ସମ୍ବଲପୁର ୧୬/୧୨: ହୀରାକୁଦ ଡ୍ୟାମର ନିଷିଦ୍ଧାଂଚଳରୁ ଓଡିଆ ଅଭିନେତ୍ରୀ ପ୍ରକୃତି ମିଶ୍ରଙ୍କ ଭିଡିଓ ଭାଇରାଲ୍ ହୋଇଛି । ହୀରାକୁଦ ଡ୍ୟାମ ଉପରେ ଫଟୋ କିମ୍ବା ଭିଡିଓ ଉତ୍ତୋଳନ କରିବା ନିଷିଦ୍ଧ ତଥା ଦଣ୍ଡନୀୟ । ତେବେ  ଓଲିଉଡ ଅଭିନେତ୍ରୀ ପ୍ରକୃତି ମିଶ୍ର  ନିଷିଦ୍ଧାଂଚଳରୁ ଭିଡିଓ ଉତ୍ତୋଳନ କରି ନିଜର ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଯାହାକୁ ନେଇ ହୀରାକୁଦ ଡ୍ୟାମର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିବା ସହ  ସମ୍ବଲପୁରର ବୁଦ୍ଧିଜୀବି କ୍ଷୋଭ ପ୍ରକାଶ କରିଛନ୍ତି ।

ତେବେ ଗୁରୁତ୍ବପୂର୍ଣ୍ଣ କଥା ହେଲା ଭିଡିଓରେ ତିନି ଜଣ ଓଲିଉଡ ଅଭିନେତ୍ରୀ ପ୍ରକୃତି ମିଶ୍ର, ଏଲିନା ସାମନ୍ତ ରାୟ ଓ ଲଭଲି  ଥିବାବେଳେ ସ୍ଵାସ୍ଥ୍ୟ ମନ୍ତ୍ରୀ ନବ କିଶୋର ଦାସଙ୍କ ଝିଅ ଦୀପାଳି ମଧ୍ୟ ଏହି ଭିଡିଓରେ ଅଛନ୍ତି । ଦୁଇ ଦିନ ତଳେ କୌଣସି ଏକ କାର୍ଯ୍ୟକ୍ରମରେ ଓଲିଉଡ ଇଣ୍ଡ୍ରଷ୍ଟିଜର ତିନି ଜଣ ଅଭିନେତ୍ରୀ ସମ୍ବଲପୁର ଆସିବା ସହ ହୀରାକୁଦ ଡ୍ୟାମ ବୁଲିବାକୁ ଯାଇଥିଲେ । ସେଠାରେ ଡ୍ୟାମ ଉପରକୁ ଯାଇ ନିଷିଦ୍ଧାଂଚଳରେ ଫଟୋ ସାଙ୍ଗରେ ଭିଡିଓ ଉତ୍ତୋଳନ କରି ସୋସିଆଲ ମିଡିଆରେ ସେୟାର କରିଛନ୍ତି  ।