କାନପୁର ୨୩/୩-ହୋଲିରେ ମସ୍ତି । ମଦପିଇ ଗଙ୍ଗା ନଦୀରେ ହୋଲି ପାଳିବାକୁ ଯାଇଥିଲେ ପାଂଚ ସାଙ୍ଗ । ପ୍ରାଣଛାଡ଼ି ଚାଲିଗଲେ ୩ ,ଫେରିଲେ ୨।
ଏଭଳି ଦୁଃଖଦ ଘଟଣା ଘଟିଛି ଉତ୍ତରପ୍ରଦେଶ କାନପୁରରେ । ପାଂଚଜଣ ହୋଲିରେ ପିକନିକ ମନାଇବାକୁ ଯାଇଥିଲେ ଗଂଗାନଦୀ । ସାଙ୍ଗରେ ନେଇଥିଲେ ମଦ ଆଉ ଖାଇବା ଜିନିଷ । ଅତ୍ୟଧିକ ମଦ୍ୟପାନ କରିଥିବା କାରଣରୁ ସେମାନେ ନିୟନ୍ତ୍ରଣବାହାରକୁ ଚାଲିଯାଇଥିଲେ ।ସେହି ସମୟରେ ରୋହିତ ଓ ଶିବମ ନାମକ ଦୁଇଜଣ ପାଣିରେ ବୁଡ଼ିଯାଇଥିଲେ । ତାଙ୍କୁ ବଂଚେଇବାକୁ ଯାଇ ଅନ୍ୟମାନେ କରିଥିଲେ ଚେଷ୍ଟା । କିନ୍ତୁ କିଛିଫଳ ହୋଇ ନଥିଲା , ପାଂଚଜଣଙ୍କ ମଧ୍ୟରୁ ତିନିଜଣ ନଦୀଭିତରେ ହୋଇଯାଇଥିଲେ ନିଖୋଜ ।
ଏହିଘଟଣା ଜାଣିବାପରେ ପୋଲିସ ଓ ଓଡ଼୍ରାପ୍ଟ ଟିମ ଘଟଣାସ୍ଥଳରେ ପହଂଚିଥିଲେ ବି ନିଖୋଜ ଯୁବକଙ୍କୁ ଖୋଜି ପାଇ ନଥିଲେ ।
ଅଠର ଘଣ୍ଟାପରେ ରୋହିତ(୨୧),ରାହୁଲ(୨୩),ଶିବମ(୨୨)ଙ୍କ ଶବକୁ ଉଦ୍ଧାର କରାଯାଇଥିଲା ।
ହୋଲିରେ ମସ୍ତି କରିବାକୁ ଯାଇଥିବା ୫ ସାଙ୍ଗଙ୍କ ମଧ୍ୟରୁ ଚାଲିଗଲା ୩ଜଣଙ୍କ ଜୀବନ । ଏହି ତିନିଜଣଙ୍କ ପରିବାରଲୋକ ସେମାନଙ୍କୁ ହରାଇ ଦୁଃଖରେ ଭାଙ୍ଗି ପଡ଼ିଛନ୍ତି ।