Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

୩ଜଣ ଭାରତୀୟ ୨୫ ଜଣ ପ୍ରଭାବଶାଳୀ ଯୁବକ ଯୁବତୀଙ୍କ ତାଲିକାରେ ସାମିଲ

21/12/2018 at 1:02 PM

୨୦୧୮ ମସିହାରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସଫଳତା ପାଇଥିବା ୨୫ ଜଣ ପ୍ରଭାବଶାଳୀ କିଶୋର ଓ କିଶୋରୀଙ୍କ ତାଲିକା ଆମେରିକାର ମ୍ମାନଜନକ ଟାଇମ୍ସ ମାଗାଜିନ ପ୍ରକାଶ କରିଛି | ଏହି ତାଲିକାରେ ୩ ଜଣ ଭାରତୀୟଙ୍କ ନାଁ ରହିଛି | ସେମାନେ ହେଲେ କାବ୍ୟା କୋପ୍ପାରାପୁ, ଋଷବ ଜୈନ ଏବଂ ଅମ୍ୱିକା ଜଜ | ଏହି ୩ଜଣ ଭାରତୀୟ ନିଜ ପ୍ରତିଭା ପାଇଁ ବିଶ୍ବର କିଶୋର କିଶୋରୀଙ୍କ ପାଇଁ ପ୍ରେରଣା ପାଲଟିଛନ୍ତି |

ଆମେରିକାରେ ରହୁଥିବା ଭାରତୀୟ କିଶୋର ଋଷବ ଜୈନ ଏକ ଆଲଗୋରିଦମର ବିକାଶ କରିଛନ୍ତି ଯେଉଁଥିରେ ଅଗ୍ନାଶୟ ମ୍ବା ପଚନ ଗ୍ରନ୍ଥିରେ ହୋଇଥିବା କ୍ୟାନସରର ଚିକିତ୍ସା ହୋଇପାରିବ |

କାବ୍ୟା କୋପ୍ପାରାପୁ ହାବାର୍ଡ ୟୁନିଭର୍ସିଟିରେ ପଢ଼ନ୍ତି | ମସ୍ତିସ୍କରେ ହୋଇଥିବା କ୍ୟାନସରର ଚିକିତ୍ସା ପାଇଁ ଏକ କମ୍ପ୍ୟୁଟର ସିଷ୍ଟମ ତିଆରି କରିଛନ୍ତି |  ଭିନ୍ନ ପ୍ରକାରର ଚିକିତ୍ସା ପ୍ରଣାଳୀ ବିକଶିତ କରିବା କାବ୍ୟାଙ୍କ ଲକ୍ଷ୍ୟ |

ବ୍ରିଟିଶ ଭାରତୀୟ ଛାତ୍ରୀ ଅମ୍ୱିକା ଜଜ ସେହି ମହିଳାଙ୍କ ପାଇଁ କାମ କରିବାକୁ ଚାହୁଁଛନ୍ତି ବୋଲି କହିଛନ୍ତି ଯେଉଁମାନେ ମାସିକ ଧର୍ମ ବେଳେ ଆର୍ଥିକ ସ୍ଥିତି ପାଇଁ ପ୍ୟାଡ଼ କିଣିପାରନ୍ତି ନାହିଁ | ସେ ଚାହୁଁଛନ୍ତି ସରକାର ଏଭଳି ମହିଳାଙ୍କ ପାଇଁ ସ୍ୱତନ୍ତ୍ର ଯୋଜନା ଲାଗୁ କରିବା ଉଚିତ | ଏକ ଇଣ୍ଟରଭିୟୁରେ ସେ କହିଛନ୍ତି ଯେ, ବ୍ରିଟେନରେ ମାସିକ ଧର୍ମ ବେଳେ ଅନେକ ବାଳିକା ସ୍କୁଲ ଯାଇପାରନ୍ତି ନାହିଁ | କାରଣ ତାଙ୍କ ପାଖରେ ପ୍ୟାଡ଼ କିଣିବା ପାଇଁ ଟଙ୍କା ନଥାଏ | ଏଥିପାଇଁ ସେ ବହୁତ ଚିନ୍ତିତ ଥିବା କହିଛନ୍ତି | ତାଙ୍କ କହିବାନୁଯାୟୀ, ସରକାର ଏହି ସବୁ ବିଷୟରେ ଅବଗତ  ଅଛନ୍ତି | ତଥାପି ସରକାର ସବୁ ଜାଣିଶୁଣି ଚୁପ ଅଛନ୍ତି | ଅମ୍ୱିକା ‘ଫ୍ରି ପିରିୟଡ଼’ ନାମକ ଏକ ଅଭିଯାନ ମଧ୍ୟ ଆରମ୍ଭ କରିଛନ୍ତି | ଯେଉଁଥିରେ ପାଖାପାଖି ୨ ଲକ୍ଷ ଲୋକ ତାଙ୍କୁ ସମର୍ଥନ କରି ହସ୍ତାକ୍ଷର କରିଛନ୍ତି |

   Related Posts