ବାଜପେୟୀଙ୍କ ଦଶାହରେ କଟକରେ ଲଣ୍ଡାହେଲେ ୩୦ କର୍ମୀ ଓ ନେତା
Published By : Prameya-News7 Bureau | August 25, 2018 IST
କଟକ୨୫|୮: କଟକ ବିଜେପି ଆଜି ଟିକେ ଭିନ୍ନ ଢଙ୍ଗରେ ପାଳନ କରିଛି ଅଟଳ ବିହାରୀ ବାଜପେୟୀଙ୍କ ଦଶାହ । କଟକ ନଗର ବିଜେପି ତରଫରୁ ଆଜି ବାଜପେୟୀଙ୍କ ଦଶାହରେ ମୁଣ୍ଡନ କାର୍ଯ୍ୟକ୍ରମ କରାଯାଇଥିଲା । ଯେଉଁଥିରେ ପ୍ରାୟ ୩୦ ଜଣ ବିଜେପି ନେତା ଓ କର୍ମୀ ଲଣ୍ଡା ହୋଇଥିଲ । ଏହା ସହ ମହାନଦୀ କୂଳରେ ଦଶାହ କର୍ମ କରାଯାଇ ବ୍ରହ୍ମଣ ଭୋଜନ ବ୍ୟବସ୍ଥା ମଧ୍ୟ କରାଯାଇଥିଲା । ଲଣ୍ଡା ହୋଇଥିବା ବିଜେପି ନେତାଙ୍କ କହିବା ଅନୁସାରେ ଏହାହିଁ ବାଜପେୟୀଙ୍କ ପ୍ରତି ସେମାନଙ୍କର ଶ୍ରଦ୍ଧାଞଳି । କଟକ ଟହଟା ଘାଟ ନିକଟରେ ଲଣ୍ଡା ହେଇଥିଲେ ବିଜେପି ନେତା ସମୀର ଦେ, ବରିଷ୍ଠ ବିଜେପି ନେତା ପ୍ରଦୀପ ସ୍ୱାଇଁ ଓ ଯୁବ କର୍ମୀ । କେବଳ ମୁଣ୍ଡନ କାର୍ଯ୍ୟକ୍ରମ ନୁହେଁ, ବିଜେପି କର୍ମୀ ମାନେ ଯେଭଳି ଦଶାହ କର୍ମକାଣ୍ଡ ହେବା କଥା ନଦୀରେ ସ୍ନାନ କରିବା ପରେ ସେହିଭଳି କର୍ମକାଣ୍ଡ ମଧ୍ୟ କରିଥିଲେ । ପରେ ବ୍ରାହ୍ଣଣ ଭୋଜନର ଆୟୋଜନ ମଧ୍ୟ କରାଯାଇଥିଲା । ବିଜେପି ନେତା କହିଛନ୍ତି ବାଜପେୟୀଙ୍କ ନୀତି ଆଦର୍ଶରେ ଏହି ନେତା ଓ କର୍ମୀ ମାନେ ସେତିକି ପରିମାଣରେ ଆନୁପ୍ରାଣିତ ହେଇଛନ୍ତି, ଯାହା ଫଳରେ ତାଙ୍କୁ ନିଜ ପରିବାରର ସଦସ୍ୟ ଭାବେ ଗଣି ତାଙ୍କ ପାଇଁ ଦଶାହ କର୍ମ ରେ ଭାଗ ନେଇଛନ୍ତି….