Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

କରୋନା ଡରରେ ସ୍କୁଲ ବନ୍ଦ, ସାରା ବିଶ୍ଵରେ ୩୦୦ ନିୟୁତ ଛାତ୍ର-ଛାତ୍ରୀ ଘରେ ରହି ପଢୁଛନ୍ତି ପାଠ

5/03/2020 at 7:34 PM

ନୂଆଦିଲ୍ଲୀ ୦୫।୦୩- କରୋନା ଭୂତାଣୁ କାରଣରୁ ସମଗ୍ର ବିଶ୍ଵରେ ଏବେ ଆତଙ୍କର ମାହୋଲ। ଲୋକଙ୍କୁ ଘରେ ବନ୍ଦୀ  ହେବାକୁ ପଡୁଛି। ଗୁରୁବାର ସମଗ୍ର ଦୁନିଆର ପ୍ରାୟ ୩୦୦ ମିଲିୟନ ଛାତ୍ରଙ୍କୁ ଗୁରୁବାର ସ୍କୁଲ ନଯାଇ ଘରେ ରହିବାକୁ ପଡିଛି। ଏଥିରେ ଅଧିକାଂଶ ଛାତ୍ର ଇଟାଲୀର ହୋଇଥିବା ଜଣା ପଡିଛି। ମାରାତ୍ମକ କରୋନା କାରଣରୁ ବିଭିନ୍ନ ଦେଶରେ ସ୍କୁଲଗୁଡିକୁ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ଫଳରେ ପିଲାଙ୍କୁ ସ୍କୁଲ ନଯାଇ ଘରେ ରହିବାକୁ ପଡିଛି। ଏହା ସହିତ କରୋନାର ମୁକାବିଲା ପାଇଁ ଅନେକ ମହତ୍ଵପୂର୍ଣ୍ଣ ପଦକ୍ଷେପ ନେଉଛନ୍ତି।

ପାଖାପାଖି ୯୫୦୦୦ ଲୋକ କରୋନାରେ ସଂକ୍ରମିତ ହୋଇଥିବା ବେଳେ ୩୨୦୦ରୁ ଉର୍ଦ୍ଧ୍ଵ ଲୋକଙ୍କ ପ୍ରାଣହାନୀ ଘଟି ସାରିଛି। ଅଦ୍ୟାବଧି ବିଶ୍ଵର ୮୦ଟି ଦେଶକୁ କରୋନା ବ୍ୟାପିଲାଣି। ଚୀନରେ ସବୁଠୁ ଅଧିକ ଲୋକଙ୍କ ପ୍ରାଣହାନୀ ଘଟିଛି। ଗତ ବର୍ଷ ଏହି ଭୂତାଣୁ ଚୀନରୁ ଉତ୍ପନ ହୋଇ ପୂରା ବିଶ୍ଵକୁ ଏବେ କବଳିତ କରିବାରେ ଲାଗିଛି। ପୂରା ଚୀନ ସହର ଅସ୍ଥାୟୀ ଭାବେ ବନ୍ଦ ରହିଛି ଏବଂ ସ୍କୁଲ ଗୁଡିକୁ ଅନିଶ୍ଚିତକାଳ ପର୍ଯ୍ୟନ୍ତ ବନ୍ଦ ରଖାଯାଇଛି।

ଯେମିତି ଯେମିତି ଏହି ଭୂତାଣୁ ବ୍ୟାପିବାରେ ଲାଗିଛି, ସେହି ଅନୁସାରେ ଅନେକ ଦେଶ ସତର୍କତାମୂଳକ ପଦକ୍ଷେପ ଉଠାଇ ଚାଲିଛନ୍ତି। ବୁଧବାର ୟୁନେସ୍କୋ କହିଛି ଯେ, ବିଶ୍ଵରେ ୧୩ଟି ଦେଶ ସ୍କୁଲ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି। ଫଳରେ ୨୯୦.୫ ମିଲିୟନ ପିଲା ଏଥିରେ ପ୍ରଭାବିତ ହୋଇଛନ୍ତି। ସେମାନଙ୍କୁ ଘରେ ବନ୍ଦୀ ହେବାକୁ ପଡିଛି।

ଜାପାନର ପାଖାପାଖି ସମସ୍ତ ସ୍କୁଲକୁ ଏପ୍ରିଲ ପର୍ଯ୍ୟନ୍ତ ବନ୍ଦ ରଖିବାକୁ ପ୍ରଧାନମନ୍ତ୍ରୀ ସିଞ୍ଜୋ ଆବେ ନିର୍ଦ୍ଦେଶ ଦେଇଛନ୍ତି। ଚଳିତ ସପ୍ତାହରେ ଫ୍ରାନ୍ସରେ ୧୨୦ ସ୍କୁଲ  ବନ୍ଦ ରଖାଯାଇଛି।

   Related Posts