Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଚଣ୍ଡୀଗଡ଼ ବିମାନବନ୍ଦରରୁ ଯୁବକଙ୍କ ଠାରୁ ମିଳିଲା ୩୨ ବୋର ପିସ୍ତଲର ଜୀବନ୍ତ ଗୁଳି

1/03/2019 at 7:03 PM

ଚଣ୍ଡୀଗଡ଼ ୧/୩ : ପୁଲବାମା ହମଲା ପରେ ଦେଶର ଅନେକ ସହରରେ ହାଇ ଆଲର୍ଟ ଜାରି କରାଯାଇଛି | ୨ ଦିନ ପୂର୍ବରୁ ଉତ୍ତର ଭାରତର ସମସ୍ତ ବିମାନବନ୍ଦରକୁ ବନ୍ଦ କରିଦିଆଯାଇଥିଲା | ୪୭ଟି ବିମାନସେବା ମଧ୍ୟ ରଦ୍ଦ କରିଦିଆଯାଇଥିଲା | ଚଣ୍ଡୀଗଡ଼ ଆନ୍ତର୍ଜାତିକ ବିମାନବନ୍ଦର ମଧ୍ୟ ଏଥିରେ ସାମିଲ ଥିଲା | କିନ୍ତୁ କିଛି ଘଣ୍ଟା ପରେ ପୁଣି ବିମାନ ଚଳାଚଳ ଆରମ୍ଭ ହୋଇଥିଲା | ଏବେ ମଧ୍ୟ ଅନେକ ବିମାନବନ୍ଦରରେ କଡା ସୁରକ୍ଷା ବ୍ୟବସ୍ଥା କରାଯାଇଛି | ଏଭଳି ପରିସ୍ଥିତିରେ ପଞ୍ଜାବ ପୋଲିସ ଚଣ୍ଡୀଗଡ଼ ବିମାନବନ୍ଦରରେ ଜଣେ ଯୁବକକୁ ଗିରଫ କରିଛି | ଯୁବକ ପାଖରେ ୩୨ ବୋର ପିସ୍ତଲର ଜୀବନ୍ତ ଗୁଳି ଜବତ କରିଛି ପୋଲିସ |

ଯୁବକ ଜଣକ ୩୨ ବର୍ଷ ବୟସ୍କ ଗୁର୍ଦାସପୁରର ଅମରିନ୍ଦର ସିଂ | ପଞ୍ଜାବ ପୋଲିସ ଅଭିଯୁକ୍ତ ଯୁବକ ବିରୋଧରେ ମାମଲା ରୁଜ୍ଜୁ କରିଛନ୍ତି | ପୋଲିସ ଅଭିଯୁକ୍ତକୁ ରିମାଣ୍ଡରେ ନେଇ ପଚରାଉଚୁରା କରୁଛି |

ପଞ୍ଜାବ ପୋଲିସ ହରସିମରଣ ସିଂ କହିଛନ୍ତି ଯେ, ଅଭିଯୁକ୍ତ ଯୁବକ ଅମରିନ୍ଦର ଗୁର୍ଦାସପୁରରୁ ମୋହାଲି ଆନ୍ତର୍ଜାତିକ ବିମାନବନ୍ଦରରେ ମୁମ୍ବାଇ ଯିବା ପାଇଁ ଆସିଥିଲା | ଅମରିନ୍ଦର ମୁମ୍ବାଇ ଯାଉଥିବା ବିମାନରେ ଟିକେଟ ବୁକିଂ କରିଥିଲା | ଯେତେବେଳେ ସେ ମେଟାଲ ଡ଼ିଟେକ୍ଟର ପାର କରିଥିଲା ସେତେବେଳେ ସିଗ୍ନାଲ ବାଜିଥିଲା | ଯେଉଁଥିରୁ ସ୍ପଷ୍ଟ ହୋଇଥିଲା ଯେ, ଯୁବକ ପାଖରେ କିଛି ଅଛି | ଡ୍ୟୁଟିରେ ଥିବା ପଞ୍ଜାବ ପୋଲିସ ଯୁବକର ତଲାସୀ ନେଇଥିଲେ | ଯୁବକ ପିନ୍ଧିଥିବା ସାର୍ଟର ପେଟ ମଝିରେ ଏକ ପକେଟରେ ଏକ ଗୁଳି ଥିଲା | ପୋଲିସ ଏନେଇ ଅଧିକାରୀଙ୍କୁ ସୂଚନା ଦେଇଥିଲା |

   Related Posts