Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

କରୋନାର ଔଷଧ ଖୋଜି ରାତାରାତି କୋଟିପତି ହେଲେ ୩ଜଣ ପ୍ରଫେସର୍

28/07/2020 at 12:35 PM

ଲଣ୍ଡନ ୨୮/୭: ବ୍ରିଟେନର ୩ଟି ବିଶ୍ବବିଦ୍ୟାଳୟର ପ୍ରଫେସର କରୋନାର ଏକ ଔଷଧ ଖୋଜି ରାତାରାତି କୋଟିପତି ହୋଇଯାଇଛନ୍ତି। ପ୍ରଫେସର ରଟକୋ ଜୁକାନୋଭିକ୍,ଷ୍ଟିଫନ ହୋଲଗେଟ୍ ଏବଂ ଡୋନ୍ନା ଡେଭିସଙ୍କ କମ୍ପାନୀ ସିନେରଜେନର ସେୟାର ମୂଲ୍ୟରେ ଗୋଟିଏ ରାତିରେ ବଡ଼ ଧରଣର ପରିବର୍ତ୍ତନ ହୋଇଛି। ଏବେ ସୁଦ୍ଧା ସେୟାରର ମୂଲ୍ୟ ୩ହଜାର ପ୍ରତିଶତ ବଢ଼ି ସାରିଛି। ଏହି କମ୍ପାନୀ କରୋନା ଭାଇରସର ଗୋଟିଏ ଔଷଧର ଟ୍ରାୟଲ କରିଥିଲେ। ଟ୍ରାୟଲରୁ ଜଣା ପଡ଼ିଥିଲା ଯେ ଯେଉଁ ରୋଗୀଙ୍କୁ ଔଷଧ ଦିଆଯାଇଥିଲା,ସେମାନଙ୍କ ମଧ୍ୟରୁ ୭୯ପ୍ରତିଶତ ରୋଗୀଙ୍କ ଗୁରୁତର ଭାବେ ରୋଗରେ ପଡ଼ିବା ସମ୍ଭାବନା କମିଯାଇଛି। ବ୍ରିଟେନର ସାଉଥାମ୍ପଟନ୍ ୟୁନିଭର୍ସିଟିର ମେଡିସିନ୍ ସ୍କୁଲର ୩ଜଣ ପ୍ରଫେସର ପାଖାପାଖି ୨୦ବର୍ଷ ତଳେ ଏହା ଆବିଷ୍କାର କରିଥିଲେ।

ସେମାନେ ପତ୍ତା ଲଗାଇଥିଲେ ଯେ ଶ୍ବାସ ରୋଗୀ ଏବଂ ଦୀର୍ଘସ୍ଥାୟୀ ରୋଗୀଙ୍କ ମଧ୍ୟରେ ଇଣ୍ଟରଫ୍ରିଓନ୍ ବିଟା ନାମକ ପ୍ରୋଟିନର ଅଭାବ ହୋଇଥାଏ। ଏହି ପ୍ରୋଟିନ୍ ସାମାନ୍ୟ ଥଣ୍ଡାରୁ ଲଢ଼ିବାରେ ସାହାଯ୍ୟ କରିଥାଏ। ପ୍ରଫେସରମାନେ ଗବେଷଣା କରିଥିଲେ ଯେ ଯେଉଁ ପ୍ରୋଟିନର ଅଭାବ ଥିବ ତାକୁ ଯଦି ପୂରା କରି ଦିଆଯାଏ ତେବେ ଭାଇରାଲ୍ ଇନଫେକ୍ସନ ସହ ଲଢ଼ିବାରେ ରୋଗୀଙ୍କୁ ସାହାଯ୍ୟ ମିଳିବ। ନିଜ ଆବିଷ୍କାରକୁ ଔଷଧରେ ପରିବର୍ତ୍ତନ କରିବା ପାଇଁ ସିନେରଜେନ୍ କମ୍ପାନୀ ନିର୍ମାଣ କରିଥିଲେ।

୨୦୦୪ମସିହାରେ ଏହି କମ୍ପାନୀ ଷ୍ଟକ୍ ମାର୍କେଟରେ ଆସିଯାଇଥିଲା,କିନ୍ତୁ କରୋନା ମହାମାରୀ ଆରମ୍ଭ ହେବା ପରେ କମ୍ପାନୀ ଫେବୃୟାରୀ ଏବଂ ମାର୍ଚ୍ଚରେ ଇଣ୍ଟରଫ୍ରିଓନ ବିଟା ପ୍ରୋଟିନ୍ ନାମକ ଔଷଧ ଏସ.ଏନ.ଜି ୦୦୧ର କ୍ଲିନିକାଲ୍ ଟ୍ରାୟଲ୍ ଆରମ୍ଭ କରିଥିଲା। ଟ୍ରାୟଲରେ ସିଧା ରୋଗୀଙ୍କ ଫୁସଫୁସରେ ଏସ.ଏନ.ଜି ୦୦୧ ଦିଆଯାଇଥିଲା। ଟ୍ରାୟଲରୁ ଜଣା ପଡ଼ିଥିଲା ଯେ ଔଷଧ ଦେବା ଫଳରେ ରୋଗୀଙ୍କ ଆରୋଗ୍ୟ ହେବାର ସମ୍ଭାବନା ୨ରୁ ୩ଗୁଣ ଅଧିକ ହୋଇଯାଇଛି।

ଟ୍ରାୟଲରେ ୧୦୧ଲୋକଙ୍କୁ ସାମିଲ କରାଯାଇଥିଲା। କମ୍ପାନୀରେ ୦.୫୬ ପ୍ରତିଶତରୁ ୦.୫୯ପ୍ରତିଶତ ଅଂଶୀଦାର ହେବା ସତ୍ବେ ସେୟାର ଦାମରେ ପରିବର୍ତ୍ତନ ଆସିବାରୁ ୩ଜଣ ପ୍ରଫେସର ରାତାରାତି କୋଟି କୋଟି ଟଙ୍କାର ମାଲିକ ହୋଇଯାଇଥିଲେ।

   Related Posts