Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଜିପିଏସ ଧରାଇଦେଲା ଚୋରା ଗାଡି, ବେଆଇନ ସ୍କ୍ରାପ ଗୋଦାମରେ ୩ ଜିଲ୍ଲା ପୋଲିସର ଚଢ଼ାଉ

6/11/2021 at 10:19 PM

ଯାଜପୁର, ୦୬/୧୧: ଯାଜପୁର ସହରରେ ଚାଲିଛି ଚୋରା ଗାଡି ସ୍କ୍ରାପ କାରବାର । ବେଆଇନ ଭାବେ ଚୋରା ଗାଡିକୁ ଆଣି ଏଠାରେ ଥିବା କବାଡିଖାନାରେ କଟା ଯାଇ ବିକ୍ରି କରାଯାଉଛି । ଏକ ଗାଡି ହିଁ ସମ୍ପୂର୍ଣ୍ଣ ଚୋରିର ପର୍ଦ୍ଦାଫାସ କରିଛି । 

ସୂଚନା ଅନୂସାରେ ଗତକାଲି ରାତିରେ ଜଗତପୁର ଥାନା ଅଂଚଳରୁ ଜଣେ ବ୍ୟକ୍ତିଙ୍କ ଟାଟା ପିକଅପ ଗାଡି ଚୋରି ହୋଇଯାଇଥିଲା । ଗାଡି ମାଲିକ ଘର ସମ୍ମୁଖରେ ଗାଡି ନଥିବା ଦେଖି ଗାଡିରେ ଲାଗିଥିବା ଜିପିଏସକୁ ସଂଯୋଗ କରିଥିଲେ । ଫଳରେ ଗାଡିଟି ଯାଜପୁର ଅଭିମୁଖେ ଯାଉଥିବା ଜାଣିବାକୁ ପାଇଥିଲେ । କାଳ ବିଳମ୍ବ ନକରି ଗାଡି ମାଲିକ ଗାଡିକୁ ପିଛା କରିଥିଲେ । ପରେ ଯାଜପୁରର ସହର ଶୀତଳେଶ୍ୱର ନିକଟରେ ଥିବା ରାଧା କବାଡିଖାନାରେ ଗାଡିକୁ ପାଇଥିଲେ । ଏନେଇ  ଯାଜପୁର ଟାଉନ ଥାନାକୁ  ଜଣାଇବା ପରେ ପୋଲିସ ଚଢ଼ାଉ କରିଥିଲା ।

ପରେ ବିଭିନ୍ନ ଅଂଚଳର ଗାଡି ଚୋରି ଅଭିଯୋଗକୁ ନେଇ କଟକର ଜଗତପୁର, କେନ୍ଦ୍ରାପଡା ଓ ଯାଜପୁର ଜିଲ୍ଲାର ବଡଚଣା ପୋଲିସ ଗାଡି ମାଲିକଙ୍କ ସହ ଉକ୍ତ ସ୍ଥାନରେ ପହଂଚି ଗାଡିକୁ ଯାଂଚ କରିଥିଲେ । ଗାଡି ଗୁଡିକ ମଧ୍ୟରୁ ଜଗତପୁର ପୋଲିସ ୨ ଟି ଚୋରି ଗାଡି ଚିହ୍ନଟ କରିଛନ୍ତି । ଅନ୍ୟ ଗାଡି ଗୁଡିକ ଖଣ୍ଡଖଣ୍ଡ କରାଯାଇଥିବାରୁ ମାଲିକଙ୍କ ପକ୍ଷେ ଚିହ୍ନିବା ସମ୍ଭବ ହେଉନାହିଁ । ତେବେ ଏହି ଘଟଣାରେ ପୋଲିସ ଜଣେ ଗାଡି ଚୋର ଓ କବାଡିଖାନା ମାଲିକକୁ ଅଟକ ରଖି ପଚରାଉଚରା ଜାରି ରଖିଛି । ଏହି ଘଟଣାରେ ଏକ ବଡ ରାକେଟ ସକ୍ରୀୟ ଥିବାରୁ ପୋଲିସ ପ୍ରତିକ୍ରିୟା ଦେଇନାହିଁ ।

   Related Posts