Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||
  • ଆଇପିଏଲ-୨୦୨୦ : ରୋମାଞ୍ଚକର ମୁକାବିଲାରେ ପଞ୍ଜାବଠୁ ୧୨ ରନରେ ହାରିଲା ହାଇଦ୍ରାବାଦ
  • ||

ପୁରୀ ପଟ୍ଟନାୟକିଆ ଟ୍ରିପଲ ମର୍ଡର ଘଟଣା : ତିନି ଅଟକ, ଏପଟେ ବିଧାନସଭାରେ ହଟ୍ଟଗୋଳ

15/07/2019 at 1:08 PM

ପୁରୀ ୧୫/୭: ପୁରୀ ପଟ୍ଟନାୟକିଆ ଛକରେ ଟ୍ରିପିଲ ମର୍ଡର ଘଟଣାରେ ତିନି ଜଣଙ୍କୁ ଅଟକ ରଖି ପୋଲିସ ପଚରା ଉଚୁରା କରୁଛି। ଘଟଣା ସ୍ଥଳରୁ ୬ଟି ଖଣ୍ଡା ଜବତ କରାଯାଇଛି। ସାଇଣ୍ଟିଫିକ୍  ଟିମ୍ ଏହାର ତଦନ୍ତ କରୁଛି। ଗତକାଲି  ସଂଧ୍ୟାରେ  ଗୋଟିଏ ପରିବାର ୩ ଜଣଙ୍କୁ ବିଚ୍ ବଜାରରେ ଦୁର୍ବୃତ୍ତ ମାନେ ଗୋଡ଼ାଇ ଗୋଡ଼ାଇ ହାଣି ହତ୍ୟା କରିଥିଲେ । ମୃତକ ହେଲେ ପୂର୍ଣ୍ଣଚନ୍ଦ୍ର ବେହେରା, କୃଷ୍ଣଚନ୍ଦ୍ର ବେହେରା ଏବଂ ପର୍ଶୁ ବେହେରା।  କିଛି ମାସ ତଳେ ପୂର୍ବତନ ସରପଞ୍ଚ ଅଜୟ ବେହେରାଙ୍କ ମୃତଦେହ ଟ୍ରେନ ଲାଇନରୁ ଉଦ୍ଧାର ହୋଇଥିଲା l  ପୂର୍ଣ୍ଣ ଓ କୃଷ୍ଣ ହେଉଛନ୍ତି ଅଜୟଙ୍କ ନିଜ ଭାଇ । ସେହିପରି ପଞ୍ଚୁ ତାଙ୍କ ଦାଦା ପୁଅ ଭାଇ । ଏମାନଙ୍କୁ କେଉଁ କାରଣ ପାଇଁ ହତ୍ୟା କରାଯାଇଛି ତାହା ପୋଲିସ ଏଯାଏଁ ସ୍ପଷ୍ଟ କରିନାହିଁ।

ଆଜି ବିଧାନସଭାରେ ଏହି ପ୍ରସଙ୍ଗ ଉଠିଥିଲା।  ବିରୋଧୀ ଏହି ପ୍ରସଙ୍ଗ ଉଠାଇ ଗୃହରେ ହୋହଲ୍ଲା କରିଛନ୍ତି ।  ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ବିଗିଡି ଯାଇଥିବା ବିରୋଧି ଅଭିଯୋଗ କରିଥିଲେ ।  ଯେଉଁଥିପାଇଁ ୧୦ ମିନିଟ ପାଇଁ ଗୃହ ମୁଲତବୀ କରାଯାଇଥିଲା ।ଗୃହ କାର୍ଯ୍ୟ ପୁଣି ଆରମ୍ଭ ହେବା ମାତ୍ରେ ପୁଣି ସମାନ ପ୍ରସଙ୍ଗରେ ହଟ୍ଟଗୋଳ  ହୋଇଥିଲା ।  ଫଳରେ ଗୃହକୁ ଦିନ ୧୧ଟା୩୦ ଯାଏ ମୁଲତବୀ ଘୋଷଣା କରିଥିଲେ ବାଚସ୍ପତି ।  ସାଢେ ୧୧ଟାରୁ ପୁଣି ଗୃହ କାର୍ଯ୍ୟ ଆରମ୍ଭ ମାତ୍ରେ ପୁଣି ହଟ୍ଟଗୋଳ ହେବାରୁ ଗୃହକୁ ୩ଟା ଯାଏଁ ମୁଲତବୀ ରଖାଯାଇଛି ।  ଶୁନ୍ୟକାଳରେ  ଗୃହ କାର୍ଯ୍ୟ ଆରମ୍ଭ ମାତ୍ରେ ବିରୋଧୀ ଉଠାଇଲେ ରାଜ୍ୟରେ ଆଇନ ଶୃଂଖଳା ପରିସ୍ଥିତ ବପର୍ଯ୍ୟସ୍ତ ପ୍ରସଙ୍ଗ । ଏହି ପ୍ରସଙ୍ଗରେ  ମୁଖ୍ୟମନ୍ତ୍ରୀଙ୍କ ଉତ୍ତର ଦାବି କରିଥିଲେ ।

   Related Posts