ଭୁବନେଶ୍ବର ୧୨.୦୩- ଚଳିତ ବର୍ଷ ରାଜ୍ୟରେ ତିନିଟି ନୂତନ ବିଶ୍ବ ବିଦ୍ୟାଳୟ  ଖୋଲିବାର ପ୍ରସ୍ତାବ ରହିଛି । ରାଜ୍ୟ ସରକାରଙ୍କ ଏହି ଯୋଜନା ସଂପର୍କରେ ଗୁରୁବାର ବିଧାନସଭାରେ ସୂଚନା ଦେଇଛନ୍ତି ଉଚ୍ଚ ଶିକ୍ଷାମନ୍ତ୍ରୀ ଅରୁଣ କୁମାର ସାହୁ ।ବିଧାୟକ ଭୂପିନ୍ଦର ସିଂଙ୍କ ଏକ ପ୍ରଶ୍ନର ଉତ୍ତରରେ ମନ୍ତ୍ରୀ ତିନି ବିଶ୍ବ ବିଦ୍ୟାଳୟ ସଂପର୍କରେ ପ୍ରକାଶ କରିଚନ୍ତି ।

{"id":237265,"width":746,"height":470,"sizeSlug":"large"}

ସରକାରଙ୍କ ପ୍ରସ୍ତାବ ଅନୁସାରେ କଳାହାଣ୍ଡିି ବିଶ୍ବବିଦ୍ୟାଳୟ , ରାଜେନ୍ଦ୍ର ବିଶ୍ବବିଦ୍ୟାଳୟ ଏବଂ ମଧୁସୂଦନ ଆଇନ ବିଶ୍ବବିଦ୍ୟାଳୟ ଚଳିତ ବର୍ଷରୁ କାର୍ଯ୍ୟାରମ୍ଭକରିବାର ଯୋଜନା ରହିଛି । ଭବାନୀପାଟଣାରେ ପ୍ରସ୍ତାବିତ କଳାହାଣ୍ଡି ବିଶ୍ବବିଦ୍ୟାଳୟ ସ୍ଥାପନ ହେବାକୁ ଥିବା ବେଳେ, ରାଜେନ୍ଦ୍ର ବିଶ୍ବବିଦ୍ୟାଳୟ ବଲାଙ୍ଗିରରେ ଏବଂ କଟକରେ ମଧୁସୂଦନ ଆଇନ ବିଶ୍ବବିଦ୍ୟାଳୟ ପ୍ରତିଷ୍ଠା ହେବ ।୨୦୨୦-୨୧ରେ ପ୍ରତିଷ୍ଠା ହେବାକୁ ଥିବା ଏହି ତିନି ବିଶ୍ବବିଦ୍ୟାଳୟ ଚଳିତ ବର୍ଷ ଜୁନ୍ ୧ ତାରିକରେ କାର୍ଯ୍ୟାରମ୍ଭ କରିବ ବୋଲି କହିଛନ୍ତି ଉଚ୍ଚଶିକ୍ଷା ମନ୍ତ୍ରୀ ।ଏହି ସବୁ ନୂତନ ବିଶ୍ବ ବିଦ୍ୟାଳୟ ଲାଗି ସରକାର ୫୮ କୋଟି ଟଙ୍କା  ମଞ୍ଜୁର କରିଥିବା ମଧ୍ୟ ପ୍ରକାଶ କରିଛନ୍ତି ମନ୍ତ୍ରୀ ଅରୁଣ କୁମାର ସାହୁ।