍ତ ହୋଇଛି । ତେବେ ଲୋକଙ୍କ ବିରୋଧକୁ ନେଇ ନବରଂଗପୋଲିସ ପକ୍ଷରୁ କୌଣସି ପ୍ରତିକ୍ରିୟା  ଦିଆଯାଇ ନାହିଁ ।

ଯୌତୁକ ବିରୋଧରେ ଆଇନ  କଠୋର ହେଉଛି । ହେଲେ ଏବେ ବି କିଛି ରାକ୍ଷସ ଯୌତୁକ ଲାଗି ହତ୍ୟା ଘଟଇବାକୁ ପଛଉ ନାହାନ୍ତି । ସେପଟେ ଏଭଲି ଅଭିଯୁକ୍ତଙ୍କୁ ଉଚିତ ଶାସ୍ତି ଦେବା ଦିଗରେ ପୋଲିସର ନିଷ୍କ୍ରିୟତା  ଅଭିଯୋଗ ।

   Related Posts