Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଦୋକାନକୁ ଆସି ହାତ ସାନିଟାଇଜ୍ କଲେ, ବନ୍ଧୁକ ଦେଖାଇ ଲୁଟି ନେଲେ ୪୦ ଲକ୍ଷ ଟଙ୍କାର ଗହଣା, ଭିଡିଓ ଭାଇରାଲ୍

12/09/2020 at 1:39 PM

ଅଲିଗଡ଼ ୧୨/୦୯ : ଉତ୍ତର ପ୍ରଦେଶରେ କରୋନା ସଂକ୍ରମଣ ରୋକିବାକୁ ଯୋଗୀ ଆଦିତ୍ୟନାଥ ସରକାର ମାସ୍କ ଓ ସାନିଟାଇଜର ସବୁବେଳେ ପାଖରେ ରଖିବାକୁ ଅପିଲ କରିଛନ୍ତି । ଇତି ମଧ୍ୟରେ ଅଲିଗଡ଼ରେ ଏକ ଚାଞ୍ଚଲ୍ୟକର ଘଟଣା ଘଟିଛି । ଶୁକ୍ରବାର ଦିନ ଅଲିଗଡ଼ ବନ୍ନଦେବୀ ଅଞ୍ଚଳରେ ଥିବା ଏକ ଗହଣା ଦୋକାନକୁ କିଛି ଯୁବକ ଯାଇଥିଲେ । ଦୋକାନର ଜଣେ କର୍ମଚାରୀ ଯୁବକଙ୍କୁ ହାତ ସଫା କରିବାକୁ ସାନିଟାଇଜର ଦେଇଥିଲେ । ଯୁବକମାନେ ସାନିଟାଇଜରରେ ହାତ ସଫା କଲେ ଓ ବନ୍ଧୁକ ବାହାର କରି ଦୋକାନରୁ ପାଖାପାଖି ୪୦ ଲକ୍ଷ ଟଙ୍କାର ଗହଣା ଓ ନଗଦ ଲୁଟି ନେଇଥିଲେ । ଦୋକାନରେ ସେତେବେଳେ କିଛି ଗ୍ରାହକ ମଧ୍ୟ ଉପସ୍ଥିତ ଥିଲେ । ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି ।

ଘଟଣା ପରେ ଦୁର୍ବୁତ୍ତ ସେଠାରୁ ଫେରାର ହୋଇଯାଇଥିଲେ । ସୂଚନା ପାଇ ଆଇଜିଙ୍କ ସମେତ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ପୋଲିସ ସିସିଟିଭି ଫୁଟେଜ ଆଧାରରେ ଖୁବ ଶୀଘ୍ର ଦୁର୍ବୁତ୍ତଙ୍କୁ ଗିରଫ କରିବ ବୋଲି କହିଛି । 

ସୂଚନାଯୋଗ୍ୟ ଯେ, ଅଲିଗଡ଼ ବନଦେବୀ ଅଞ୍ଚଳରେ ସୁନ୍ଦର ଜ୍ୱେଲର୍ସ ନାମକ ଏକ ଦୋକାନ ଅଛି । ଶୁକ୍ରବାର ଦିନ ଏକ ବାଇକରେ ୩ ଦୁର୍ବୁତ୍ତ ଆସି ବନ୍ଧୁକ ମୁନରେ ଦୋକାନରୁ ପାଖାପାଖି ୪୦ ଲକ୍ଷ ଟଙ୍କାର ଗହଣା ଓ ନଗଦ ୫୦ ହଜାର ଟଙ୍କା ଲୁଟି ନେଇଛନ୍ତି । ଏହାପରେ ସେମାନେ ସେଠାରୁ ଫେରାର ହୋଇଯାଇଥିଲେ । ଲୁଟ ସମୟରେ ବ୍ୟବସାୟୀଙ୍କ ପୁଅ ଓ କିଛି ସହଯୋଗୀ ଉପସ୍ଥିତ ଥିଲେ ।

ଅଲିଗଡ଼ ଏସଏସପି କହିଛନ୍ତି ଯେ, ଖୁବ ଶୀଘ୍ର ଦୁର୍ବୁତ୍ତଙ୍କୁ କାବୁ କରାଯିବ । ଏଥିପାଇଁ ଟିମ ଗଠନ କରାଯାଇଛି । ଖୁବ ଶୀଘ୍ର ମାମଲାର ଖୁଲାସା ହେବ ବୋଲି ସେ କହିଛନ୍ତି ।

   Related Posts