Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

‘ଅପୁର ମୃତ୍ୟୁକୁ ସହି ପାରିଲିନି, ମୋ ଆଖି ବି ଦାନ କରିବ’: ପୁନୀତଙ୍କ ବିୟୋଗ ପରେ ଗଲାଣି ୧୦ ଜୀବନ

5/11/2021 at 4:18 PM

ବେଙ୍ଗାଲୁରୁ ୦୫/୧୧: କନ୍ନଡ ସୁପରଷ୍ଟାର ପୁନୀତ ରାଜକୁମାରଙ୍କ ମୃତ୍ୟୁକୁ ଏକ ସପ୍ତାହରୁ ଅଧିକ ବିତି ସାରିଲାଣି। କିନ୍ତୁ ତାଙ୍କର ଅକାଳ ବିୟୋଗକୁ ଏଯାଏଁ ଗ୍ରହଣ କରିପାରିନାହାନ୍ତି ତାଙ୍କ ପ୍ରଶଂସକ। ସେହି ଦୁଃଖ​‌ରେ ୧୦ ଜଣଙ୍କ ଜୀବନ ଗଲାଣି । ପୁନୀତଙ୍କ ପାଦଚିହ୍ନରେ ବାଟ ଚାଲିବାକୁ ଯାଇ ତାଙ୍କ ପ୍ରଶଂସକ ନେତ୍ରଦାନ କରିବାକୁ ଆତ୍ମହତ୍ୟା କରୁଛନ୍ତି । ଆଖି ଦାନ କରିବାକୁ ୩ ଜଣ ଆତ୍ମହତ୍ୟା କରିଥିବା ଜଣାପଡ଼ିଛି । ରାଜକୁମାରଙ୍କ ମୃତ୍ୟୁ ପରେ ଆତ୍ମହତ୍ୟା ମାମଲା ବୃଦ୍ଧି ପାଇଥିବା ବେଳେ ଅଭିନେତାଙ୍କ ପରିବାର ପକ୍ଷରୁ ଲୋକଙ୍କୁ ଶାନ୍ତି ବଜାୟ ରଖିବାକୁ ଅପିଲ କରାଯାଇଛି।

ରାଜ୍ୟରେ ରୁଜୁ ହୋଇଥିବା ୧୦ ମୃତ୍ୟୁ ମାମଲାରେ ୭ ଜଣ ଆତ୍ମହତ୍ୟା କରିଛନ୍ତି। ୩ ଜଣଙ୍କ ହୃଦସ୍ପନ୍ଦନ ବନ୍ଦ ହେବା ଯୋଗୁଁ ମୃତ୍ୟୁ ହୋଇଥିବା ଜଣାପଡ଼ିଛି। ଏହା ସମେତ ୩ ଜଣ ନେତ୍ରଦାନ କରିବାକୁ ଆତତ୍ମହତ୍ୟା କରିଛନ୍ତି। ନଭେମ୍ବର ୩ରେ ଟୁମକୁର ବାସିନ୍ଦା ରଶୀ ଲଗାଇ ଜୀବନ ହାରିଥିବା ବେଳେ ସୁଇସାଇଡ୍‌ ନୋଟ୍‌ରେ ଲେଖିଯାଇଛନ୍ତି, ‘ମୁଁ ଅପୁର ମୃତ୍ୟୁର ଦୁଃଖ ସହ୍ୟ କରିପାରିଲି ନାହିଁ । ମୁଁ ତାହା ସହ ରହିବାକୁ ଯାଉଛି। ତା ଭଳି ମୋ ଆଖି ମଧ୍ୟ ଦାନ କରିଦବ।’

ସେହିଭଳି ଅକ୍ଟୋବର ୩୧ ତାରିଖରେ ଅନେକଲରେ ରହୁଥିବା ରାଜେନ୍ଦ୍ର ମଧ୍ୟ ଆତ୍ମହତ୍ୟା କରିଛନ୍ତି। ରାମନଗର ଜିଲ୍ଲାର ଚନ୍ନାପଟନାର ୨୬ ବର୍ଷୀୟ ଭେଙ୍କଟେଶ ନମ୍ଭେମ୍ବର ୪ରେ ଜୀବନ ହାରିଛନ୍ତି ।ତାଙ୍କ ପରିବାର ଲୋକଙ୍କ ଅନୁସାରେ ଭେଙ୍କଟେଶ ପୁନୀତଙ୍କ ମୃତ୍ୟୁ ପରଠୁ ଦୁଃଖୀ ଥିଲା। ଏପରିକି ସେ ଖାଦ୍ୟ ମଧ୍ୟ ଖାଉନଥିଲା।

ସେପଟେ ପୁନୀତଙ୍କ ନେତ୍ରଦାନ ଯୋଗୁଁ ୪ ଜଣ ଦୁନିଆ ଦେଖିଛନ୍ତି। ଏହା ପରେ ପରେ କର୍ଣ୍ଣାଟକରେ ଏବେ ଲୋକମାନେ ନେତ୍ରଦାନ କରିବାକୁ ସଂକଳ୍ପ ନେଉଥିବା ନେଇ ନାରାୟଣ ନେତ୍ରାଳୟର ଡାକ୍ତର ଭୁଜଙ୍ଗ ଶେଟ୍ଟୀ କହିଛନ୍ତି ।

   Related Posts