ପୁରୀ୫|୭: ଆଜି ଆଡ଼ପ ମଣ୍ଡପକୁ ବିଜେ କରୁଛନ୍ତି ମହାପ୍ରଭୁ । ଗତକାଲି ସଂଧ୍ୟାରେ ଶରଧାବାଲିରେ ତିନି ରଥ ପହଞ୍ଚିବା ପରଠାରୁ ଆଜି ସଂଧ୍ୟା ପର୍ଯ୍ୟନ୍ତ ରଥାରୁଢ଼ ଶ୍ରୀଜିଉଙ୍କୁ ଦର୍ଶନ କରିବାର ସୁଯୋଗ ପାଇଥିଲେ ଭକ୍ତ । ଆଜି ସକାଳୁ ମଧ୍ୟ ଝିପ୍‌ ଝିପ୍‌ ବର୍ଷା ସତ୍ବେ ଭକ୍ତଙ୍କ ଭିଡ଼ କମିନଥିଲା । ରଥ ଉପରେ ଚାଲିଥିଲା ଶ୍ରୀଜିଉଙ୍କ ନୀତିକାନ୍ତି । ….

{"id":130884}

ରଥ ଉପରେ କଟିଲା ସାରା ରାତି । ଆଉ ଆଜି ମଧ୍ୟ ସାରା ଦିନ ଶରଧାବାଲିରେ ଭକ୍ତଙ୍କ ଗହଣରେ ରହିବାକୁ ଚାହିଁଥିଲେ କାଳିଆ ଠାକୁର । ସେ ତ ଭକ୍ତର ଭାବରେ ବନ୍ଧା । ଭକ୍ତର ଜୀବନ ଧନ । କାଳେ କୋଉ ଭକ୍ତ ତାଙ୍କର ଶ୍ରୀକ୍ଷେତ୍ରରେ ପହଞ୍ଚି ପାରିନଥିଲେ, ଖାସ୍‌ ସେଇଥିପାଇ କାଲି ସଂଧ୍ୟାରୁ ଆଜି ସଂଧ୍ୟା ପର୍ଯ୍ୟନ୍ତ ସେମିତି ରଥ ଉପରେ ଅପେକ୍ଷା କରି ବସିଥିଲେ ଭକ୍ତ ବତ୍ସଳ ମହାପ୍ରଭୁ ।

{"id":130887}

ସେପଟେ ଭକ୍ତ ମଧ୍ୟ ତା’ର ଭାବର ଡୋରିରେ ମହାପ୍ରଭୁଙ୍କୁ ବାନ୍ଧି ରଖିବାକୁ କୌଣସି ମଉକା ଛାଡ଼ିନଥିଲେ । କାଲି ରାତିଠୁ ଆଜି ସଂଧ୍ୟା ପର୍ଯ୍ୟନ୍ତ ଶରଧାବାଲିରେ ରଥାରୂଢ଼ ଶ୍ରୀଜିଉଙ୍କ ଦର୍ଶନ ପାଇଁ ଲାଗିଥିଲା ଭକ୍ତଙ୍କ ଭିଡ଼ ।

{"id":130885}

ଏତେ ଦିନ ପରେ କାଳିଆ ସାଆନ୍ତଙ୍କୁ ପାଖରେ ପାଇ ଭକ୍ତର ମନ ପୂରି ଉଠିଛି । ହରିବୋଲ, ହୁଳହୁଳି ଓ ସଂକୀର୍ତ୍ତନରେ ଫାଟି ପଡ଼ୁଛି ଶରଧାବାଲି । କିଏ ଚକାଆଖିରେ ଆଖି ମିଶାଇ ତା’ର ଦୁଃଖ ଜଣାଉଛି ତ ଆଉ କିଏ ଭାବବିହ୍ବଳ ହୋଇ କାନ୍ଦି ପକାଉଛି । ଶରଧାବାଲିରେ ଭକ୍ତ=ଭଗବାନଙ୍କ ଏ ଅପୂର୍ବ ମିଳନ ସୃଷ୍ଟି କରିଛି ଆଧ୍ୟାତ୍ମିକ ପରିବେଶ । ସେପଟେ ରଥ ଉପରେ ଗୋଟି ଗୋଟି କରି ସମସ୍ତ ନୀତିକାନ୍ତି କରିଥିଲେ ସେବକମାନେ ।

{"id":130886}

ଗତକାଲିଠୁ ତିନି ରଥ ଶରଧାବାଲିରେ ପହଞ୍ଚିବା ପରେ ରଥ ଚାରିପାଖରେ ବ୍ୟାରିକେଡିଂ କରାଯାଇଥିଲା । ଶାନ୍ତି ଶୃଙ୍ଖଳା ରକ୍ଷା ପାଇଁ ବ୍ୟାପକ ପୋଲିସ୍‌ ମୁତୟନ ହୋଇଥିଲେ ।

{"id":130888}