ଅଧା ରହିଗଲା ଫ୍ରେଣ୍ଡସିପ ଡେ । ବନ୍ଧୁତା ଦିବସରେ ପ୍ରାଣ ହରାଇଛନ୍ତି ୩ ବନ୍ଧୁ । ରାତିରେ ସାଙ୍ଗହୋଇ ବୁଲାବୁଲି କରି ଖାଇବାକୁ ଯାଇ ଘରକୁ ଫେରୁଥିବାବେଳେ ଅଘଟଣ । ଅଜଣା ଗାଡି ଧକ୍କାରେ ୩ ଜଣଙ୍କ ମୃତ୍ୟୁ ହୋଇଛି । ବଲାଙ୍ଗୀର ପୁଇଁତଳା ଥାନା ସାତମାଇଲ ଛକରେ ୩ ଜଣ ବାଇକରେ ଯାଉଥିବାବେଳେ ଧକ୍କା ଦେଇଥିଲା ଅଜଣାଗାଡି । ମୃତକ ୩ ଜଣ ମାଲପଡା ଅଞ୍ଚଳର ଲଲିତ ରଞ୍ଜନ କର, ଅଚ୍ୟୁତ ବଗର୍ତ୍ତୀ ଓ ରାଜେଶ ବାଗ୍ । ଘଟଣାସ୍ଥଳରେ ପୁଇଁତଳା ପୋଲିସ ପହଞ୍ଚି ମୃତଦେହ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି ।