Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ସାଉଦି ଆରବରେ ଉତ୍ତର ପ୍ରେଦେଶର ଦୁଇ ଭାଇଙ୍କ ସହ ସମ୍ପର୍କୀୟ ଭାଇକୁ ହତ୍ୟା; ଅଭିଯୁକ୍ତ ଘରମାଲିକ ଗିରଫ

15/01/2019 at 3:45 PM

ରିୟାଦ ୧୫/୧ : ସାଉଦି ଆରବରେ ଟଙ୍କା କାରବାର ୨ ଭାଇଙ୍କ ସମେତ ଆଉ ଜଣେ ଯୁବକଙ୍କୁ ହତ୍ୟା କରିଦିଆଯାଇଛି | ତୃତୀୟ ଯୁବକ ଦୁଇ ଭାଇଙ୍କ ସମ୍ପର୍କୀୟ ଭାଇ ଥିଲେ | ଏହି ହତ୍ୟାକାଣ୍ଡ କିଛି ମାସ ମଧ୍ୟରେ ହୋଇଥିଲା | ହତ୍ୟାକାଣ୍ଡର ପର୍ଦାଫାଶ ରବିବାର ଦିନ ହୋଇଥିଲା | ସୋମବାର ଦିନ ୩ ଯୁବକଙ୍କ ମୃତଦେହ ମିଳିଥିଲା | ଦୁଇ ଭାଇ ଆଜମଗଡ଼ ଅନ୍ତର୍ଗତ ରସୁଲପୁର ଗାଁର ଏବଂ ସମ୍ପର୍କୀୟ ଭାଇ ବାସୁପାର ବନକଟରେ ରହୁଥିଲେ | ସାଉଦି ଆରବରୁ ମିଳିଥିବା ସୂଚନା ଅନୁସାରେ, ସମୁଦାୟ ୫ଟି ମୃତଦେହ ଉଦ୍ଧାର ହୋଇଛି | ଅନ୍ୟ ଦୁଇଟି ଶବ ବିହାରର ଦୁଇଜଣ ଯୁବକଙ୍କର ବୋଲି ଜଣାପଡିଛି | ଘଟଣାରେ ୧୧ ଜଣଙ୍କୁ ଥାନାରେ ଅଟକ ରଖି ଜେରା କରୁଛି ପୋଲିସ |

ରସୁଲପୁରର ୩୫ ବର୍ଷ ବୟସ୍କ ସଫକତ ପାଖାପାଖି ୧୦ ବର୍ଷ ହେଲା ସାଉଦି ଆରବର ରାଜଧାନୀ ରିୟାଦରେ ରହୁଥିଲେ | ସଫକତ ଯାହାଘରେ ରହୁଥିଲେ ତାଙ୍କ ଠାରୁ ଟଙ୍କା କରଜ କରି ତାଙ୍କରି ନାଁରେ ଟ୍ରକ କିଣିଥିଲେ | କରଜ ଟଙ୍କା ଶୁଝିବା ପରେ ସଫକତ ଟ୍ରକଟିକୁ ବିକ୍ରି କରିବାକୁ ଚାହୁଁଥିଲା | ଜାନୁଆରୀ ୨ ତାରିଖରେ ଅଚାନକ ସଫକତ ନିଖୋଜ ହୋଇଗଲେ | ତାଙ୍କ ଫୋନ ମଧ୍ୟ ବନ୍ଦ ଥିଲା | ୪ଦିନ ପର୍ଯ୍ୟନ୍ତ ସଫକତଙ୍କ ସହ ସମ୍ପର୍କ ହୋଇନପାରିବାରୁ ତାଙ୍କର ୩୨ ବର୍ଷ ବୟସ୍କ ଭାଇ ସମିମ ଚିନ୍ତିତ ହୋଇପଡିଲା | ଏହାପରେ ସେ ନିଜର ୪୦ ବର୍ଷ ବୟସ୍କ ସମ୍ପର୍କୀୟ ଭାଇ ଫେୟାଜଙ୍କୁ ଯୋଗାଯୋଗ କରିଥିଲେ | ଉଭୟ ମିଶି ସେହି ବ୍ୟକ୍ତିଙ୍କ ଘରକୁ ଗଲେ ଯାହାଠାରୁ ଟଙ୍କା କରଜ କରି ସଫକତ ଟ୍ରକ କିଣିଥିଲେ | ସେଠାରେ ସମିମ ଏବଂ ଫେୟାଜଙ୍କର ହତ୍ୟା କରିଦିଆଯାଇଥିଲା |

ଏହାପରେ ସମିମ ଏବଂ ଫେୟାଜଙ୍କ ଫୋନ ବି ବନ୍ଦ ହୋଇଯାଇଥିଲା | ୩ଜଣ ନିଖୋଜ ଥିବା ନେଇ ସଫକତଙ୍କ ତୃତୀୟ ଭାଇ ସଡ ଆରବ ପୋଲିସ ଏବଂ ଭାରତୀୟ ଦୂତାବାସରେ ମାମଲା ସମ୍ପର୍କରେ ଏତଲା ଦେଇଥିଲେ | ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ କରିବା ପରେ ପୁରା ଘଟଣା ସାମ୍ନାକୁ ଆସିଥିଲା | ୩ଜଣଙ୍କ ମୃତଦେହ ଅଲଗା ଅଲଗା ଜାଗାରୁ ଜବତ କରିଥିଲା ପୋଲିସ | ତେବେ ମୃତଦେହ କ୍ଷତବିକ୍ଷତ ଅବସ୍ଥାରେ ମିଳିଥିବାରୁ ୩ଜଣଙ୍କୁ ଚିହ୍ନିବା କଷ୍ଟ ହୋଇଥିଲା | ପୋଲିସ ୩ଜଣଙ୍କ ଡିଏନଏ ଟେଷ୍ଟ ପାଇଁ ପଠାଇଛି | ଅଭିଯୁକ୍ତକୁ ଗିରଫ କରିଛି ପୋଲିସ | ଅଭିଯୁକ୍ତ କପିଲ ନିଜ ଦୋଷ ସ୍ୱୀକାର କରିଛି |

   Related Posts