Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ପାର୍ବଣ ୠତୁରେ ୩ ଲକ୍ଷ ଲୋକଙ୍କୁ ଚାକିରୀ ଦେବ ଇ-କମର୍ସ କମ୍ପାନୀ ଫ୍ଲିପ୍‌କାର୍ଟ ଏବଂ ଆମାଜନ୍

30/09/2020 at 4:08 PM

ନୂଆଦିଲ୍ଲୀ ୩୦/୦୯ : ଇ-କମର୍ସ କମ୍ପାନୀ ଚଳିତ ପାର୍ବଣ ୠତୁରେ ନିଜର ସେଲ୍ସ ବଢାଇବା ପାଇଁ ବମ୍ପର୍ ଭର୍ତ୍ତି କରିବାକୁ ଯାଉଛି । ଫ୍ଲିପକାର୍ଟ ଏବଂ ଆମାଜନ୍ ଭଳି ଅନେକ ଇ-କମର୍ସ କମ୍ପାନୀ ଦେଶର ପାଖାପାଖି ୩ ଲକ୍ଷ ଲୋକଙ୍କୁ ଚାକିରୀ ଦେବ । RedSeer ଅନୁଯାୟୀ, ପାର୍ବଣ ୠତୁକୁ ଦେଖି ଇ-କମର୍ସ ପ୍ଲାଟଫର୍ମ ଦ୍ୱାରା ଅସ୍ଥାୟୀ ନିଯୁକ୍ତି କରିବ । କେବଳ ସେତିକି ନୁହେଁ, ଇ-କମର୍ସ କମ୍ପାନୀର ମାଲ୍ ଲୋକଙ୍କ ଯାଏଁ ପହଞ୍ଚାଉଥିବା ଲଜିଷ୍ଟିକ୍ କମ୍ପାନୀ ଇକମ୍ ଏକ୍ସପ୍ରେସ ୩୦ ହଜାର ନୂଆ ଚାକିରୀ ଘୋଷଣା କରିଛି । ଅକ୍ଟୋବର ପ୍ରଥମ ସପ୍ତାହ ସୁଦ୍ଧା ଏହି କମ୍ପାନୀର ନିଯୁକ୍ତି ହେବାର ଆଶଙ୍କା ରହିଛି ।

RedSeer କହିଛି ଯେ, ପାଖାପାଖି ୨୦ ପ୍ରତିଶତ ଅସ୍ଥାୟୀ କର୍ମଚାରୀଙ୍କୁ ପାର୍ବଣ ୠତୁ ପରେ ମଧ୍ୟ ବାହାର କରାଯିବ ନାହିଁ । ବର୍ତ୍ତମାନ କରୋନା ମହାମାରୀ ଯୋଗୁଁ ଅଧିକାଂଶ ଲୋକ ଅନଲାଇନ ସପିଙ୍ଗ୍ କରିବାକୁ ପସନ୍ଦ କରୁଛନ୍ତି । ଲୋକଙ୍କ ଚାହିଦା ପୁରା କରିବାକୁ ଦୁନିଆର ସବୁଠାରୁ ବଡ ଇ-କମର୍ସ କମ୍ପାନୀ ଆମାଜନ୍ ଭାରତରେ ଏକ ଲକ୍ଷ ଲୋକଙ୍କୁ ନିଯୁକ୍ତି ଦେବେ । ନୂଆ କର୍ମଚାରୀ ସାମଗ୍ରୀ ପ୍ୟାକ୍ କରିବା, ସାମଗ୍ରୀ ପଠାଇବା ଓ ଅର୍ଡର୍ ପହଞ୍ଚାଇବା କାମ କରିବାରେ ସାହାଯ୍ୟ କରିବେ । ଏହି ନିଯୁକ୍ତି ଉଭୟ ପାର୍ଟ ଟାଇମ୍ ଓ ଫୁଲ୍ ଟାଇମ୍ ହିସାବରେ ହେବ ।

ରିପୋର୍ଟରେ କୁହାଯାଇଛି ଯେ, ୩ ଲକ୍ଷ ଚାକିରୀ ମଧ୍ୟରୁ ୭୦ ପ୍ରତିଶତ ଫ୍ଲିପକାର୍ଟ ଏବଂ ଆମାଜନ୍ ଭଳି ଅନଲାଇନ୍ ପ୍ଲାଟଫର୍ମ ଦ୍ୱାରା ଚାକିରୀ ଦିଆଯିବାର ସମ୍ଭାବନା ରହିଛି । ବାକି ନିଯୁକ୍ତି Ecom Express ଭଳି ଲଜିଷ୍ଟିକ କମ୍ପାନୀ ଦ୍ୱାରା କରାଯିବ । ଏହି ଚାକିରୀ ମଧ୍ୟରୁ ୬୦ ପ୍ରତିଶତ ରୋଲ୍ ଲଜିଷ୍ଟିକ୍ ଫଙ୍କସନରେ ରହିବା ନେଇ ଅନୁମାନ କରାଯାଉଛି । ବାକି ୨୦ ପ୍ରତିଶତ ରୋଲ ୱେୟାରହାଉସିଂରେ ଓ ୨୦ ପ୍ରତିଶତ କଷ୍ଟମର୍ ସର୍ଭିସ୍ ଫଙ୍କସନରେ ରହିପାରନ୍ତି ।

ଚଳିତ ମାସ ଆରମ୍ଭରେ ଫ୍ଲିପକାର୍ଟ କହିଥିଲା ଯେ ପାର୍ବଣ ୠତୁରେ ୭୦ ହଜାର ଲୋକଙ୍କୁ ଡାଇରେକ୍ଟ ହେଉ କିମ୍ବା ଇନଡାଇରେକ୍ଟ ହେଉ ଚାକିରୀ ଦେବାରେ ସାହାଯ୍ୟ କରିବ ।

   Related Posts