ଜୟପୁର ୨୧।୮: କୋରାପୁଟର କୋଟପାଡରେ ଏକ ଦୁଃଖଦ ଘଟଣା । କୂଅରୁ ମିଳିଲା ପରିବାରର ୩ଜଣଙ୍କ ମୃତଦେହ ଉଦ୍ଧାର ହୋଇଛି । ମା’, ପୁଅ ଓ ଝିଅଙ୍କ ମୃତଦେହ ଉଦ୍ଧାର କରାଯାଇଛି । ଏଭଳି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା କୋଟପାଡ ବ୍ଲକ୍ ର ୮ ନମ୍ବର ଓ୍ବାର୍ଡରେ । ମା’ ସହ ଦୁଇ ବର୍ଷର ପୁଅ ଏବଂ ୮ ମାସ ଝିଅଙ୍କ ମୃତଦେହ ଉଦ୍ଧାର ହୋଇଛି । ପରିବାରିକ କଳହରୁ ମହିଳା ଜଣଙ୍କ ପୁଅ, ଝିଅଙ୍କୁ ଧରି ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ଖବର ପାଇ ଘଟଣାସ୍ଥଳରେ ପହଞ୍ଚି ପୋଲିସ କୂଅ ଭିତରୁ ମୃତଦେହ ଉଦ୍ଧାର କରିଛି । ମୃତଦେହ ଉଦ୍ଧାର କରିବା ପରେ ପୋଲିସ ଶବ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ମହିଳାଙ୍କ ଉଭଣୀଙ୍କ ସୂଚନା ଅନୁସାରେ ସେ ତାଙ୍କ ପୁଅ, ଝିଅଙ୍କୁ ଧରି ଆତ୍ମହତ୍ୟା କରିଛନ୍ତି । ଘଟଣାରେ ମହିଳାଙ୍କ ସ୍ବାମୀଙ୍କୁ ଅଟକ ରଖିଛି ପୋଲିସ । ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ ।
