Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜଗତସିଂହପୁରର ବଜ୍ରପାତ ଯୋଗୁଁ ତିନିଜଣ ଛାତ୍ରଛାତ୍ରୀ ଅସୁସ୍ଥ

11/08/2018 at 10:40 AM

ଜଗତସିଂହପୁର ୧୧|୮-ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକର ରେଢୁଆ କଲେଜରେ ଆଜି ଘଟିଛି ଅଘଟଣ । ବଜ୍ରପାତ ଘଟି ଏହି କଲେଜର ଦୁଇ ଜଣ +2 ଛାତ୍ରୀ ଓ ଜଣେ+3 ଛାତ୍ର ଗୁରୁତର ଆହତ ହୋଇଛନ୍ତି । ଆହତ ମାନଙ୍କୁ ଜଗତସିଂହପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତମାନେ ହେଲେ ଅପନ୍ନା ସାହୁ, ଚନ୍ଦନା ସାହୁ ଓ ନିହାର ରଞ୍ଜନ ବାରିକ । ଏମାନେ କଲେଜ କମନ ରୁମ୍ବାରଣ୍ଡାରେ ଛିଡା ହୋଇ ଥିବା ବେଳେ ବଜ୍ରପାତ ଘଟିଥିଲା । ଫଳରେ ଏହାର ପ୍ରଭାବରେ ଏହି ଛାତ୍ର ଛାତ୍ରୀମାନେ ଆହତ ହୋଇ ତଳେ ପଡି ଯାଇଥିଲେ । ବଜ୍ରପାତ ପ୍ରଭାବରେ ଛାତ୍ର ନିହାର ରଞ୍ଜନ ବାରିକଙ୍କ ର ଏକ ମୋବାଇଲ ଫୋନ ଫାଟି ଯାଇ ଥିବାର ଜଣା ଯାଇଛି । ଚିକିତ୍ସା ପରେ ଆହତ ଛାତ୍ରଛାତ୍ରୀ ସୁସ୍ଥ ଥିବା ଜଣାପଡିଛି ।

   Related Posts