Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଶ୍ୱାସ ନହେଲେ ବି ସତ: ଜଣେ ଲୋକର ତିନୋଟି କିଡନୀ, ଅଣ୍ଟା ବିନ୍ଧାର ଚିକିତ୍ସାରୁ ଏକ୍ସରେ ରିପୋର୍ଟ ଦେଖି ଡାକ୍ତର ତାଜୁବ

8/05/2020 at 7:53 PM

ବ୍ରାଜିଲ୍, ୦୮|୦୫:ବିଶ୍ୱାସ ନହେଲେ ବି ସତ । ଜଣେ ବ୍ୟକ୍ତିଙ୍କ ତିନୋଟି କିଡନୀ । ଜଣେ ବ୍ରାଜିଲ୍ ବ୍ୟକ୍ତି ନିଜର ଅଣ୍ଟା ବିନ୍ଧା ପାଇଁ ସିଟି ସ୍କାନ୍ କରିବା ପରେ ଏହି ସତ୍ୟ ସାମ୍ନାକୁ ଆସିଥିଲା । ଯାହାକୁ ଦେଖି ଡାକ୍ତରମାନେ ତାଜୁବ ହୋଇଯାଇଛନ୍ତି ।

ସୂଚନାନୁସାରେ, ବ୍ରାଜିଲର ଜଣେ ୩୮ ବର୍ଷୀୟ ବ୍ୟକ୍ତିଙ୍କ ଦୀର୍ଘ ଦିନ ହେବ ଅଣ୍ଟା ବିନ୍ଧା ହେଉଥିଲା । ସେ ଡାକ୍ତରଙ୍କ ପରାମର୍ଶ ପରେ ସାଓ ପାଓଲୋ ମେଡିକାଲରେ ଏକ୍ସରେ ଓ ସିଟି ସ୍କାନ କରିଥିଲେ । ବ୍ୟକ୍ତିଙ୍କର ସ୍ଲିପଡ୍ ଡିସ୍କ ଥିବା ଓ ଏହାସହ ସ୍ପାଇନାଲ୍ ଭରଟବ୍ରେରେ କିଛି ସମସ୍ଯା ଥିବା ଜଣାପଡିଥିଲା । 

ଡାକ୍ତରମାନେ ସେହି ସମୟରେ ଆଶ୍ଚର୍ଯ୍ୟ ହୋଇଯାଇଥିଲେ ଯେତେବେଳେ ବ୍ୟକ୍ତିଙ୍କ ଶରୀରେ ଏକ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଥିଲା । ତାଙ୍କର ତିନୋଟି କିଡନୀ ରହିଥିଲା । ତାଙ୍କ ବାମ ପାର୍ଶ୍ୱରେ ଗୋଟିଏ କିଡନୀ ଥିବା ବେଳେ ଦକ୍ଷିଣ ପାର୍ଶ୍ୱରେ ଦୁଇଟି ଫ୍ୟୁଡ୍ କିଡନୀ ଥିଲା ।  ଦି ନ୍ୟୁ ଇଂଲଣ୍ଡ୍ ଜର୍ଣ୍ଣାଲ ଅଫ୍ ମେଡିସିନର ରିପୋର୍ଟରେ ଏହା ପ୍ରକାଶ ପାଇଛି ।

ଏହି କାରଣ ପାଇଁ ତାଙ୍କଠାରେ କୌଣସି ସମସ୍ୟା ଦେଖିବାକୁ ମିଳିନାହିଁ । ତାଙ୍କର ସମସ୍ତ ଅଙ୍ଗ ମଧ୍ୟ ଠିକସେ କାର୍ଯ୍ୟ କରୁଛି ।  କୁହାଯାଉଛି ଯେ, ଭୃଣର ବିକାଶ ସମୟରେ ଏପରି ସ୍ଥିତି ଉତ୍ପନ୍ନ ହୋଇଥାଏ । ତେବେରା ଏହାର କେଉଁ କାରଣରୁ ହୋଇଥାଏ ସେନେଇ କିଛି ପ୍ରମାଣ ନାହିଁ । କୌଣସି କାରଣରୁ ପରୀକ୍ଷା ପରେ ହିଁ ଏହା ଜଣାପଡିଥାଏ ।

   Related Posts