ବଲାଙ୍ଗୀର, ୨୮|୦୭:  ବଲାଙ୍ଗୀର ଜିଲ୍ଲା ସଦର ଥାନା ବଡ଼ତେଲେନ ପାଳିରେ ବଜ୍ରାଘାତ ହୋଇଛି । ଏଥିରେ ୩ଜଣ ମହିଳା ପ୍ରାଣ ହରାଇଛନ୍ତି ।  ଏହାସହ ଅନ୍ୟ ଜଣେ ଗୁରୁତର ହୋଇଛନ୍ତି ।

ସୂଚନାନୁସାରେ, ତିନି ଜଣ ମହିଳା କ୍ଷେତରେ ତଳି ରୋପଣ କରୁଥିଲେ । ସେହି ସମୟରେ ହଠାତ ବଜ୍ରପାତ ହୋଇଥିଲା । ଏଥିରେ ୩ ମହିଳା ଗୁରୁତର ହୋଇଥିଲେ । ପରେ ସେମାନେ ମୃତ୍ୟୁ ମୁଖରେ ପଡିଥିଲେ । ମୃତକ  ହେଲେ ବିଲାସିନୀ ରାଉତ, ଜୋସବନ୍ତି ଶବର ଓ ପ୍ରେମଦିନି ଧାରୁଆ। ଅନ୍ୟ ଜଣେ ଗୁରୁତର ସୀମା ଧାରୁଆଙ୍କୁ ଭୀମ ଭୋଇ ମେଡିକାଲରେ ଭର୍ତ୍ତି କରାଯାଇଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।