Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ମହିଳା ଆଇନଜୀବିଙ୍କ ପାଇଁ ଏମାନେ ଆଦର୍ଶ: ଏହି ତିନି ମହିଳା ଓକିଲ ଚାହାନ୍ତି ତାଙ୍କ ରାସ୍ତାରେ ଆସନ୍ତୁ ଅଧିକରୁ ଅଧିକ ଭାରତୀୟ ମହିଳା

7/10/2020 at 2:44 PM

ନୂଆଦିଲ୍ଲୀ ୦୭/୧୦: ନାରୀ ଏବେ ପ୍ରତି କ୍ଷେତ୍ରରେ ଆଗୁଆ। ରାଜନୀତି ଠାରୁ ଆରମ୍ଭ କରି କର୍ପୋରେଟ୍ କ୍ଷେତ୍ରରେ ମହିଳାଙ୍କ ରାଜୁତି ଥିବା ବେଳେ କୋର୍ଟରେ ରହିଛି ଏମାନଙ୍କ ଅଭାବବୋଧ । ଏହାରି ଭିତରେ ଭାରତର ଆଇନଗତ ବୃତିରେ ପରିବର୍ତନ ଆଣିଛନ୍ତି ଶାଲି ଭାସିନ, ରୁବି ଆହୁଜା ଓ ମିଶା।  ମହିଳା ଆଇନଜୀବିଙ୍କ ପାଇଁ ଏମାନେ ପାଲଟିଛନ୍ତି ଆଦର୍ଶ।

ଗତବର୍ଷ ଭାରତର ସବୁଠୁ ବଡ଼ ଦେବାଳିଆ ମାମଲା ସମାଧାନ କରିଥିଲେ ତିନିଜଣ ମହିଳା ଓକିଲ। ସେମାନେ ସେମାନଙ୍କ ଉଚ୍ଚବୃତ୍ତିଗତ ସ୍ଥିତିକୁ ଏକ ଭିନ୍ନ ମୋଡ ଦେଇ ସମସ୍ୟା ସମାଧାନ ଦିଗରେ ବ୍ୟବହାର କଲେ। ତେବେ ବାରରେ ପର୍ଯ୍ୟାପ୍ତ ମହିଳା ନ ଥିବା ସେମାନେ କହିଛନ୍ତି।

ଗତବର୍ଷ ଏସାର ଷ୍ଟିଲ ଇଣ୍ଡିଆ ଲିମିଟେଡ ଓ ଆର୍ସେଲର ମିତ୍ତଲ ମଧ୍ୟରେ ଦୀର୍ଘଦିନ ଧରି ଚାଲିଥିବା ଆଇନଗତ ବିବାଦ, ଋଣ ପରିମାଣ ଓ ପୁରନରୁଦ୍ଧାର ହେତୁ ଭାରତର ସର୍ବବୃହତ ଦେବାଳିଆ ମାମଲା ଥିଲା ୫.୬ ବିଲିଅନ ଡଲାର। ଋଣଦାତାମାନଙ୍କ ପାଇଁ କାମ କରୁଥିଲେ ମିଶା। ରୁବି ଆହୁଜା ଦେବାଳିଆ ଷ୍ଟିଲ ମିଲ ହାସଲ କରିବା ପାଇଁ ଆର୍ସେଲର ମିତ୍ତଲଙ୍କୁ ଡ୍ରାଇଭ କରିଥିଲେ ଏବଂ ଶାଲି ଭାସିନ୍ ଏସାରଷ୍ଟିଲକୁ ଦେୟ ମାଗୁଥିବା କିଛି ବିକ୍ରେତା ଓ ଋଣଦାତାଙ୍କୁ ପ୍ରତିନିଧ୍ବିତ୍ବ କରିଥିଲେ।

ତେବେ ବିଶ୍ବର ଦ୍ବିତୀୟ ବୃହତ୍ତମ ଇସ୍ପାତ ବଜାରରେ ପ୍ରବେଶ କରିବାକୁ ଟାଇକନ ଲକ୍ଷ୍ମୀ ମିତ୍ତଲଙ୍କ ଦୀର୍ଘ ପ୍ରତୀକ୍ଷା ଶେଷ ହୋଇଛି। ଭବିଷ୍ୟତର ମାମଲା ପାଇଁ ଆର୍ଥିକ ଓ କାର୍ଯ୍ୟକ୍ରମ ଋଣଦାତାଙ୍କ ମଧ୍ୟରେ ପୁନରୁଦ୍ଧାର ଅର୍ଥ ବଣ୍ଟନ ସର୍ତାବଳୀ ସ୍ଥିର କରିବାକୁ ଏହା ଆଇନଗତ ବ୍ୟାଙ୍କ ସହିତ ଭାରତୀୟ ବ୍ୟାଙ୍କ ଗୁଡ଼ିକୁ କ୍ଷମତା ପ୍ରଦାନ କରିଛି ।

ଏହି ତିନିଜଣ ମହିଳା ଦେଶର ଆଇନଗତ ଦୃଶ୍ୟପଟ୍ଟର ପରିବର୍ତନ ଦିଗରେ ପ୍ରତିନିଧ୍ବତ୍ବ କରୁଛନ୍ତି। ମାତ୍ର ଏଥିରେ ଅନେକ କିଛି ପରିବର୍ତନ ବାକି ଥିବା ସେମାନେ କହିଛନ୍ତି। ଭାରତରେ ମହିଳାଙ୍କୁ ପଲିଟିକାଲ ଅଫିସରେ ଯେମିତି ପ୍ରଧାନମନ୍ତ୍ରୀ ତଥା ​‌ରାଷ୍ଟ୍ରପତି ଭାବେ ଦେଖାଯାଇଛି। ଏହା ସହ ଟପ୍ କର୍ପୋରେଟ୍ ଚାକିରିରେ ବି ମଧ୍ୟ। କିନ୍ତୁ ଭାରତରେ ୧୦ ପ୍ରତିଶତ ମହିଳା କେବଳ ଓକିଲ। ସେମାନଙ୍କ ମଧ୍ୟରୁ ହାଇପ୍ରୋଫାଇଲ ମହିଳା ଦିଲ୍ଲୀ ତଥା ମୁମ୍ବାଇରେ ଅଭ୍ୟାସ କରୁଛନ୍ତି। ତେବେ ସେହି ଅଳ୍ପ ସଂଖ୍ୟକ ମହିଳାଙ୍କ ଯୋଗୁ ନ୍ୟାୟପାଳିକାରେ ଅଭାବବୋଧ ସୃଷ୍ଟି ହୋଇଛି।

ମହିଳା ହିଁ ଭିନ୍ନ ପ୍ରକାର ଓ୍ବାକିଂ ଷ୍ଟାଇଲ ଓ ଲିଡରସିପ୍ ସ୍କିଲ ଆଣିଥାନ୍ତି। ଯଦି ମହିଳାମାନେ ଭଲ କାମ କରୁଛନ୍ତି ତେବେ ସେମାନେ ସେଠାରେ କାହିଁକି ନ ରହିବେ। ସେଠାରେ ବି ସେମାନଙ୍କ ଛବି ତଥା କାର୍ଯ୍ୟ ପ୍ରତିଫଳିତ ହେବା ଦରକାର କହିଛନ୍ତି ମିଶା।

୧୯୨୧ରେ ଯେତେବେଳେ ପ୍ରଥମେ ମହିଳା ଓକିଲଙ୍କୁ ପ୍ରାକ୍ଟିସ ପାଇଁ ଅନୁମତି ଦିଆଗଲା। ସେତେବେଳେ ମହିଳାମାନେ କଲୋନିଆଲ ଯୁଗର ଆଇନରେ ବ୍ୟାଖ୍ୟା କରାଯାଇଥିବା ‘ବ୍ୟକ୍ତି’ ଶବ୍ଦରେ ଫିଟ୍ ହୋଇ ନ ଥିଲେ। ଏହା କେବଳ ୧୯୮୯ ରେ ହେଲା ଅର୍ଥାତ୍ ସ୍ବାଧୀନତାର ୪୨ ବର୍ଷ ପରେ ମହିଳାମାନେ ଭାରତର କୋର୍ଟରେ ଓକିଲ ହେଲେ। ୨୦୦୯ରେ ଜଣେ ମହିଳା କେନ୍ଦ୍ର ସରକାରଙ୍କ କୋର୍ଟରେ ପ୍ରତିନିଧିତ୍ବ କରିଥିଲେ।

୨୦୦୫ରେ ଲ’ ସ୍କୁଲରୁ ମିଶା ସ୍ନାତକୋତ୍ତର କରିବା ପରେ ତାଙ୍କୁ କୁହାଯାଇଥିଲା ଦିଳ୍ଲୀ କୋର୍ଟ ପାଇଁ ସେ ଫିଟ୍ ନୁହନ୍ତି। ଏବେ କିନ୍ତୁ ସେ ବଡ଼ ବଡ଼ କମ୍ପାନି କେସ୍ ସମ୍ମାଳୁଛନ୍ତି। ଏପରିକି ଆହୁଜାଙ୍କ ମଧ୍ୟ ତାଙ୍କ ଜେଣ୍ଡର ପାଇଁ ଫିଟ୍ ନଥିବା କୁହା ଯାଇଥିଲା। ମହିଳାଙ୍କୁ ଫ୍ୟାମିଲି ଲ’ ପ୍ରତି ପ୍ରୋତ୍ସାହିତ କରିବା ଦରକାର। ଆହୁଜା କହନ୍ତି ଟାକ୍ସ ଲ’ ଏବେ ବି ପୁରୁଷ କୈନ୍ଦ୍ରିକ।

   Related Posts