Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପୁରୀର ୩୦୦ ହୋଟେଲକୁ ଖିନଭିନ କରିଦେଇଛି ବାତ୍ୟା ଫୋନି, ହୋଟେଲ ଅବସ୍ଥା ଜାଣି ଆସୁନାହାନ୍ତି ବି ପର୍ଯ୍ୟଟକ

20/05/2019 at 3:28 PM

ପୁରୀ (ଚିତ୍ତରଂଜନ ମହାନ୍ତି)୨୦|୫: ବାତ୍ୟା ଉଜାଡ଼ିଦେଲା ପର୍ଯ୍ୟଟନ ଶିଳ୍ପର ମେରୁଦଣ୍ଡ । ପୁରୀ ବେଳାଭୂମିକୁ ଲାଗିଥିବା ଅନେକ ଆକର୍ଷଣୀୟ ହୋଟେଲକୁ ଖିନ୍ ଭିନ୍ କରିଦେଇଯାଇଛି ଫୋନି । ଏଯାଏଁ ବାଲି ସମାନ୍ତରାଳ ଛଡ଼ା ଅନ୍ୟ କିଛି କାମ ଆରମ୍ଭ ହୋଇନି । ଫଳରେ ଶ୍ରୀକ୍ଷେତ୍ରକୁ ଉଭୟ ଦେଶୀ ଏବଂ ବିଦେଶୀ ପର୍ଯ୍ୟଟକଙ୍କ ସଂଖ୍ୟା ହ୍ରାସ ପାଇଛି ।

ପୁରୀ । ଏଠି ସବୁବେଳେ ପର୍ଯ୍ୟଟକ ହାଉଜାଉ ହେଉଥାଆନ୍ତି । ହେଲେ ପ୍ରକୃତି ଏମିତି ଦାଉ ସାଧିଛି ଯେ ସବୁବେଳେ ଚଳଚଞ୍ଚଳ ଶ୍ରୀକ୍ଷେତ୍ର ଏବେ ଶ୍ରୀହୀନ । ପର୍ଯ୍ୟଟକଙ୍କୁ ନଜରରେ ରଖି ଏଠି ଗଢ଼ିଉଠିଛି ଅନେକ ହୋଟେଲ । ଚକ୍ରତୀର୍ଥ ବେଳାଭୂମି ଠାରୁ ଆରମ୍ଭ କରି  ସିପସରୁବାଲି ଯାଏଁ ବେଳାଭୂମି କଡ଼ରେ ରହିଛି ଅନେକ ତାରକା ହୋଟେଲ । ହେଲେ ବାତ୍ୟା ପରଠୁ ଏ ହୋଟେଲଗୁଡ଼ିକୁ ଚିହ୍ନି ହେଉନି ଆଉ ।

ହୋଟେଲର ସାଜସଜ୍ଜା ବୋଲି ଆଉ କିଛି ନାହିଁ । କାଚ ଝରକା,ଗ୍ଲାସ ୱାଲ ସବୁ ଯାଇଛି ।ବାଲିଚର ପାଲଟିଯାଇଛି ହୋଟେଲ ରାସ୍ତା । ରୁମ୍‌ ଗୁଡ଼ିକର ଟିଭି, ଏସି, ଫ୍ରିଜ୍ ସମେତ ବହୁ ଆସବାବପତ୍ର ନଷ୍ଟ ହୋଇଛି । ଆଲୋକାମାଳା, ୱାଟର ଫାଉଣ୍ଟେନ ହୋଟେଲର ସୌନ୍ଦର୍ଯ୍ୟକୁ ଦ୍ବିଗୁଣିତ କରୁଥିଲା । ହେଲେ ଏସବୁ ଏବେ ଭୂତ କୋଠି ପରି ଲାଗୁଛି ।

ପୁରୀରେ ୩୦୦ରୁ ଅଧିକ ହୋଟେଲ କ୍ଷତିଗ୍ରସ୍ତ ହୋଇଛି । ସ୍ଥିତି ସାମାନ୍ୟ ସୁଧୁରିଥିଲେ ବି ହୋଟେଲ ବନ୍ଦ ଯୋଗୁଁ ପର୍ଯ୍ୟଟକ ପୁରୀ ଆସୁନାହାଁନ୍ତି । ହୋଟେଲ ମାଲିକ ତ ଯାହା କ୍ଷତି ସହୁଛନ୍ତି । ଅଟୋ, ରିକ୍ସା, କାର୍ ଚଳାଚଳ ବି ଠପ୍ । ରେଷ୍ଟୁରାଣ୍ଟ ବେପାର ବି ନାହିଁ କହିଲେ ଚଳେ । ପର୍ଯ୍ୟଟନ ଶିଳ୍ପ କ୍ଷତିଗ୍ରସ୍ତ ହୋଇଥିବାରୁ ଋଣ ପରିଶୋଧ ଉପରେ ସ୍ଥଗିତାଦେଶ ପାଇଁ ହୋଟେଲ ସଂଘ ଦାବି କରିଛି ।

ଜେସିବି ଲଗାଇ ବେଳାଭୂମି ରାସ୍ତାକୁ ସମତୁଳ କରାଯାଉଛି । ତେବେ ପୁରୁଣା ସୌନ୍ଦର୍ଯ୍ୟ ପାଇବା ପାଇଁ ହୋଟେଲଗୁଡ଼ିକ ଅଧିକ ସମୟ ଲାଗିବ

   Related Posts