Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ସାଙ୍ଗ ଟଙ୍କାରେ ସାଙ୍ଗକୁ ମର୍ଡ଼ର: କୋରାପୁଟରେ ଯୁବ ବ୍ୟବସାୟୀଙ୍କୁ ହତ୍ୟା ଘଟଣାର ପର୍ଦ୍ଦାଫାସ୍, ୩ ଗିରଫ

12/11/2020 at 7:04 PM

ଜୟପୁର ୧୨/୧୧ : କୋରାପୁଟ ପଟାଙ୍ଗୀରେ ଯୁବ ବ୍ୟବସାୟୀ ଗଙ୍ଗା ପ୍ରସାଦ ଚୌଧୁରୀ ହତ୍ୟା ଘଟଣାର ପର୍ଦ୍ଦାଫାସ୍ କରିଛି ପୋଲିସ । ଏହି ଘଟଣାର ମାଷ୍ଟରମାଇଣ୍ଡ ଅନୀଲ ପାଢ଼ୀ ଓ ଜଣେ ସୁପାରୀ କିଲର ସହ ମୋଟ ୩ଜଣଙ୍କୁ ଗିରଫ କରାଯାଇଛି । ଗଂଜେଇ ବେପାର ବାହାନାରେ ଗଙ୍ଗା ପ୍ରସାଦଙ୍କ ଠାରୁ ୪୦ହଜାର ଟଙ୍କା ଧାର ନେଇଥିବା ଅନୀଲ ସେଇ ଟଙ୍କାରେ ସୁପାରୀ କିଲରଙ୍କୁ ଲଗାଇ ଗଙ୍ଗାଙ୍କୁ ମର୍ଡ଼ର କରିବା ଭଳି ସାଙ୍ଘାତିକ ସତ ପଦାକୁ ଆସିଛି ।


ସାଙ୍ଗ ଟଙ୍କାରେ ସାଙ୍ଗକୁ ମର୍ଡ଼ର । ସାଙ୍ଗକୁ ହତ୍ୟା ପାଇଁ ୪୦ହଜାର ଟଙ୍କାର ସୁପାରୀ ଦେଇଥିଲା ସାଙ୍ଗ । କୋରାପୁଟ ପଟାଙ୍ଗୀରେ ଯୁବ ବ୍ୟବସାୟୀ ଗଙ୍ଗା ପ୍ରସାଦ ଚୌଧୁରୀ ହତ୍ୟା ଘଟଣାର ପର୍ଦ୍ଦାଫାସ୍ । ଗଂଜେଇ ବେପାର ବାହାନାରେ ଗଙ୍ଗା ପ୍ରସାଦଙ୍କ ଠାରୁ ୪୦ହଜାର ଟଙ୍କା ଧାର ନେଇଥିବା ଅନୀଲ ସେଇ ଟଙ୍କାରେ ସୁପାରୀ କିଲରଙ୍କୁ ଲଗାଇ ଗଙ୍ଗାଙ୍କୁ ମର୍ଡ଼ର କରିଛି । ଘଟଣାର ମାଷ୍ଟରମାଇଣ୍ଡ ଅନୀଲ ପାଢ଼ୀ ଓ ଜଣେ ସୁପାରୀ କିଲର ସହ ମୋଟ ୩ଜଣଙ୍କୁ ଗିରଫ କରିଛି ପଟାଙ୍ଗୀ ପୋଲିସ । ସେମାନଙ୍କ ଠାରୁ ଗୋଟିଏ କାର୍, ଗୋଟିଏ ବୁଲେଟ୍ ଏବଂ କିଛି ଗ୍ଲୋବ୍ସ୍ ଜବତ ହୋଇଛି ।


ମୃତକ ଗଙ୍ଗା ପ୍ରସାଦ ଓ ଅଭିଯୁକ୍ତ ଅନୀଲ ପାଢ଼ୀ ଏବଂ ଅନୀଲଙ୍କ ବଡ଼ ଭାଇ ସୁନୀଲଙ୍କ ଭିତରେ ବନ୍ଧୁତା ଥିଲା । ହେଲେ ଗଙ୍ଗା ପ୍ରସାଦଙ୍କ ଠାରୁ ଟଙ୍କା ନେଇ ଅନ୍ଲାଇନ୍ ଗେମ୍ ଖେଳି ପ୍ରାୟ ୩ଲକ୍ଷ ଟଙ୍କା ହାରିଯାଇଥିଲେ ଅନୀଲ ପାଢ଼ୀ । ପରେ ଗଙ୍ଗା ପ୍ରସାଦ ସୁନୀଲଙ୍କୁ ବାରମ୍ବାର ଟଙ୍କା ମାଗିବାକୁ ନେଇ ଉଭୟଙ୍କ ଭିତରେ ମନୋମାଳିନ୍ୟ ହୋଇଥିଲା । ଏମିତି କି ବାପାଙ୍କ ଠାରୁ ଲକ୍ଷେଟଙ୍କା ଆଣି ସୁନୀଲ ଗଙ୍ଗା ପ୍ରସାଦଙ୍କୁ ଦେଇଥିଲେ ବି ବାକି ୨ଲକ୍ଷ ଟଙ୍କା ପାଇଁ ବାରମ୍ବାର ସୁନୀଲ ଉପରେ ଚାପ ପକାଉଥିଲେ ଗଙ୍ଗା ପ୍ରସାଦ । ଯାହାକୁ ନେଇ ସୁନୀଲଙ୍କ ଘରେ ମଧ୍ୟ ଅଶାନ୍ତି ହେଉଥିଲା । ଏଭଳି ପରିସ୍ଥିତିରେ ସୁନୀଲଙ୍କ ଭାଇ ଅନୀଲ ଗଙ୍ଗା ପ୍ରସାଦଙ୍କ ଠାରୁ ଗଞ୍ଜେଇ ବେପାର କରିବାକୁ ୪୦ହଜାର ଟଙ୍କା ଧାର୍ ନେଇ ସେଇ ଟଙ୍କାରେ ସୁପାରୀ କିଲରଙ୍କ ଦ୍ବାରା ଗଙ୍ଗା ପ୍ରସାଦଙ୍କୁ ହତ୍ୟା କରିଥିବା କୁହାଯାଉଛି ।

ମୂଳୁ ମାଇଲେ ଯିବ ସରି ନୀତିରେ ଟଙ୍କା ଟେନସନରେ ଗଙ୍ଗା ପ୍ରସାଦଙ୍କୁ ରାସ୍ତାରୁ ହଟାଇବାକୁ ବିଧିବଦ୍ଧ ଯୋଜନା କରିଥିଲେ ଅନୀଲ ପାଢ଼ୀ । ଆଉ ଗଙ୍ଗାଙ୍କୁ ହତ୍ୟା ପାଇଁ ପାରଳାଖେମୁଣ୍ଡିର ୨ଜଣ ସୁପାରୀ ଦେଇଥିଲା । ଆଉ ଗଲା ୩ ତାରିଖରେ ଗଙ୍ଗାଙ୍କୁ ହତ୍ୟା କରିଥିଲେ ଏହି ସୁପାରୀ କିଲର ।

   Related Posts