Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ସାନ ଭଉଣୀ ସାମ୍ନାରେ ବଡ ଭଉଣୀକୁ ଟେକିନେବା ପାଇଁ ଉଦ୍ୟମ କରିଥିଲେ ୩ ଯୁବକ : ସାନ ପାଇଁ ବଂଚିଗଲା ବଡର ଜୀବନ

13/04/2019 at 1:43 PM

ମଥୁରା ୧୩/୪ : ୨ ଭଉଣୀ ଅବସର ସମୟ ବିତାଇବା ପାଇଁ ଘରୁ ବାହାରକୁ ବୁଲିବାକୁ ଯାଇଥିଲେ | ଏତିକିବେଳେ ତାଙ୍କ ସହ ଯାହା ଘଟିଥିଲା ଏକ ଘଟଣା | ତେବେ ୨ ଭଉଣୀ ଅଳ୍ପକେ ବର୍ତ୍ତୀ ଯାଇଥିଲେ | ସାନ ଭଉଣୀ ସାମ୍ନାରେ ବଡ ଭଉଣୀକୁ ୩ଜଣ ଯୁବକ ଉଠାଇ ନେବା ପାଇଁ ଉଦ୍ୟମ କରୁଥିଲେ | ଏହା ଦେଖି ସାନ ଭଉଣୀ ପାଟିକରିଥିଲେ | ଯାହାଫଳରେ ଯୁବକମାନେ ଡରିଯାଇ ସେଠାରୁ ପଳାଇଥିଲେ | ଘଟଣା ଉତ୍ତର ପ୍ରଦେଶ ମଥୁରା ଅଂଚଳରେ ଗୁରୁବାର ଦିନ ଘଟିଥିଲା |


ସୂଚନାଯୋଗ୍ୟ ଯେ, ମଥୁରା ଅନ୍ତର୍ଗତ ଯହରଖାନା ଅଂଚଳରେ ରହୁଥିବା ୨ ଭଉଣୀ ଗୁରୁବାର ଦିନ ସକାଳ ୫ଟାରେ ଘରୁ ବାହାରି ମର୍ନିଙ୍ଗ ୱାକ କରୁଥିଲେ | ୨ ଭଉଣୀ ମଜା କରି କରି ଚଳୁଥିଲେ | ଚାଲୁ ଚାଲୁ ବଡ ଭଉଣୀ ଟିକିଏ ଆଗକୁ ଚାଲିଯାଇଥିଲେ ଏବଂ ସାନ ଭଉଣୀ ପଛରେ ରହିଯାଇଥିଲେ | ସେତେବେଳେ ସାନ ଭଉଣୀ ଦେଖିବାକୁ ପାଇଥିଲେ ଯେ ତାଙ୍କ ବଡ ଭଉଣୀଙ୍କୁ କିଛି ଯୁବକ ଟେକି ନେଇଯାଉଛନ୍ତି | ଏହାଦେଖି ସାନ ଭଉଣୀ ଡରିଯାଇ ଚିଲ୍ଲାଇଥିଲେ |

ଶିଶୁର ପାଟି ଶୁଣି ଆଖପାଖରେ ଥିବା ଲୋକେ ଦୌଡ଼ି ଆସିଥିଲେ | ଲୋକେ ଆସି ଶିଶୁକୁ ପଚାରିଥିଲେ ସେ କାହିଁକି ପାଟି କରିଥିଲା | ସେତେବେଳେ ସାନ ଭଉଣୀ କାନ୍ଦି କାନ୍ଦି ଲୋକଙ୍କୁ କହିଥିଲା ଯେ, ତା’ବଡ ଭଉଣୀକୁ କିଛି ଯୁବକ ଟେକି ନେଇଯାଉଛନ୍ତି | ଯେଉଁ ୩ ଜଣ ଯୁବକ ଭଡା ଭଉଣୀକୁ ଟେକି ନେଉଥିଲେ ସେମାନେ ଦୂରରେ ଥାଇ ସମସ୍ତ ଘଟଣା ଦେଖୁଥିଲେ | ଯେତେବେଳେ ସେଠାରେ ଭିଡ ରୁଣ୍ଡ ହୋଇଥିବା ଦେଖିଲେ ସେମାନେ ବଡ ଭଉଣୀକୁ ସେଠାରେ ଛାଡି ଚାଲିଯାଇଥିଲେ | ଲୋକେ ଦୌଡ଼ି ଆସି ଦେଖିଲେ ବଡ ଭଉଣୀ ଚେତାଶୂନ୍ୟ ଅବସ୍ଥାରେ ତଳେ ପଡିଛି | ଲୋକେ ତାଙ୍କୁ ନେଇ ହସ୍ପିଟାଲରେ ଭର୍ତ୍ତି କରିଥିଲେ | ଏହାପରେ ୨ ଭଉଣୀଙ୍କ ଘରଲୋକଙ୍କୁ ଖବର ଦେଇଥିଲେ | ଖବରପାଇ ସେମାନଙ୍କ ଘରଲୋକ ହସ୍ପିଟାଲରେ ପହଂଚିଥିଲେ |

୬ଘଣ୍ଟା ପରେ ବଡ ଭଉଣୀର ଚେତା ଫେରିଥିଲା | ତେବେ ଯୁବତୀଙ୍କୁ କିଛି ଶୁଙ୍ଘାଇ ଚେତାଶୂନ୍ୟ କରାଯାଇଥିଲା ବୋଲି ଅନୁମାନ କରାଯାଇଛି | ହୋସ ଆସିବା ପରେ ପୋଲିସ ଯୁବତୀଙ୍କୁ ସମସ୍ତ ଘଟଣା ସମ୍ପର୍କରେ ପଚରାଉଚୁରା କରିଥିଲା | ୩ ଯୁବକଙ୍କ ମଧ୍ୟରୁ ଜଣେ ଯୁବକକୁ ଯୁବତୀ ଚିହ୍ନିଥିବା ପୋଲିସକୁ କହିଥିଲେ | ଅଭିଯୁକ୍ତ ଯୁବକର ନାଁ ଅଭିଷେକ ବୋଲି ସେ କହିଥିଲେ | ତେବେ ଅଭିଯୁକ୍ତ ବାବଦରେ ଜାଣିବାପରେ ମଧ୍ୟ ପୋଲିସ ଅଭିଯୁକ୍ତ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା | ଯାହାଫଳରେ ଯୁବତୀଙ୍କ ପରିବାର ଲୋକେ ଉତ୍ତେଜିତ ହୋଇଯାଇଥିଲେ |

ତେବେ ସବୁ ଘଟଣା ଜାଣିବାପରେ ମଧ୍ୟ ପୋଲିସ କାହିଁକି ଅଭିଯୁକ୍ତ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କଲାନାହିଁ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି | ପୋଲିସ କହିବାନୁଯାୟୀ, ଯୁବତୀଙ୍କୁ ଟେକି ନେବା ଘଟଣା ଘଟିନାହିଁ | ଯୁବକ ଏବଂ ଯୁବତୀ ମଧ୍ୟରେ ମାରପିଟ ହୋଇଥିଲା | ସେଥିପାଇଁ ଘଟଣାରେ ଆପୋଷ ବୁଝାମଣା କରିଦେବା ଠିକ ବୋଲି ପୋଲିସ କହିଥିଲା |

   Related Posts