Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ସଚିନ୍ ପାଇଲଟ୍‌ଙ୍କୁ ଆଶ୍ବସ୍ତି : ସମର୍ଥନରେ ଗୁଜ୍ଜର ସମ୍ପ୍ରଦାୟ, ଏକଜୁଟ୍ ହେଲେ ୩ ରାଜ୍ୟ

20/07/2020 at 6:19 PM

ଜୟପୁର ୨୦/୦୭ : ରାଜସ୍ଥାନରେ ଅଶୋକ ଗେହଲତ ଓ ସଚିନ ପାଇଲଟଙ୍କ ମଧ୍ୟରେ ଲଢେଇ ଥମିବାର ନାଁ ନେଉନାହିଁ | ଉଭୟଙ୍କ ମଧ୍ୟରେ ରାଜନୈତିକ ଉଠବସ ଜାରି ରହିଛି | ସଚିନ ପାଇଲଟଙ୍କ ପାଇଁ ଏକ ଭଲ ଖବର ମଧ୍ୟ ରହିଛି | ଗୁଜ୍ଜର ସମ୍ପ୍ରଦାୟ ସଚିନ ପାଇଲଟଙ୍କୁ ସମର୍ଥନ କରୁଛନ୍ତି | ସଚିନ ପାଇଲଟଙ୍କ ସମର୍ଥନରେ ହରିୟାଣା ଗୁରୁଃଗ୍ରାମରେ ଏକ ପଂଚାୟତ ଆୟୋଜନ କରାଯିବ ଯେଉଁଥିରେ ଅନେକ ରାଜ୍ୟର ଗୁଜ୍ଜର ସମ୍ପ୍ରଦାୟ ଲୋକ ସାମିଲ ହେବେ | 

ସୂଚନାଯୋଗ୍ୟ ଯେ ଏହି ପଞ୍ଚାୟତ ଜୁଲାଇ ୨୬ ତାରିଖରେ ଗୁରୁଃଗ୍ରାମ ରିଠୋଜ ଗାଁରେ ବସିବ | ଏହି ପଞ୍ଚାୟତରେ ସଚିନ ପାଇଲଟଙ୍କ ସମର୍ଥନୀରେ ରାଜସ୍ଥାନ, ହରିୟାଣା, ଉତ୍ତର ପ୍ରଦେଶର ଗୁଜ୍ଜର ସମ୍ପ୍ରଦାୟ ଲୋକ ସାମିଲ ହେବେ | ଗୁଜ୍ଜର ସମ୍ପ୍ରଦାୟରେ ସଚିନ ପାଇଲଟଙ୍କ ଖୁବ ପ୍ରଭାବ ରହିଛି | ତାଙ୍କ ପିତା ରାଜେଶ ପାଇଲଟ ମଧ୍ୟ ଜଣେ ମହାନ ଗୁଜ୍ଜର ନେତା ଥିଲେ | ସେଥିପାଇଁ ବର୍ତ୍ତମାନ ରାଜ୍ୟରେ ରାଜନୈତିକ ସଙ୍କଟ ମଧ୍ୟରେ ସଚିନଙ୍କୁ ଦଳରୁ ଅଲଗା କରିଦେଇଥିବାବେଳେ ଗୁଜ୍ଜର ସମ୍ପ୍ରଦାୟ ସଚିନଙ୍କ ସମର୍ଥନରେ ଛିଡା ହୋଇଛି | 

କରୋନା ସଙ୍କଟ ମଧ୍ୟରେ କ୍ରାଉଡଫଣ୍ଡିଙ୍ଗ ନିୟମ ଏବେ ମଧ୍ୟ ଲାଗୁ ରହିଛି | ଏହିଭଳି ପରିସ୍ଥିତିରେ ଏହି ପଞ୍ଚାୟତ ପାଇଁ କେତେ ଲୋକ ସାମିଲ ହେବେ ଓ ଅନୁମତି କେମିତି ମିଳିବ ତା ଉପରେ ସମସ୍ତଙ୍କ ନଜର ରହିଛି |

ସୂଚନାଯୋଗ୍ୟ ଯେ, ଯେତେବେଳେ କଂଗ୍ରେସ ସଚିନ ପାଇଲଟଙ୍କୁ ଉପ ମୁଖ୍ୟମନ୍ତ୍ରୀ ଓ ପ୍ରଦେଶ କଂଗ୍ରେସ ଅଧ୍ୟକ୍ଷ ପଦବୀରୁ ହଟାଇ ଦେଇଥିଲା ସେତେବେଳେ ରାଜସ୍ଥାନ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା | କାରଣ ୨୦୧୮ ମସିହାରେ ଯେତେବେଳେ ସଚିନଙ୍କ ଜାଗାରେ ଅଶୋକ ଗେହଲତ ମୁଖ୍ୟମନ୍ତ୍ରୀ ହୋଇଥିଲେ, ସେତେବେଳେ ସଚିନଙ୍କ ସମର୍ଥକ ରାଜ୍ୟର ବିଭିନ୍ନ ସ୍ଥାନରେ ବିରୋଧ ପ୍ରଦର୍ଶନ କରିଥିଲେ | ସେଥିପାଇଁ ବର୍ତ୍ତମାନ ସରକାର ଆଲର୍ଟ ଅଛନ୍ତି |

ଉଭୟ ନେତା ରାଜସ୍ଥାନର ବିଭିନ୍ନ ସମ୍ପ୍ରଦାୟରୁ ଆସିଛନ୍ତି | କେହି କାହାକୁ କମ ନୁହନ୍ତି | ଏହିଭଳି ପରିସ୍ଥିତିରେ ଉଭୟ ନେତାଙ୍କ ମଧ୍ୟରେ ଚାଲିଥିବା ଯୁଦ୍ଧ ସ୍ପଷ୍ଟ ଦେଖାଯାଉଛି | ବର୍ତ୍ତମାନ ବିଭିନ୍ନ ମୋର୍ଚ୍ଚାରେ ଏହି ଲଢେଇ ଜାରି ରହିଛି | ଗୋଟିଏପଟେ ଦଳ ଅଦାଲତଙ୍କ ଦ୍ୱାରସ୍ଥ ହୋଇଥିବାବେଳେ ଅନ୍ୟପଟେ ରାଜନୈତିକ ଵିଶ୍ଵାସଘାତ ଜାରି ରହିଛି | ଜନତାଙ୍କ ସମର୍ଥନ ମଧ୍ୟ ଖୋଲାଖୋଲି ନିଆଯାଉଛି |

   Related Posts