ନୂଆଦିଲ୍ଲୀ ୧୩।୧୨: ଦେଶରେ କରୋନା ଭାଇରସର ସଂକ୍ରମଣ ସଂଖ୍ୟାରେ ସାମାନ୍ୟ ବୃଦ୍ଧି ପାଇଛି । ଗତ ୨୪ଘଣ୍ଟାରେ ଦେଶରେ ୩୦୨୫୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଶନିବାର ଦିନ ୩୦୦୦୬ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ଏହିପରି ଭାବରେ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୯୮ଲକ୍ଷ ପାର୍ ହୋଇଛି । ସେହିପରି ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୯୩ଲକ୍ଷ ପାର୍ ହୋଇଛି ।
କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଗତ ୨୪ଘଣ୍ଟାରେ ଦେଶରେ ୩୦୨୫୪ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୯୧ଜଣଙ୍କ ମୃତ୍ୟୁ ହୋଇଛି । ଯାହାକୁ ମିଶାଇ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୯୮,୫୭,୦୨୯ରେ ପହଞ୍ଚିଛି । ସେହିପରି ଦେଶରେ କରୋନାରେ ପ୍ରାଣ ହରାଇଥିବା ମୋଟ ଆକ୍ରାନ୍ତଙ୍କ ସଂଖ୍ୟା ୧.୪୩,୦୧୯ରେ ପହଞ୍ଚିଛି । ସେପଟେ ଗତ ୨୪ଘଣ୍ଟାରେ ଦେଶରେ ୩୩,୧୩୬ଜଣ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି । ଏବେ ଯାଏଁ ଦେଶରେ ମୋଟ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୯୩,୫୭,୪୬୪ରେ ପହଞ୍ଚିଛି ।
wp:html/wp:htmlWith 30,254 new #COVID19 infections, India's total cases rise to 98,57,029
— ANI (@ANI) December 13, 2020
With 391 new deaths, toll mounts to 1,43,019. Total active cases at 3,56,546
Total discharged cases at 93,57,464 with 33,136 new discharges in the last 24 hours. pic.twitter.com/syZHCrdFAT
ଦେଶରେ କରୋନାର ଆକ୍ଟିଭ୍ କେସ୍ ଲଗାତର ଭାବେ ୪ଲକ୍ଷ ତଳେ ରହିଛି । ବର୍ତ୍ତମାନ ଦେଶରେ କରୋନାର ଆକ୍ଟିଭ୍ କେସ୍ ୩,୫୬,୫୪୬ରେ ରହିଛି । ଦେଶରେ ଆକ୍ଟିଭ୍ କେସ୍ ଓ ସୁସ୍ଥ ହୋଇଥିବା ଆକ୍ରାନ୍ତଙ୍କ ମଧ୍ୟରେ ପାର୍ଥକ୍ୟ ଲଗାତର ଭାବେ ବୃଦ୍ଧି ପାଇବାରେ ଲଗିଛି । ତେବେ ଏହି ସବୁ ତଥ୍ୟରୁ ସଙ୍କେତ ମିଳୁଛି ଯେ, ଦେଶରେ କରୋନା ବିରୋଧରେ ଲଢେଇରେ ଭାରତ ଜିତୁଛି ।