କଟକ ୩୦|୩: କଟକ-ବାରବାଟୀରେ ଏଥର ୩ ହେଭିୱେଟଙ୍କ ମଧ୍ୟରେ ହେବ ଲଢେଇ । କଂଗ୍ରେସରୁ ମହମ୍ମଦ ମୁକିମ୍, ବିଜେପିରୁ ସମୀର ଦେ ଲଢୁଥିବା ବେଳେ ବିଜେଡିରୁ ପ୍ରାର୍ଥୀ ହୋଇଛନ୍ତି ବିଧାୟକ ଦେବାଶିଷ ସାମନ୍ତରାୟ । ଗତ ନିର୍ବାଚନରେ ମାତ୍ର ୧୪ ହଜାର ଭୋଟରେ ମହମ୍ମଦ ମୋକିମଙ୍କୁ ମାତ୍ ଦେଇଥିବା ବିଜେଡି ପାଇଁ ଏଥର ରାସ୍ତା ସହଜ ହେବନି । ରାଜନୀତି ସମୀକ୍ଷକଙ୍କ ମତ ଏଥର ନିର୍ବାଚନ ଏକପାଖିଆ ହେବନି, ତିନି ନେତାଙ୍କ ମଧ୍ୟରେ ହେବ କଡା ଟକ୍କର ।
{"id":98595}କଟକ ବାରବାଟୀ ଆସନ ପାଇଁ ହେବ ତ୍ରିମୁଖୀ ଲଢେଇ । ନିର୍ବାଚନୀ ମୈଦାନରେ ଅଛନ୍ତି ୩ ହେଭିୱେଟ୍ ନେତା । ପୂର୍ବରୁ କଂଗ୍ରେସ ମହମ୍ମଦ ମୋକିମ ଓ ବିଜେପି ସମୀର ଦେଙ୍କୁ ପ୍ରାର୍ଥୀ ଘୋଷଣା କରିସାରିଥିବା ବେଳେ ଶୁକ୍ରବାର ବିଧାୟକ ଦେବାଶୀଷ ସାମନ୍ତରାୟଙ୍କୁ ରିପିଟ୍ କରିଛି ବିଜେଡି । ରାଜ୍ୟ ରାଜନୀତିର ଏହି ତିନି ହେଭିଓ୍ବେଟ୍ ପ୍ରଚାର ଆରମ୍ଭ କରିଦେଲେଣି ।
{"id":98596}କଂଗ୍ରେସ ଓ ବିଜେପି ବହୁ ଆଗରୁ ପ୍ରଚାର ମୈଦାନକୁ ଲମ୍ଫ ଦେଇଥିବା ବେଳେ ବିଜେଡି ଟିକେ ପଛରେ ପଡିଯାଇଛି । ବିଜେଡି ପ୍ରାର୍ଥୀ ଘୋଷଣା କରିବାରେ ବିଳମ୍ବ କରିବାରୁ ବିଜେଡି ନେତା ଖୋଲାଖୋଲି ଭାବେ ପ୍ରଚାର ମଙ୍ଗ ଧରି ପାରୁନଥିଲେ । ତେବେ ସେ ଯାହା ହେଉନା କାହିଁକି ଏଥର ନିର୍ବାଚନୀ ମୈଦାନରେ ୩ ହେଭିୱେଟ୍ ନେତା ଥିବାରୁ ଭୋଟ୍ ଏକ ଫାକିଈ ହେବନି ବୋଲି କହିଛନ୍ତି ରାଜନୈତିକ ବିଶେଷଜ୍ଞ ।
{"id":98597}ବିଜେଡି ପ୍ରାର୍ଥୀ ଦେବାଶିଷ ସାମନ୍ତରାୟଙ୍କ କହିବା କଥା ପ୍ରଚାରରେ କ୍ଷେତ୍ରରେ ଦଳ ପଛରେ ପଡିନି । କାରଣ ବର୍ଷ ତମାମ ଆମେ ଲୋକଙ୍କ ସହ ରହିଛୁ । ତେବେ ବାକି ପଡିଥିବା କାମ କରିବା ସହ କଟକର ଭାଇଚାରା ରକ୍ଷା କରିବା ମୁଖ୍ୟ ଲକ୍ଷ ବୋଲି ଦେବାଶିଷ କହିଛନ୍ତି ।
{"id":98598}ଗତ ନିର୍ବାଚନରେ ଏହି ଆସନରୁ ବିଜେଡିକୁ ୫୭ ହଜାର ୬ଶହ ୩୩ ଖଣ୍ଡ ଭୋଟ୍ ମିଳିଥିଲା । କଂଗ୍ରେସ କୁ ୪୩ ହଜାର ୩୩୫ ଭୋଟ୍ ଓ ବିଜେପିକୁ ମିଳିଥିଲା ୨୦ ହଜାର ୫୫୨ ଖଣ୍ଡ ଭୋଟ୍ ।
{"id":98599}କଂଗ୍ରେସ ଓ ବିଜେଡି ଏଥର ସମାନ ବ୍ୟକ୍ତିଙ୍କୁ ଟିକେଟ୍ ଦେଇଥିବା ବେଳେ ବିଜେପି ପ୍ରାର୍ଥୀ ପରିବର୍ତ୍ତନ କରିଛି।